اي فاهق وسع علي خاطرك بس

تذكير بمساهمة فاتح الموضوع :

صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس
العقل ماعليك ايغفل.... قليل خير كان هو دارها
لعقل ماعطوه حقوق""" اصحاب الغلا ضالمينه

انخاف فى عقاب العمر.... على قديم عينى اتردبي

إينوس خاطري مهيوس''' من يآس ناس كانو له ونس.

يا خسارة الغلا اللي ضاع .... عزيز كى تعاميت باعني

لو كان غير جاني نوم .. يا عزيز راني حلمت بك
أسحى ياعزيز تهون........ راني عليك عاديت العرب

سريب ناس كانوا صوب البارح منامى جابهم....

ذابت عليه الكبد .... قديم غير ياعين ماقسم

أبحيل يا نصيب اجهدك ... صبي معاي راني انريدهم

عثان دايرة واتسوق""" بالعرض يامراهين ناركم

كمل امعاثرة واطياح""" ممشاى ياغنايا شوركم

هذا اكيد نقطه في بحر اللي عندكم وسع علي خاطرك :lol!:

لا هان ولا عليك ايهون *** عزيز نين ياروح تنتهى

لوكان الجديد أطعمة******أنسيك جميع مادارو اقدم

قديم أنسيته تعرف ليش؟******* اللى ماتت ماعاد أتعيش

الصبر يا عزيز بعدك صعيب غير ما فى يدى فزع

أثنين ع العقل واعرات******غيبت عزيز والرجاء

انخاف فى عقاب العمر*** على قديم عينى اتردبي

ظليمه عليك احكموا ... قواضي قضاياك ياغلا

أوهام اوقديم وفقد****** يسكت عليش عقلى مالقى

العين من غلاك اتريد ,,,,,,, تقسم عليك حتى عمرها

العين راضيا بمنام****** تنظر عزيز فيه وتنعما

عازه ومرار وياس *** تلــقن علينا الكل ... البدو

زهاى وهناى وطربى******* لاجاك جود ياياس خذيتهن

سيور صبرنا ماحيه *** الياس مو على طول عمرنا

تلفيق عذر جابولي .... قدامه خطا
ما ينحمنل

لعزاز مالقيت عذار *** نمشيبه لهم نين ننستر

لقسام هن نهاية لامر ***** عليش ضايقه بيك دنيتك

علفايتا أنديرو عزم****** ونراجو اللى قاسمتلنا

نراجوا في طولت لقسام ******انضرها تبقى في اين عام

غير اصبر اصبر راك اتمل *** القسم ايدورلك في حل
...

انراجى وواسع بال ... هذا بيش نا صاحب غلا

يالولاف الراي امبيت يوم اللي ننساكم ميت

بسم الله الرحمن الرحيم

أقدم اليكم هذه الشتاوات والغناوي واتمنى ان تنال إعجابكم ورضاكم لكل ماهو جديد منى:
يااهل المنتدى بدو ليبيا اجمل تحياتي ليكم

إجبد هناك يا هواي خطر عزيز رانى نتعبك

هويك هويك رقد يالاك ابطل بطاك يا عين سيبك

هويك يا عينى خفا قيس اللوعه ما يعرفا

هويك النوم اغلبا من البخت مانا اعتزلتا

هويك اللى عاتقتنى فيه جديده لوعتا

ما تقول عمر اللوعه إتقاس هويك غفا ما دورك

لو كان لقيا هواى ترقد الليل عيني ما بكت

وعها وعها ابكا هواى انظر العين هي بيش خترفت

إتجو منام ما صدقت انخاف وين ما نوعا تبعدو

إفتشو خاطرى لقيوه اللى ما غرام ما كاينه

ما بىهم إلا فرقاهم وملقاتى نا وياهم

عندى جيش امدرب روسى ينزل ع المرهون اخصوصى

تصور من فرقا الغالى نين نسيت كبير اعيالي

يوم خطا لولاف انعاني ذاهب جابوني جيراني

الغقل وخذا القديم رهينه إيجي بين ما إيجي

عقلي عندك يا متموح بين إيريح او بين إيروح

عليك إعطاب وساعه عين اللى ما سدنها صوبين

على حالى داير صوبين إنسيت خالكن يا ليدين

عزيز خاطرى ما زال عليه غايبه ريح صفوتها

إهلبن يا العين عليك ايام غلاك راكى واهما

بشهودى وحقى ضاع إعتزت فى غلا صاحبا نكر

سكاتك علي ما فيك استر وخير ياعين لك ولي

مشكاه العقل زاده هول ****** سكوته على داه خيرله

رديت لاورا و بكيت ... تخيلت خلا دارهم علي

خطاهم اللي داروه، قبلوا جميل هانوا به علي
موح الخطى مو موح، الموح موح لنيا يا علم
بجروحي عليك رميت، نموت كان ما لقيت لي دوا.

العمر كان فيه طعمة، تكون هي مغالاتي لكم.
من كثر يا عزيز غلاك، تظلم ندير روحي ظالمك.
خْناقي العين مْسكت، تقول نا اللي باعدتهم.
بنار الغلا ميكول، محط ايد مني ما سلم.
تعقيد والجدايل فتل، العين في قديمين حاصلة.
قديم ما علينا فيه، ارفع يديك يا ياس ع الجدد.
لهن زمان في التقهير، م الياس غير لنظار يحملن.
لا يهون من عليك يغيب، ولا دمع جياباً لهم.
في الكبد نازلين بثقل، عْزاز نين في دمي جرو.
متماضي غلاك معاي، ننساك كيف وانت قرعتي.
ملقى شين يبي عزم، ملاقاة الغنايا للغني.
العين في عقاب العمر، دكنوني علي نار كمضت.
ان ضاع في رجاك العمر، حلال يا عزيز مصدقه.
عليك يا عزيز إن غبت، اعرف معاك نيتي حاضرة.
معاه لا نقص لا زاد، خطا عزيز جا دوب خاطري.
كمين نار ضاق العقل، حمّال غير في التالي شكا.
متواجلات شور ضياع، يزّابَن غلانا وعمرنا.
مغير لذعوك بنار، تكواي مو على قيس الوجع.
تعال يا بعيد الدار، كلت كبودنا طولة الرجا.
برموشها تحايي فيه، الجرح جا في العين بيدها.
العين شور دار عزيز، وديتها وما وديتها.
بلا امّاطلة يا قسم، مليت م الرجا قول قولتك.
نحسابها أيام تزول، حسيسة أمراض اطّاولت.
في الباينة دوا ما جاب، والغابية عدم دايرتلنا.
غلاك هو صْبَيّ العين، والباقي خيالات كلهن.
ممسوك غير في ملاقاة، العقل يا غوالي عندكم.
مادام كل شي بالقسم، اقعد بلاش يا شوق خاطري.
بلاك مالهنش طْعَمَة، شينات يا عزيز ايامنا.
مصهودة بنار غلاك، الكبد ياللي ماتندري.
مقطوع يا العين العذر، وتّي دموع واهي دارهم.
غني من دناه أيّست، يكفي مغير طرواه سادني.
دناك وانت فاضي كنت، طعمة يا غني فاتت عليْ.
كمل مساقطة في الكتر، الهدب وين ما باد م البكا.
عْزاز وَسّدوك سمور، وغطوك بالمهاياة والبكا.
اليل تاخذه تصنيت، تريد حس بكّاي تعمده.
اللي هنا غير خيال، نحلف عليه عقلي عندكم.
برمت نصيب في لوهام، العين ما بكت نين أيّست.
اللي ما غلا ضاقوه، سبحانه منيش يموّتُو؟
بشويش يا القسم وْجِيبْ، عْزاز نين فيدي تحطهم.
العقل ما جديد لهاه، يبكي بغيض ما زال ع القدم.
ننسوك في النهار بدوج، يلفى الليل ويجي جايبك.
بالحيل يا نصيب جهدك، صبى معاي راني نريدهم.
تستيه في خلا لوهام، العمر ما مشى غير هكّذي.
هْمدت نين راق العقل، عْملت خير فينا نارهم.
ردناه غير راد الغير، والغير راد غيره وسيبه.
بنارك تْطارح فيه، العقل وين ما راق تلذعه.

حسايف العين كبار، تنظر عزيز في يدين غيرها.

متواصل ارياف العين****** على العزيز ماباينقطع

رهنتك يالعزيزخلاص****** رفاقة لين اشيب الراس

» غناوي وشتاوي ع النار
» على خاطرك ياكورة
» فاهق الرحيل
» فاهق الكبد (غناوي وشتاوي)