(مكتبة مسجات من الشعر الليبي خش وشوف )

زائر

الخاطر شرب كاس سم اللفاعي وعايش ايداعي ويكمى فعبرات يوم الوداعي
الخاطر شرب كاس سم الهوايش محسوب موش عايش يكمي فعبرات مر وغشايش
وعقلي بعد رزنتا تم طايش امخرب اطباعي ايجيب صورتك حتى وان ضل واعي
==========================================
اطلب تمنى ياربيع العمر ادلل عليا وزاد تأمر أمر
لكن عليا مانهار اتغيب أغيابك عليا كيف لذع الجمر
يادليل الخاطر ياللي بلاك العقل ديما جاضر
لحظة بلاك القلب ماهو صابر عمري كتبتة معاك سطر بسطر
=====================================
عندي عقل من قل الرفيـق الساعة عام فحسابه اتمـر
وعندي فكر ذاهب في الطريق بقى محتار مو عارف ايمـر
وعندي عزم ما ينفع رقيـق لا حمـال لا عمـره صبـر
وعندي نفس خانقها الضيـق دال الياس غير وين المفـر
========================
حاولت ننسى مـا القيـت عزايـميا مصعب النسيـان عللـي هايـم
حـاولـت ننـسـى غـــرورك ونبعد عليـك ونتركـك لشعـورك
لكـن حنينـي شالنـي لبحـورك ولقيت نفسي فـي غريقـك عايـم
صــعـــب نـسـيــانــك وصعب على غيرك ايجي في مكانك
بعد مـا روينـا شاربيـن حنانـك نموت بالعطش عالغير صايم صايم
=================================
لي قلب امفارق محبوبه يكابر عالجرح اللي فيه
ماسك دمعاته بهذوبـه يحساب البعـد اينسيـه
ثاريت النسيان اكذوبـة ماغالي ينسى غاليـه
===============================
مرايفيـن حبينـا عليـك انمسـو بريافنـا ياريـت يـوم اتحـسـوا
عـلــيــك امـــرايـــف وان كان نشغلك راني ربيع وصايف
طول اغيابـك يـا حبيبـي خايـف تهجر ونحنـا عالسـراب انرسـو
==================================
نا عندي نفس لاتخون غلاها .... ولا تروم جافي بلا سبب عاداها
عاشت مع اللي يعرفو مبداها ... لها قدر منهم كل وقت ايجيها
نافكرتي اتعبر علي معناها.... ماانلومها تحكي على ماضيها
الدنيا علي كل حال جربناها .... عرفنا وفاها ونقصها اللي فيها
========================================
قالولي انساه اتهنى وريح بالك منة
قلتلهم من ينسى روحة.... من ينسى اماله وطموحة؟؟
حتى وين انغمض عيني ... ونستنى في النوم ايجيني
نلقى طيفة تحت اجفوني....انقولة يانوم استنى
خلي عيني تشبع منه
===================================
ان كان ياعزيز اغنيت. نا انحمل عازات الجفا
وان عاز ياعزيز اقسمت .... تزهى العين طول عمرها
ان غاليت ........تاخذ قلب مفتوح ياعزيز للغلا
وان جافيت...... تلقى عزم صبار ياعزيز عالجفا
=========================================
ياللي عزيز مكانك ....مازال قلبي ع الوفا ماخانك مانبدلك
مازال قلبي وافي.....ومازال نابض بالحنان الدافي
مــــــوحال يبخل بالعطا مجدافي....لين يوصلة مركب غلاي حنانك
يهون عليا من اجنون اريافي.....ويبقى مقرة في ربوع اوطانك
=========================================
كثر خيره لقيت حنون وخير لي من غيره .......أصاحبت نا والليل
=========================================
اليوم شاكية ياعين قولي كنك ؟؟أنتي مرايفة والـــله أوهامك جنك
=========================================
جرح ثاني .....أمغير يلتظم جرحك اللي جواني ،حلك نويت أتدير جرح ثاني
=========================================
بنت تونسية قالت : العقل فيه برشا هموم مانجمش ياعزيز أنقولهن
ردت عليها الليبية وقالت : هابا ياماشايل عقلي غير وطيت عليه بثقلي
=========================================
ميت موت عليك مرايف نبي نجيك ولكن خايف
=========================

يتبع:-

زائر

مازلت يا حلمي الثقيل ثقيل **وقاطع انفاسي
ومازلت يا قلبي العليل عليل **ولا من يواسي
ومازال يا دموعي تسيل ** والقلب ناسي
لوكنت نعلم قبل قلبك قاسي** لاشقيت بيك ولا وجعني راسي
=========================================
الناس دايرة الاصحاب يوم الطربة
وانا صاحبي نبيه يوم الكربة
يوم الضقية يوم حوست الخاطر وجفت ريقه
يوم صورة الحاب تبان حقيقة
سوا صافية ولا اتجي منحرقة
=========================================
وين الدنيا وين عربها وين عيون سماح هدبها
وين اصحاب الفزعة ديمة فزعتهم للعين طربها
وين اصحاب الروح احبابي بسمتهم كانت مقربها
يا ريت ايعودن ليام ويعاود للعين طربها
=========================================
يا طويل السالف يلى على صوتك العقل اموالف
قاطع عروق القلب قطع مخالف لين الكلام عليه يصعب فرزه
ياجميل الغمزه كيف ما طعن وحشى برمحه حمزه
طـــــــــــــــــــاعن كنيني ...
=========================================
مريف جيت جايبنى حنين و نار الشوق
فى قلبى صهيده لك مشتاق نبدالك منين
يا عنوان فى صفحه جديده بسمة ود فى عالم
حزين فيه الود و البسمه وديده
=========================================
مسلسل ما ينتهى
غلاك يا عزيز غير تابعه
=========================================
دز رساله
ونا نجاوبك ع العقل كيف جراله
بقي من غلاك مريض هدا حاله
اسهي لين نيران الغرام كلنه
رن وجامل
بلاك خاطري ماعاد ساعه حامل
ونا عادرك كنهو رصيدك كامل
المهم حاول يا سمح طمنا
=========================================
احنا مانرافقو غير في الزين
ولد بيت مرفوع شانه
وين تطلبه يجيك في الحين
لا لخبطه لاشطانه
دوم في العلا كيف شاهين
مايوم ينزل عفانه
عصران مايغوص في الطين
بعيد النظر صاحب فطانه !
=========================================
صمتي خير من كثر الكلام
وان قلت ماعندي جديد
واللي صار صاير من ايام
عشقك دوم يسري في الوريد
جنسك بشر في وصفك ملاك
نوعك دهب في قوه حديد
ماننساك ولا غيرك عشيق
لين القبر يبقالي مديد
=========================================
اغليت علي بالحيل
ونسيت روحي نسيه..
ونسيت حتي الزاد
وانسيت شرب الميه..
ونسيت حتي النوم
ماعاد يخطر عليا.........
=========================================
كثر الملام غير جر عيوب
يقلب مواجع مالهنش لزوم
كيف من يرقع في قديم الثوب
يواسي كتوفه يقصرن الاكمام
=========================================
هاج البحر ينشد الغالي وينه
قتله رحل بان الزعل في عينه
بقي خاطري متكدر
لونه تغير والكلام تعدر
ترابه ارقي للسطح صار يهدر
وهدت امواجه لين طقت فينا
جيت للبحر بنخبر
بللي جري بالك عليا يدبر
هو ارقي وناقعدت انصبر
ونقوله بكره العزيز يجينا
=========================================
يا نقالي انكان ما مرسال جبتلي مالغالي
نمنع عليك الشحن يا نقالي
نمنع عليك الصوت
ونمنع عليك تعبيه الكروت
وانكسرك ونديرلك تابوت
وفيك نتعزا من الرفق والخوت
انكان رفضت اتوصله مرسالي !
=========================================
غايب عن عيني من مدة عزيز نوده لين الخاطر واصل حده
=========================================
ان كان نشغلك دز السلام العاجل** مع الريح ولامع الحمام الزاجل** سلامك دزه** ان كان بينا باقي عروق معزه** راهوا في غيابك خاطري استفزه** الحاسد اللي من العيب ماهو خاجل **والشوق ياوليفي غصن عزمي هده** يخطرلك الشوق يهد عزم الراجل؟؟؟
مع اجمل التحيات

[ندعوك للتسجيل في المنتدى أو التعريف بنفسك لمعاينة هذه الصورة]

مشكوره اختي ايوتا جميل جدا

تحياتي القلبيه

زائر

شكرا اختي وتقبلي مشاركتي

كلا كلا لا ندير غيره لا نجيب محله عزيز غالي علي كلا كلا

جرعة جرعة انكانك نويت البعد ليش السرعة اسقيني مرار الهجر جرعة جرعة

قطرة قطرة يحساب الغلى ايجي بالفطرة سقاني امرار الصوب قطرة قطرة

قداش يا قلب تشتاق وقداش تالف غوالى وقداش حامل فراق وقداش ساهر ليالى

2 معاد فيهن حيل ايسيلن على مطرك صبح وليل قريب ينعمن"الله يرحمها ويجعل متواها الجنه"
3 مازال مشتاقلكم ومازال طول العمر ما نبدلكم وين انحس القلب مشتاقلكم نترك جميع الناس ونراسلكم
4 يلى علينا ايمنوا يوم يمكروا فينا ويوم ايحنوا اصحاب الغلا
5 نظيف خدوده معاه تنتسى كمين ليله سوده لو كان يقسملى
6 ما هننى لك يرحلن بشواقهن ويجنى الافكار ما هننى

بلي جابت" هي كبد درناها عليك وذابت ...أطاول رجانه فيك"واجد سدت ..هي كبد درناها عليك اوفدت .. واجد بكت منك وفيك اجدت..شفشفتها ياسمح راهي طابت.." بلي جابت...! هي كبد درناها عليك وذابت... اطاول رجانا.
-----------------------------------------------------------
وين الدنيا وين عربها.. وين عيون سماح هدبها.. وين اصحاب الفزعه ديمه فزعتهم للعين طربها.. وين اصحاب الروح احبابي.. بسمتهم كانت مقربها ياريت ايعودن ليام ويعاود للعين طربها..؟
----------------------------------------------------------
خارج نطاق التغطية ياساده عزيز باعني ما رن في ميعاده ليش رخاني ، وخارج نطاق التغطية خلاني ... انقول نتركه ايعاود حنيني ثاني .. نلقاه منشغل ويفوتني كالعاده... خارج نطاق التغطية ياساده
----------------------------------------------------------

مشكورة ايوتا
مجهود رائع

ماهى فوته القلب ماينساك غير بموته كانى عليك الهيت ماهى فوته

عالصدق عشنا..والوفا شيمتنا..ومهما أبتعدنا غالية عشرتنا ..إللي يعزنا نعزوه .. وإللي يودنا بكل الوفاء نودوه ..ومايوم عمرك تندم علي رفقتنا

اكي كل الشكر اخت ايوتا على مجهودك الرائع

وهذه بعض الابيات من نقالي وهي ايضاً من تأليفي ..
==========================

مابت العين اتسيبه *** حتى ونا فالنوم لي لتجيبه**موال القدم .

*********************************

ما ايروق غير امعاك ***حتى وانت باخلبه علي دناك . القيت خاطري.

********************************

لا اتحير لاتحسبها ***لاقسام من ربك هو اللي امكتبها .اتركها عليه وعيش

*********************************

قبل انقول انسيت غلاكم **وين طراكم راوي جض العقل امعاكم

*********************************

عندي عين اللي امشقيها **لا راضيها **غيرك لاغيرك يمليها ..

*********************************

وصيوره يعود *** والعين تزهابه ابعز و جود ..غالي رحل عني

صيوره ايجيها *** والحزن يبقى فرح في امواقيها

ويسير في الغلا تجديد وايلاقيها *** املاقة جنين المينته الودود ..

**********************************

» موسوعه مسجات هايدى مسجات (فكاهية)
» الشعر الشعبي او الزجل الليبي
» أرشيف الشعر الشعبي الليبي هنا
» المجتمع الليبي في الشعر الشعبي
» اسرار جمال الشعر - حمايه الشعر - للنساء والرجال