اي فاهق وسع علي خاطرك بس

تذكير بمساهمة فاتح الموضوع :

صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس
العقل ماعليك ايغفل.... قليل خير كان هو دارها
لعقل ماعطوه حقوق""" اصحاب الغلا ضالمينه

انخاف فى عقاب العمر.... على قديم عينى اتردبي

إينوس خاطري مهيوس''' من يآس ناس كانو له ونس.

يا خسارة الغلا اللي ضاع .... عزيز كى تعاميت باعني

لو كان غير جاني نوم .. يا عزيز راني حلمت بك
أسحى ياعزيز تهون........ راني عليك عاديت العرب

سريب ناس كانوا صوب البارح منامى جابهم....

ذابت عليه الكبد .... قديم غير ياعين ماقسم

أبحيل يا نصيب اجهدك ... صبي معاي راني انريدهم

عثان دايرة واتسوق""" بالعرض يامراهين ناركم

كمل امعاثرة واطياح""" ممشاى ياغنايا شوركم

هذا اكيد نقطه في بحر اللي عندكم وسع علي خاطرك :lol!:

رديت عالبكا ملزوم .... مليان والمشاكي شاويه

منقالك اتبوحي بيه..... غلاهم احذا ناس شامتة

# اقسام عزيز ماهن لي _ عبيت عليه غرن بي _
# نرجي في ناس امصوقرهم _ ياقسمي راك اتودرهم _
# عند العين كبير ملامك _ امغير ايش اندرو لقسامك _
# ناوعين جريت عليهم _ ماصارت قسميتي فيهم _
#كان اتريد الصوب بجوك _ يبقي قسمي ياخد سوك _
# هذا بخت هذا حملك _ هذا ربي ماقسملك _
# يا الا قسام تعلمتنها _ كي نكرب رمه ترخنها_
# مازالن لقسام ايلطن _ انطر وين ايحطن _
#ماعنديش قسايم فيهم _ هلي شاغلني طاريهم _
# يالقسام المن تبنا _ ورني لول واخدنا _
# في قسمي لو كان اطقي _ مانبي شي الا حقي _
# اجارن يالقسام معاي _ تحقن في حالي وبكاي _
# امته يفزع قسم العين _ يجيب غوالي منحازين _
#منك ياياس افتكينا _جابن لقسام غوالينا_
# لقسام هن نهاية لامر _ عليش ضايقه بيك دنيتك _

خدوسوك للغير اقسم,,,
مكاتيب اتفرق واتلـــــــم

إيش أنديرلكم يالقدم ** بكيت عليكم دمع ودم

الخاطر خلوه قديمين * * * * رحا تطحن من غير طحين

جرب يالقديم اللوعه ** درت جديد أنريدك توعه

يالقديم العن شيطانك ... قاعد كان تريد مكانك

دواي بين دين امرضي انجحاد انموت ونطال بخطا

غلبناحتى زمط الريف..... ايمتى تستاسع ياضيق

اصبر يا حي علي مطراك ..... وراس غلاك .... اللي تقسملك ما تخطاك ..

تزمط اريقه وتروق لوكان غير علمته غني
يارزق

الخاطرياما صايرفيه.........ايمتى ياقسم اترضيه

متوجع انكان عزيز للي خذو يريت ينفعوا

العقل صاحبة في كيد .. ياعوينه اللي ما يكسبه

نبرم نقفز نطلق طولي ندوشن كان تهايولي

علي عقلي نقعد ونقول ايمتى زول عزيز انطول

معاد انريد النوم وقولي عزيز وانوعي

كثرن ياعين افواهقنا نا وياك ايش ايرقدنا

قيسك ياعيني نوطاره علي كل افوهق ذرذره

لو كان خذيتي الدباير ... مو ساير فيك اللي ساير

الراي للي عنك ديريه علي روحك فبل اتقوليه

كريت الغطا او بكيت ***بشويش نين فضيت خاطرى

ابكاك ما ايجيب قديم كري اغطاك ياعين ورقدي

القى غزلىواعر فالصوب ... عزيز مشا منى مغلوب

» غناوي وشتاوي ع النار
» على خاطرك ياكورة
» فاهق الرحيل
» فاهق الكبد (غناوي وشتاوي)