شتاوي وغناوي عالغلا

تذكير بمساهمة فاتح الموضوع :

نحلف والناس تزكيني
راك بلا عقل مخليني

بلحيل ماعليه اعباء _ _ غلا اليوم كله مجامله

خليتك اليوم لهلك _ _ مني عليك لمان ياغلا

صفاء الروح كتب:: نكان مو أملاقا فيك@يبقي بلاش منك ياغلا

ياصفاء
لولاف اشوي املاقاهم ** لكن موش اشوي غلاهم

ساس الغلا لقدار ..... ويميل كان ما بيهن ابني

اغليت وخذيت الكبد يلي بلاك ماعد نحملو

سماحة الغلا يالاه ياعين ,,,,, لا مراسيل لا تعب

غلاك امداد العمر انموت في ومعي ندفنا

اهناك اللي سبحان الله ... علي مايغيب ايزيد غلاه

جاك غلاي امسك ياطيري ..... ضمه ما تعطيه لغيري

صارت فيه غلانا ميحه...... لكن مو ساهل للطيحة

غلاهم اصحاب الصوب **** نوار غير منبوت في وعر

نعدوا غلا لولاف ............ربيع مارسه خان يا علم

نجك نجك

غلاكم يا لولاف امعاي ..الهاني عالماشي والجاي

اوقضت بيك هنا دون .. ثريتك اتسوقط ياغلا

اتبات كل يوم ابراي ... مسكونة الغلاء مالها دواء

. مسكونة صوب غوالينا .. كل نهار ابراي اتجينا

لنظار عالغلاء القديم..... نزحن نزاح ونقول قصرن

. أصحيت للغلاء تالي .. واجعاتني أيامي الهالبه

جاهم راى أعزاز رخونى *** تحلف ما لحظه غالونى

وين اندير غلا نشقابا موش انعول فيه خرابا

درت غلا ما عمري درته *** لكن مسرع ما ودرته

درت غلا في ايام شبابي *** لكن لاموني شيابي

درت غلا لكن ما طول *** عدا كي تعدايت لول

درت غلا ما عندي حاجة *** في وقتي تميت خواجه

ان ضعت ما انريد انموت ...اندير يا غلا كيفك غلا

لانك صاحب غلا لاقدر.....عزيز غير نا للي منعمي

» شتاوي وغناوي عالغلا
» شتاوي وغناوي علم
» [b]خلط شتاوي وغناوي العلم بلأنجليزية [/b]
» شتاوي وغناوي علم عن الخيانه
» شتاوي وغناوي علم عن النشدة