شتاوي وغناوي عالغلا

تذكير بمساهمة فاتح الموضوع :

نحلف والناس تزكيني
راك بلا عقل مخليني

العقل للغلا عطشـان ... دونك ارويه يا صاحب الغلا

استاسع من يالاي اشوي *** الغالي قتله جاني جي

خالط ابدم الروح ...غلا عزيز ما كيفه غلا

الله لا يجيب خطاه ... اللي غلاه هو قيس النفس

اعزاز م الغلا الكبير *** سميتهم اللي ماينتسوا

بعيد ياغلا تميت ... واطمعي فيك ماعاد لولي

صيوره ايبات بلاه ** اللي ايدير مرسول ف الغلا

غلا عزيز كيف الغيم ...اللي بيه لوطان يرجعن

مازال ماخلق مولاي اللي يغلا علعين كيفكم

كي اللي في غلاكم طلت...كي اللي في لدنا لا يا اقدم

لو كان الغلا بالشحتة انجي لروشنكم ونرقد تحته
شحات للغلا

الخاطر وحل فى ناس ... نوى تركهم زادوا في الغــلا

اطري لهن افضي مرهون لنظار سيهفني ع الغلا

عقلي والخاطر وانظاري ...... واخذهن يا سمح الطاري

ايش رايك في هذي يا سويسا شتاوة قديمه شوي بس لي
طيحتها في داخلي البيضا السنه قبل اللي فاتت

بكاني وما يريد بكاي ** غلا عزيز مجبور الله يسامحه.

العقل غالبه الكلام ..... لصقت عليه جثامت غلا

غلاه للسما وصلني ونقول دوم ربي منه ما يحرمني

جنين غلاي طويل ابكاه ... اموالف هواي وما جاه

غلا وارياف ايش انديرلهن ... افزع راني ما نحملهن

أن ضعت مــــا انريد انموت ... أندير ياغلا كيفك غـــــلا

فات الحدود معاك .... غلا عزيز جار وذيبلك

ان ماهن امعا لولاف ...........ما نريدهن سهاريك ياغلا

ان كان مو امعاك عليك *** سماحه السهارى ياغلا

سماحت الغلا يا عين ........... ترجيب مو سمور وقطمره

يرجاك نين يوفي العمر**** من غيرك غلا مولازما

حطيت يا عزيز وخنت ... يمناك فوق يمناى على الغلا