ردود (غناوي وشتاوي)

تذكير بمساهمة فاتح الموضوع :

السلام عليكم ورحمة الله وبركاته ,,,,,,,

الموضوع ينص ع الردود ,, كل حد منا دائماً يكون عنده غنَاوة والا شتاوة ويتمنى يلقالها رد من شخص أخر ,,

عليه ياريت كل عضو ايرد ع الغنَاوة اللي قبله ويكتب الغنَاوة اللي في خاطره و يبي الرد عليها (الرد ممكن غنَاوة والا شتَاوة ),,,,,,,,,,

أكيد الموضوع يكتمل بردودكم وابداعكم المتواصل ,,

لكم مني كل الود والاحترام ودمتم بحفظ الله ,,

ونبدأ معاكم بأول مشاركة ::

ينساك من افعالك فيه *** ويجيك من امرارات الغلا

:gif:

الرد

صيوره ايطيح اطياح *** سعد الياس مو ديما قوي

وغناوتي

على من انريد انلوم *** عداد لومتي ولى علي

الرد
راك اتحط اللوم علينا @@@ يا العزيز جفيت جفينا
الغناوة
وين اندير غلا فارحبا @@@سيل الياس ايجي طافحبا

الرد

ياعيت الياس انتو كنكم *****ماراح قديم الا منكم

وغناوتي

توجع غير خذيت عليها..............نا في جيها وهم فى جيها

الرد

صيوره ايصير نصيب *** وتقهر بيه نـاس واجدة

وغناوتي

زعزاعت اليأس اتغير *** ع العين وين ما دارت نمـــا

الرد

ايام الياس مكتوبات***لهن اجل يا عين يكملن

وغناوتي

أزعما كي إيجيك النوم نخطر عليك يا خاطر علي

الرد ::

العقل مانساكم يوم *** حتى في منامه تخطروا

وغناوتي ::

الصبر مايجيب عزيز *** غير عذر داروه العرب

الرد

الصبر جربوه ايتام ... لقيوه خير ياعين من البكا

وغناوتي

يانويرتي بلاش اقعدت ... لا نوم لا جديدين لا قدم

الرد

ما على الله شى صعيب *** خلق اعزاز يبال قسمهم

وغناوتي

يجيب الدوا ويجيب *** علة اوقات ياعين قسمهم

الرد

ما طبيب داوا داي **** تعال يا سبب داي شوفني.

وغناوتي

اتريد عذر تمشي بيه****** العين ع الغوالي رايفت

الرد ::
عليما انظرت اوحلت *** يملو العين مالقت كيفهم

وغناوتي ::

ارضي بياسهم ياعين *** وانسي اعزاز مرجاهم اطول

الرد

الـعـين في العذاب تحمل **** ترجاهم رجا نين يـقسموا.

وغناوتي

ندعي له عزيز ابربح **** حتى إن كان شاقي ابغيرنا

الرد ::

ايام شقوتي بغلاك *** اصدقه كان ماصوبك قسم

وغناوتي اتقول ::

شقانا وراهم ضاع *** سعد غيرنا فيهم قوي

خذيتى عليه خذوه .... مانى اسعدك ياعين اذرفى

وغناوتي تقول :

ياريتني عليه حكيت ... سكتت عالغلا نين انغنوا

الرد ::

ابغيبتى عليك اتلوم *** وانسيت ياغنى غيبتك على

وغناوتي ::

شايل عزيز بين يديك *** امتى تريد يا قسمي تجي

الصاحب قليل النشدة ... كلمة كيف حالك من بعيد تسده

مشكورة اختي العلاقية على مشاركتك وتواجدك الكريم في مواضيعنا

ولكن أرجو من حضرتك توضيح وين الرد وكذلك الغناوة اللي تحتاجي الرد عليها ؟؟؟

:4543:

تحياتي

الرد

ياالقسم جيب عزيز ***** خلينا نقولو دارها .

وغناوتي

أتصدق ويدي فيد اجدد ... اقدم ما طلقولي شي يد

الرد ::

انريد غير يالقديم *** تحضر نهار موتى انودعك

غناوتي ::

تقد يعك علي لوهام ** بلا نصيب ياعين تجهلي

الرد :

أهناك فرق في لوهام **** فيهن اللي ما توجعك .

وغناوتي :

يا لولاف انياكم شينه **** ديما والا غير علينا .

الرد ::

عليك خاطري مجروح *** وياعزيز ناويش درتلك

وغناوتي ::

حتى الصبح عندي ليل *** على عزيز عيني باكية

الرد

واجد بكيت عليه ***عزيزغير ما عاد عدهن

وغناوتي

اللي احملوا يا عين بلاك *** انسيهم ويعوض مولاك .

الرد ::

ينساك من افعالك فيه *** وايجيك من امرارات الغلا

وغناوتي ::

خلفت ياعزيز معاي *** فواهق بنيران يطلقن

الرد

عزيز هو سبب لنظار **** عماهن وما بايقودهن .

وغناوتي

لولاف انكان اتريديهم ... امفيت انموت اولا تصليهم

الرد ::

خليك في رجا لولاف *** ربي كريم ياعين اصبري

وغناوتي ::

لا تعاندي مولاك *** علي عطاه يا عين أصبري

الصبر يا رفيقى خير...ديرا دواء كان تقدره

ان شاء الله بعد الياس وقول الناس...يقسم عزيز ويروق خاطرى

» اي فاهق وسع علي خاطرك بس
» غناوي علم قويه
» غناوي وشتاوي علي العين
» غناوي وشتاوي ع الاقسام
» غناوي وشتاوي ع النار