شتاوي وغناوي عالغلا

تذكير بمساهمة فاتح الموضوع :

نحلف والناس تزكيني
راك بلا عقل مخليني

اخسارة الغلا اللي ضاع
عزيز كي تعاميت باعني

لالالالا يا شونا شن صار

غلا لافي عالعين جديد ... غلا يردع الاول ويزيد

أن ضعت مــــا انريد انموت أندير ياغلا كيفك غـــــلا

غلاهم عقار جدود*** يموتن ولا فيه سلمن

[b]العقل واخذا القديم...... رهينة ايجي اوبين مايجي

يالولاف ارمام غلاكم .. فيهن رخوا من يالاكم

شونا بنت الاجواد صفاء الروح وكل من يدخل حلف الجديد والله القديم نسوته واااااااااااااااااااااعرة وصقع عليكم

متشابك حرير وسدر ............ غلا قديم وايش ايخلصه

وبالامانه وبصدق اللي اقتنع بالغناوة ايقولها مش عيب الاعتراف

كلامك صح يا بزاري واني انقولك

لو مليون جديد يجيني
ما صوب قديم ينسيني

هالب انريد عيط قديم وين اتريد رديت لوارا

يسواكم وما تسووه .......... غلاهم قديمين ياجدد

عمري ما شلتك من بالي
دوم عزيز وعندي غالي

خير ياصقع ما لاحظتيش ان ما في حد من حلف الجديد

عيت جديد انظر هم كنهم......... ما باين لا والي منهم

مازلت يا القديم وراك الوقت ما نهاني ع الغلا
وراي نلتفت ما زلت هيالي اقدم لاحقيني

ياشاهين برقه امنور القعده

خلاك قديم وخلاني ......... نلتفتو كيف اللي جاني

الجاني .. اللي داير جرم

امنور يا بزاري الباين خلاص راحت عليهم حلف الجديد

يا لقديم خديت عيوني
دبر في ناس يقودوني

يالبزارى .كى امسيت ..

حتى والرجاء مقطوع .. لليوم ياقدم شاغليني

عليكم أندير جديد .. قليل خير نبقى ياأقدم

لوكان عقلي ينسى قديم هناك وين تبريت منه

غلا قديم لو ينساه ..... ندفر العقل منه نا بري..........تسمعو ياحلف جديد ولا لا

سموني قليل خير*** لو غلاكم هان ياقدم

احلي ميسه لشاهين برقه ...........

اهناك شي غلا م الروح ؟؟؟؟ .......... يعني هل في حاجة اغلي م الروح (غناوة فيها سؤال وجواب

اهناك شي غلا م الروح ؟؟؟ ......... الغالي سبقها ع الغلا

عزيز كان خان الصوب ... عزاي فيه توبه ع الغلا

ياصفاء ما تقدريش ع التوبه لان

غلا قديم وين ايعود ....... ينقض عليك ياعين توبتك ........... طازا وعندك

وكلمة وين ايعود جت هنا بمعنى لما ايعود

امفيت ما غلا القديم==تقدر تقول ناسي كل شي

اقبلت كل شي م العقل ...... الا ايقول ناسيه الغلا

عمري ما نسيتك من بالي **دوم عزيز وعندي غالي

ننساهم حتى عقالي .......... كان غلا لول يبقالي .........طازا

العين مي قليلة خير==تنساهم بعد واجد غلا

» شتاوي وغناوي عالغلا
» شتاوي وغناوي علم
» [b]خلط شتاوي وغناوي العلم بلأنجليزية [/b]
» شتاوي وغناوي علم عن الخيانه
» شتاوي وغناوي علم عن النشدة