ردود (غناوي وشتاوي)

تذكير بمساهمة فاتح الموضوع :

السلام عليكم ورحمة الله وبركاته ,,,,,,,

الموضوع ينص ع الردود ,, كل حد منا دائماً يكون عنده غنَاوة والا شتاوة ويتمنى يلقالها رد من شخص أخر ,,

عليه ياريت كل عضو ايرد ع الغنَاوة اللي قبله ويكتب الغنَاوة اللي في خاطره و يبي الرد عليها (الرد ممكن غنَاوة والا شتَاوة ),,,,,,,,,,

أكيد الموضوع يكتمل بردودكم وابداعكم المتواصل ,,

لكم مني كل الود والاحترام ودمتم بحفظ الله ,,

ونبدأ معاكم بأول مشاركة ::

ينساك من افعالك فيه *** ويجيك من امرارات الغلا

:gif:

الرد يا الغالية ::

لوكان مو العزيز عزيز ** عليه ليش كبدي ذايبة

وغناوتي ::

ان كان ياعزيز انسيك ** يبقى العقل ماهو لولي

الرد ..
حـــرام كـــان عـقـلـي جـــاب ... نسوة عزيز حتى مسخره

وغناوتي ..

خايف عليه ايضيع ... غلا جديد دوبني دايرة

الرد يالغالية ::

غلا عزيـــــز ماينزان *** غلا الروح والروح غاليـــــــــة

وغناوتي ::

في حالي وحال عزيز *** امتى امغير لقسام ينضرن

انظر لحالتي ياقسم ... انريد قرعتي كيف العرب

وغناوتي

بهمومه رما ع الدوج ... ضاقت عليه ماني لايمه

وسلامتك توة

الرد ::

إيزازي بفاهق شين ** العقل غير كامي عبرته

وغناوتي ::

في عوني وعون عزيز ** ارياح قسم ياريت يبرمن

عزيز كان فيه نصيب .... محال ماياس يبعده

وغناوتي ..

نا نقول عاقـل كنت ... ورا عزيز ميـزاني ردح

الرد يا بنت الاجواد

اوراء عزيز يوم ابيوم.... حسايف كليناه عمرنا

عناوتي

عذره عزيز قال اقسام.... ارجاهن وهن ما روحن

تحياتي ... بنت الجبل الاحضر

الرد للأميرة :

لقسام والغلا والعمر *** هذين فيد مولاي امرهــــــــــــــن

وغناوتي :

مالياس ياقمر القسام *** طولت في زروقك ع الغـــــــــــــــــلا

ايجيبن طويل الياس ... القسام يا علم لو عاندن

وغناوتي ..

بريافي مشيت وجيت ... امنين وين ما نندري

الرد بنت لجواد الغالية ::

مستوه ياقديم ابعدك *** لا نعطي راي ولاراي ناخده

وغناوتي ::

اللى غلاه هاس العقل *** نبكوا عليه ديما نذرفوا

الرد يام ملك

رقيق عزم نا وياك ....على عزيز يانا نذرفوا

غناوتي

نرجاهم نين انموت ... عرب اعزاز ما في كيفم

تحياتي ... بنت الجبل الاخضر

الرد قوي للأميرة الغالية ::

هنايا كانهم لولاف ** بعد رجاي ياعين طلتهم

وغناوتي ::

عانيته نصيب اسنين *** فرقاكم ايملل يا قدم

للي صايدها راهو مس*** العين اتريد قديم وبس
وغناوتي
تعرم يالزمان علي *** انشيل وماني قايل شي

تعرم يالزمان علي *** انشيل وماني قايل شي
الرد
زماني لاقيني صبار **** جميع اللي تقهرني دار ...

وغناوتي
كونك عزيز عزيز **** وكونك تخون هذي مصوقرة ...
تحياتي زيزو

الرد يازيزو ::

العين حالفا لعزيز *** لابعد لا قبلا غلا

وغناوتي :::

مالك في الغريب نصيب *** على هلك يالعين عاودي

الولهان كتب:: ما يجوا كيف عزيز *** الناس لو غالوني كلهم

وغناوتي ::::

ان كان عالمرض ما جيت *** عليك يا امداوي انعدها

الرد علي الغناوه
من داكم ايام اغلبت *** ابريت تربحوا زال سوكم

العمر كان فيه اطعمه اتكون هي امغلاتي الكم

امعيشة امغير عذاب .....العقل لو شرا موت خير له

[size=21]الدنيا ما تسوى لا شىء *** امغير تمقلها يا حى

[/size]

اقتباس :

امعيشة امغير عذاب .....العقل لو شرا موت خير له

الرد::

العقل غير قيسه زين *** ليام فيه يا ما لذعن

وغناوتي ::

العقل يا العين ظلمك *** وكاك في غلا ناس ما قسم

الرد يا الولهان

اقسام غالبات العقل ... ما نلت يا غلا غير التعب

وغناوتي تقول :
غلاي مرمدة كم عام ... وفي التالي ايامه اسقمن

الرد يابنت لجواد ::

في العمر ناوعزيز *** مداد وامداد في الغلا

وغناوتي اتقول ::

أبليت ابغلا منحاز *** قطمر العين لا هان لا اقسم

... الرد ...

... وجوه قطمره وادموع *** مانا اوجوه ياعين للغلا ...

... غناوتى ...

... تغييرت عزيز امعاى *** بلا اسباب هى ليش دارها ...

الرد يادموع

لو كان بعذابك حاس *** عزيز ما جفا يا خاطري

وغناوتي :

مازالت اتقول منام *** فقدت عزيز عيني امكذبا

رد الغناوه

... خلاص انسى ياعين ارجوك *** غواليك ماعاد ايجوك ...

غناوتى

... انريد ننشدك ياياس *** اخلقت ليش خراب للغلا ...

» اي فاهق وسع علي خاطرك بس
» غناوي علم قويه
» غناوي وشتاوي علي العين
» غناوي وشتاوي ع الاقسام
» غناوي وشتاوي ع النار