اي فاهق وسع علي خاطرك بس

تذكير بمساهمة فاتح الموضوع :

صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس
العقل ماعليك ايغفل.... قليل خير كان هو دارها
لعقل ماعطوه حقوق""" اصحاب الغلا ضالمينه

انخاف فى عقاب العمر.... على قديم عينى اتردبي

إينوس خاطري مهيوس''' من يآس ناس كانو له ونس.

يا خسارة الغلا اللي ضاع .... عزيز كى تعاميت باعني

لو كان غير جاني نوم .. يا عزيز راني حلمت بك
أسحى ياعزيز تهون........ راني عليك عاديت العرب

سريب ناس كانوا صوب البارح منامى جابهم....

ذابت عليه الكبد .... قديم غير ياعين ماقسم

أبحيل يا نصيب اجهدك ... صبي معاي راني انريدهم

عثان دايرة واتسوق""" بالعرض يامراهين ناركم

كمل امعاثرة واطياح""" ممشاى ياغنايا شوركم

هذا اكيد نقطه في بحر اللي عندكم وسع علي خاطرك :lol!:

مشا في غفله ... ونا كنت ناوي لوعتي نوصفله عزيز ع النظر غيب

انحايل ابها عالعين ::::: بقولت ايجوا نين غمضت

قسامى بلا غيات .... للخاطر الله لا يجيبهن

مانك يا صاحب كى لاول :::: تنشد وين عليك انطول

يا العزيز تعال تفقد :::::::::::::::::: ماتكبر نار وتسقد

عينك ياغالي من روحك ::::::::::::::::: واخذ قرعا راك أبروحك

ناس اعزاز غلاهم قوتي......ما ننساهم غير بموتي

العقل ما لقيلك بيش ... وانت بلاش ما بيت اتجي

الي الولهان

ايام وغلا واوهام يبن دموع وانا منيلي

كيف الروح اعزاز غلاهم ... ماني متحمل فرقاهم

عزا من عزا ياعين :::::: ونجوا لمواهيم و ذرفى

غلا من ربي نازل فيك أبروحك ما حد يساويك

فجايع يادار اقدم فيك *اعزوم اتريدى بيش انجيك

بالله شي نبا شي علم ** ملي بعيد يا جاي جيبلي

مكيون غير داير عزم....هشيمه مخليني الغلا

مشن أيام لملاقاه *** واليوم ياغوالى عالخبر

العين رضيعه خونه لا تنسى العشره ::::: لا عزيزاتهونه العين وافيه

طيب فيك بلاه احملتـــــــــى *** غالى غالى ياما قلتـــــــى

صبر العين امغير شجاعة ما تحمل فرقاهم ساعة

الصبر ما ايجيب اعزاز ::::::::::: امغير عذر داروه العرب

بعد معاهدة وامان ** عزيز خاني خونة عدو

كمل امعاثرة واطياح*** ممشاى ياغنايا شوركم

مشتاقين وشوق ذبحنا :::::::::: صبرك يامولاى امنحنا

عندي رب اسماه العالي ... ماني في عازة لا والي

طمعناهم فينا نحنا *** عيب ورا عيب او سامحنا

» غناوي وشتاوي ع النار
» على خاطرك ياكورة
» فاهق الرحيل
» فاهق الكبد (غناوي وشتاوي)