شتاوي وغناوي عالغلا

تذكير بمساهمة فاتح الموضوع :

نحلف والناس تزكيني
راك بلا عقل مخليني

وهذي عندك يافضيله

عالعين تفقدك كي خفت .......... وكلت فيك مولاي ياغلا..........طازا

يالبزاري

ايخيب اعشمك ورجاك==ربي كريم لا ما ايديرها

صوقرت ياعزيز غلاك .......... ولك اليوم نجري عالدنا

اعزاز م الغلا الكبير *** سميتهم اللي ماينتسوا

هذي لك يالبزاري

يرزقك الله بدنو==ياللي غلاك امصوقره.....ط

لادارن ولا قادرات ........ لنظار ياغلا دونك غلا ...... طازا

باني بيت غلا تعبني
لا طاح ولا تمى مبني

ارمام غلانا فيهن قول .......... اندقوهن نلقوهن حول

لانسيهم توبي من التفكير
غواليك ما دارووو خير

ما ملي يا عقلي جاتك ....تقتل لكن ما قتالتك
ما ملي يا عقلي كميها...تقتل عالناس اموريها
العقل داه منا فيها.....متخايل مرض مو صايده

اجرحت روحها بغلاه
تحساب المداوة ساهلة

طاسة اصحاب الصوب مليانة غلا نين بددت
تخميم ورجا وسمور غلا عزيز جا كيدا علي

غلاك امخليني بكاي امرايف حتى وانت احذاي

كان خدوه العقل افداهم .. مامخلوق الا لغلاهم

ان كان هلك ماقاموك==تستاهل الميته ياغلا

نجري ع الغلا في جري ........ واعزاز ع الخراب ايعولو .......... طازا وعندكم
وانستي يافضيله وين هالغيبه

تسلم يابزاري الله يانسك
مشاغل دنيا
انسيهم مادارولك خير==اولافك توبي عالتفكير

صعيبة ننسي ناس قدم
غلاهم متخلط في الدم

قويه يامحبة ليبيا وخلينا فالحلف قديم هو قديم

ننساه قول كيف اتسير ......... غلاهم جرا في اعروقنا

متفاهمين يا بزاري
لو مليون جديد يجيني
ما صوب قديم ينسيني

ع الغالي انكان بكيت ...تهوين مو طمع في جيته

منور يا صغيرونة خليك معانا في حلف الجديد .. خير لك ..
مازلت يا الجديد وراك .. الوقت ما لهاني على الغلا

لنظار يا قديم عليك ........... كيماهن ملايا بالغلا ......... طازا
وعندكم ياحلف الجديد

بيت غلاي مصعب تطييحه
حتى كان تقاوة ريحه

بيت غلاي خيوطه فضة
واعر عاللي يريد يقضه