ردود (غناوي وشتاوي)

السلام عليكم ورحمة الله وبركاته ,,,,,,,

الموضوع ينص ع الردود ,, كل حد منا دائماً يكون عنده غنَاوة والا شتاوة ويتمنى يلقالها رد من شخص أخر ,,

عليه ياريت كل عضو ايرد ع الغنَاوة اللي قبله ويكتب الغنَاوة اللي في خاطره و يبي الرد عليها (الرد ممكن غنَاوة والا شتَاوة ),,,,,,,,,,

أكيد الموضوع يكتمل بردودكم وابداعكم المتواصل ,,

لكم مني كل الود والاحترام ودمتم بحفظ الله ,,

ونبدأ معاكم بأول مشاركة ::

ينساك من افعالك فيه *** ويجيك من امرارات الغلا

:gif:

لو كان الغلا بالدور نبني غلاكم لسحاب ايطول وانزيد نرافعه

اخي المبدع الولهان ...موضوع جديد وجميل وفكرة رائعة

يسعدني انكون اول مشترك وانرد علي غناوتك
.كبيرة على الخاطر ينساك *** وهو ما يزهى غير امعاك
نبي الرد علي هذة الغناوة
متماضي غلاك امعاي *** ننساك كيف وانت قرعتي

دمت بكل الود محبتي لك

امير الغربة

أخي الغالي أمير الغربة وملك الإحساس ,, دائماً متألق ,, وبالتأكيد يسعدني تواجدك وردك ع الغناوة ..
وانرد علي غناوتك وانقول ::

((شرهان خاطري بغلاك *** ايطولك ولا راضي ع البكا))

نبي الرد ع الغناوة ::

عليش يا امداوي داي *** ترفع ايديك وترد لاورا

منك ياتي الجديد الولهان موضوع رائع
تواصل مميز لأمير الغربة
لكم تحياتي

الرد على الغناوة :
دواك في اوهام عزيز ... وطلبك يا مريضة مرتفض

وغناوتي :
يا ديار دار بيكن وقت ... وبقيتن بعد دوج في خلا

:MM: :MM: :MM:

.. دائما منك الجديد والمزيد موضوع جميل ويسعدنى المشاركه فيه واتمنى ان اكون عندالمستوى ..

.. الرد على الغناوة ..

.. اديار قبل مليانات *** رحل عزيز خلاهن خلا ..

.. غناوتى ..

.. خلونى خيال ايموج *** لادرت عزم لانا انسيتهم ...

.. تحياتى ..
دمــــــــــــــــــ الوردـــــــــــــوع

منوووووورة دموع الورد وبنت لجواد ع الحضور المميز والردود القوية ,,,,

أكيد عند المستوى دموع الورد من دون تفكير ,,,

الرد ع الغناوة :

هاك عزم داوي داك *** أحسن عزاك في صاحب الغلا

وغناوتي ::

كل يوم نقول اليوم *** ضاع العمر في طول الرجا

:-انرد علي غناوتك ايها المبدع الولهان وانقولك متفأل

خليك فى رجا مولاك **** عليك نين يا عين تنفرج
وغناوتي
حتي لو اعزاز انكــــرو ... نحلف عليه عقلي عندهـــــم

كيف ما يقولو عمرك اطول من عمري ولا يمكن انقولو توارد افكار كانت الفكرة هذي في بالي بس انت قدمتة بشكل احسن ما كنت ناويا عليه المهم اخي المبدع ملك الغناوة فكرة جميلة ممتعة

هذي لك اخي المتألق [color=darkred]امير الغربة [/color]

.... قاعد غير خيال بلاكم ... يا لولاف العقل امعاكم

الغناوة اتقول

.....لنا ايام عا لوهام ... قجي دموع جينا بك لهن

.... تحياتي ... بنت الجبل الاخضر

الرد يا بنت الجبل

مصوقر خلا لوهام ......امغير جابنى ماضى لهن

وغناوتي :

العمر مش كله عزم ....... ايجن اوقات نرمو عالبكاء

منووورين ع المتابعة والردود ,, مستوى رائع مانقول إلا ربي يحفظكم ويرعاكم ,,,

والرد يابنت لجواد ::

ابكاك فى الخلا و الدوج *** تهوين مايبريلك وجــــــع

وغناوتي ::

اسعدك في امواجع غبر *** ايوازي قعد ويجيبلك

لكم مني كل الود والاحترام

كيفي اوكيفك ناس ****سعود فالغلا ماعندهم....

وغناوتي

سمورك ما يجيب عزيز ****كرى غطاك يا عين اورقدى

تحياتي

امير الغربه

__________________

الرد على غناوة الأمير الغــــــــــــــــــ((أمير الغربة))ــــــــــــــــــــالي :

امفيت ما تجيب عزيز *** خلك بعيد يا نـــوم ما تجــــــــي

وغناوتــــــــــــــــــــــــي ::

واجديــن يا غــلا طالــوك *** من غير لا رجى لا قطمرة

جميع من امغالى ناس ... قسموا الا انا ايش سيرتي

وغناوتي :

زعمه يا عزيز تسال ... والا سحبك ديوان غيرنا

ما يجوا كيف عزيز *** الناس لو غالوني كلهم

وغناوتي ::::

ان كان عالمرض ما جيت *** عليك يا امداوي انعدها

سطير جرحنا مازال ... ماجيت يا مداوي عالوجع

غناوتي :

سقيته وهو عطشان ... خذيت أجر حاييت خاطري

هذا ردي علي غناوتك يا بنت الاجواد

علي ما شرب ما راق ****عطشان للصوب مازال خاطري

غناوتي اتقول

متراخي نقول ابردت***ترقا امعي لوين نارهم

هذي الرد للأمير الغالي ::

ف النار ماهفيت وحــــــدي **** كريتهم اللـــــــــــي كابرينها

وغناوتي ::

توارو اصحــــــــــــــــــاب اللوم **** لمن انقــــــــــــــــــول يانا فواهقى

ومشكورين ع التواصــــــــــــــــــــــل ,,,,,,,,,

هذي ردي على غناوتك ياملك

.. علي من العين اتجول ... بعد عزيز يا طول عازتي

[color:4b00=darkblue

]غناوتي اتقول

.... أيام ياعزيز العمر ... قضيتن امراجاه في الغلا

.. تحياتي ... بنت الجبل الاخضر

الرد على الغناوة :

نلقان الرجا كان طال ... في عزيز هو مارة الجفا

وغناوتي :

اقصرت يا عــزيز امعاي ... رخيتنـــــي ونا ليد مادها

الرد ::

لنظار في الغلا ماقصرن *** اللوم غير ع لقسام والسعد

غناوتي ::(((نبي رد مثل الدوا))

اللي توجعك ياعقل *** ملطوط قسم فاللي تريدهم

الرد يا الولهان :

حمال السويا كان ... العقل غير هذى ما حمل

وغناوتي :

خطاى من خطاك معاى .... سبق خطاك كافيت بالخطا

الرد يابنت لجواد::

اونا معاك ماقصرت *** واخطيت ليش ياصاحب الغلا

وغناوتي :::

ياريت قبل يوم خطاه *** بيوم جيت يا يوم اجلنا

يا ريت ما خطاك احضرن ... جلن بعيد ولا موتن

غناوتي :

أمرضى بالبكا دوايت ... أبريت والبكا باتلى مرض

تلقي الرد يابنت لجواد ::

الصبر جربوه ايتام *** لقيوه خير يا عين م البكا

وغناوتي ::

من قبل فى القدم ريتيه *** سعدك يللى تريدى جدد

» اي فاهق وسع علي خاطرك بس
» غناوي علم قويه
» غناوي وشتاوي علي العين
» غناوي وشتاوي ع الاقسام
» غناوي وشتاوي ع النار