اي فاهق وسع علي خاطرك بس

تذكير بمساهمة فاتح الموضوع :

صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس
العقل ماعليك ايغفل.... قليل خير كان هو دارها
لعقل ماعطوه حقوق""" اصحاب الغلا ضالمينه

انخاف فى عقاب العمر.... على قديم عينى اتردبي

إينوس خاطري مهيوس''' من يآس ناس كانو له ونس.

يا خسارة الغلا اللي ضاع .... عزيز كى تعاميت باعني

لو كان غير جاني نوم .. يا عزيز راني حلمت بك
أسحى ياعزيز تهون........ راني عليك عاديت العرب

سريب ناس كانوا صوب البارح منامى جابهم....

ذابت عليه الكبد .... قديم غير ياعين ماقسم

أبحيل يا نصيب اجهدك ... صبي معاي راني انريدهم

عثان دايرة واتسوق""" بالعرض يامراهين ناركم

كمل امعاثرة واطياح""" ممشاى ياغنايا شوركم

هذا اكيد نقطه في بحر اللي عندكم وسع علي خاطرك :lol!:

في الله يا رجا في الله ... تستاسع وهي ضايقه علي

نين عزيز خداها دالة ... هو يظلم وانتي حمالة

لولاف ايريدونى ديما *** سكات وحمال ظليمه

درناهم اعزاز صحيح **دارونا لهاوي وقتهم

ياعوينه بلا امحسود ** اللي ما عرف يوم قيمة الغلا

ساكت عالولاف وكامي ... نين خذوهم من قدامي

عندي عقل انكان لذعته ...نين ايموت وهي واجعته

اوجعك في عزيز الظلم== وانسيتي اللي فيك دارها

قبل اطمعنا في تغفايا ... طارت وين عزيز تهايا ...

اتلوج بالنظر في الدوج ... لها رفيق عيني فاقده

إيديرن معاك حدود .. لنظار كان ما قدرتهن

عز العقل فيك ادموع .... عليك وين ما ريف بكــاء

امفيت من ايدين قديم ... الجرح ما خذا فيه الدواء ...

عندى عين عليها خايف ::::: ديمه عالولاف اترايف

موضوع: فاهقي السبت أكتوبر 09, 2010 11:18 am

عزيز للكفا ماهان * وأفعاله خطأ واجعاتني .
تشريك في المفاصل جاي * عزيز كسرنا فيه ماجبر .

ايقولن خطاهم جبر ==مازالن حنونات عالغلا

نخاف كان دعيت عليك **دعاي يصدف يرزيني فيك

العاقلة اللي حمال **كثرن عليه لمواجع شكا

يا العين داجى الدمع ### ايجيك يوم تبكيبه على

ما عمرنا قصرنا ::::::::: غير وقتنا قاصر كسر خاطرنا

عارف لنظار مطالبهن 00 لكن بسكاتي غالبهن

بشويش جيبهم يا قسم :::::::::::: إعزاز لين فيدي أتحطهم

من يوما انسى ماقال ... ورا عزيز ما فيك ما بكا

قولو عالكبد الله دايم ::::::::::: راحت بين ايدين قسايم

عزيز لاقسم لاهان ....لنا عذاب ربي خالقه

» غناوي وشتاوي ع النار
» على خاطرك ياكورة
» فاهق الرحيل
» فاهق الكبد (غناوي وشتاوي)