اي فاهق وسع علي خاطرك بس

تذكير بمساهمة فاتح الموضوع :

صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس
العقل ماعليك ايغفل.... قليل خير كان هو دارها
لعقل ماعطوه حقوق""" اصحاب الغلا ضالمينه

انخاف فى عقاب العمر.... على قديم عينى اتردبي

إينوس خاطري مهيوس''' من يآس ناس كانو له ونس.

يا خسارة الغلا اللي ضاع .... عزيز كى تعاميت باعني

لو كان غير جاني نوم .. يا عزيز راني حلمت بك
أسحى ياعزيز تهون........ راني عليك عاديت العرب

سريب ناس كانوا صوب البارح منامى جابهم....

ذابت عليه الكبد .... قديم غير ياعين ماقسم

أبحيل يا نصيب اجهدك ... صبي معاي راني انريدهم

عثان دايرة واتسوق""" بالعرض يامراهين ناركم

كمل امعاثرة واطياح""" ممشاى ياغنايا شوركم

هذا اكيد نقطه في بحر اللي عندكم وسع علي خاطرك :lol!:

مع الغالي موش مراسيل ****سماحتا ميعاد طويل

العين قابلت ووزنت والعقل قال ما كيفك علم

انقلت انسيتك يالقديم *** نوهم في روحي توهيم

الشينه فى ساعات الضيق *** اولافك يعطوا فيك طريق

الجرح جرح واسمة فية .........الواعرة هى امعانات الوجع

الراقديقول قصير **** مطول الليل علي مارقد

فيه كبود وطينا فيهن ***** مقهورات أسكت خليهن

الخاطر يحكي غير عليك ... حنانوطيبه لاقي فيك

صاحب صوب استانسنا له"""" لكن دار العيب قباله

ابليت بغلا وفراق....وبجيره ان ماجيتهم ايجو

يلقوها لولاف انعنهم ::::::: ما ضاق العلم الا منهم

يا العين داجى الدمع ### ايجيك يوم تبكيبه على

كل اشبوب بذرنا تحت :::::: غير عطيب الخاطر بختاء

سريب صوب جا للعقـل نساه يا علم طاري الهل

بانى بيت غلا تعابنى ::::: لا طاح ولا تما مبنى

ديما مبخوتلنا فلي _ _فاهق شين وراه أمخلي

الناس ياعزيز اقدار . . . وقدرك كبير عندي بينهم

حسيت ياالعزيز غلاك ::::: ايحوس فى مكانات يقتلن

خليتهن وهن يالاك وشهيت صوبهن وينماباعدن

ليش ادس في غياب العزيز تحس.....نا عارفك يا عين

العين بلاكم يالولاف ......تحوس وتضايق وتخاف

اللي وجعتني من لاشي ** تغير صاحب صوب علي

ظالم لنظار بتقديعي ** في لوهام بعد توديعي

بالحيل ما عليه اعبا**** غلا اليوم كلا امجامله

اللى نلمسا ملذوع ::::: من النار كلنى يا نالى

» غناوي وشتاوي ع النار
» على خاطرك ياكورة
» فاهق الرحيل
» فاهق الكبد (غناوي وشتاوي)