ردود (غناوي وشتاوي)

تذكير بمساهمة فاتح الموضوع :

السلام عليكم ورحمة الله وبركاته ,,,,,,,

الموضوع ينص ع الردود ,, كل حد منا دائماً يكون عنده غنَاوة والا شتاوة ويتمنى يلقالها رد من شخص أخر ,,

عليه ياريت كل عضو ايرد ع الغنَاوة اللي قبله ويكتب الغنَاوة اللي في خاطره و يبي الرد عليها (الرد ممكن غنَاوة والا شتَاوة ),,,,,,,,,,

أكيد الموضوع يكتمل بردودكم وابداعكم المتواصل ,,

لكم مني كل الود والاحترام ودمتم بحفظ الله ,,

ونبدأ معاكم بأول مشاركة ::

ينساك من افعالك فيه *** ويجيك من امرارات الغلا

:gif:

بخت العين اغلب في النوضه مشلول ومتكسر حوضه

غلاك مع عطيب الناس خلاك مضحكه للوقت ياخاطري

زرعت زرع دار اثمار جنوه ناس مانالوا شقا
تقبلوا مروري (نبي رد)

الرد يا الولهان :
مرهون هو سبايب داى ... يقدر يجيب ويغيب بالدواء

ليا رجعة مع الردود .........

بخت العين اغلب في النوضه مشلول ومتكسر حوضه

الرد

ما بيت يا سعد لا يوم ... تنهض العين في دورت غلا

مريض والدواء يالاه اقلال عرف داروله كفن

يااااااااااا سمية

ومامن اللي باسعده ... مرتاح له ارياح ايحطبن

غناوتي :

تخطيمت الزهاد ليش ... مريت يا قديم في الغلا

الرد يابنت لجواد ::

نموتوا وهو فالعقل *** قديم الغلا ما ينتسي

وغناوتي ::

غلا جديد توا بان *** نساني امهايات القدم.

الرد يا الولهان ..

غلا قديم تكمي فيه ... ونحلف عليه مازال واجعك

وغناوتي ..

فاضي اوغني اومرهون ... وارباني من كان فيه السبب

فاضي وغني ومرهون ..... الثلاثة دفعة واحدة ؟؟؟؟؟؟؟؟

الرد يابنت لجواد::

مرهون جاء غرضنا فيه *** مرجاه طال لاهان ولا فضى

وغناوتي ::

زعمه ما يرد العقل *** يزهابك ولا يوم يا غنى

الرد ياملك

رقيق عزم من غادي ... والقيت الغنايا سبلتي

غناوتي

عليكم اوجيتو موح ... الكبد يا غوال ذايبة

... تحاتي... بنت الجبل الاخضر

الرد يا بنت الجبل

لوكان ياعزير اتبان ... تمسح ارياف كبدي الذايبه

غناوتي

ملقاه والغلا والنقص ... متلاحقات شي ما بينهن

الرد يابنت لجواد ::

مطاول وطال الوقت *** مرجانا خذا حيل عمرنا

وغناوتي اتقول ::

غلابة ايراجو فيك *** اتغيب ليش يامولى الدوا

... الرد ...

...اعزاز هم امراض العقل *** نسيوه لا دوا لا مساوله ...

... غناوتى ...

... فرقاه كاينه ياعين *** عزيز وين نجاروا بها ...

الرد ..

ماله دوا غير صبر ... أفراق الغوالي اللي جرا

وغناوتي ..

خرب طباع العين ... عزيز وين ما غاب غوننت

الرد بنت الاجود

ظلمت يا عزيز العين .......يعشم فيك تلذيعك لها

غناوتي

واخذين ما في العقل ..........سواء بعاد ولا يقربوا

تحياتي .... بنت الجبل

الرد يا أميرة المنتدى والجبل ::

العقل يالقديم امعاك ** رهيني ايجي بين مايجي

وغناوتي اتقول::

شايل عزيز بين ايديك *** امتى اتريد ياقسمي اتجي

منور يا الغالي

متماسكين يأس وقسم ****انضر غلاي في ايد من اجي

غناوتي

يطافر نهدي فيه ***العقل واجعه موح دارهم

النور بيك يا أمير الاحساس والرد ::

اعزاز واخذين مافي العقل *** سوا ابعاد والا يقربو

وغناوتي ::

العقل والدليل امعاك *** والروح ويش باقي ياعلم

الرد يا الولهان ..

شرا وبيع واخرى ملك ... على بعضي راني لكم

وغناوتي ..

مستانس لصاحب صوب ... ثاريتا عدو ناوى عالخطا

الرد يا بنت الاجواد

ليش يا عزيز ادير .....الصوب وانت عابى ع الخطاء

غناوتي

بعيدين دار ودنو .... طويله مراجاتك لهم

تحياتي .... ينت الجبل الاخضر

الرد يا أميرة المنتدى ::

لوكان في عزيز نصيب *** فداه الرجا طول عمرنا

وغناوتي ::

عازيت فيه ماقصرت *** عزيز غير قسمي ودره

الرد يا الولهان ..

نرجى رجاك نلقى ياس ... مكتوب يا نصيبي في الغلا

وغناوتي ..

ريتو هبال العين ... تبكي تقول هيا شورهم

منوريــــــــــــــــن

الرد يا الغالية ::

العين عالضلال اتوب ** ان طالت عرب في بالها

وغناوتي ::

ترجاك والرجا في الله ** العين ياعلم ماي ميسه

يرجاني او نا نرجاه ... عزيز كان نيته امصدرا

غناوتي ..

علي من نريد نجول ... بعد عزيز يا طول عازتي

» اي فاهق وسع علي خاطرك بس
» غناوي علم قويه
» غناوي وشتاوي علي العين
» غناوي وشتاوي ع الاقسام
» غناوي وشتاوي ع النار