أرشيف الشعر الشعبي الليبي هنا

اخواني اخواتي
خطرت عليا فكرة اتمني ان تعجبكم
احببت ان اكتب بعض الاشعار الليبية و انقلها و اضعها في هذا المكان حتي يتسني للاعضاء الاطلاع عليها و التعرف علي الكلام الليبي عبر ابياته الشعرية
و انا جاهزلأي استفسار او سؤال عن اي كلمة مش مفهومة
فلنبدء
بسم الله الرحمن الرحيم


يـــا دارســـة الـقـانـون .. عقوبة العاشق بالله كيـف تكـون
انريد ننشدك ؟؟؟؟؟

يـــا دارســـة الـتـجـارة .. و متخصصة فالصوب علـم ادارة
الخاطر ايجيكم و افيـات .. اقـداره واضح ادروبة مـا نهـار يخـون
عليكم ايحارب كم جيش نصـارى .. مـن روسيـا لعنـد سيرالـيـون
ومن كل دولة و مملكـة و إمـارة .. على حب طاهر مالـك المكنـون
دستور الغلا و ضحن اليوم اسراره .. ما عاد شي غايـب و لا مدفـون
عاشق و ما عندي معـاه ادبـاره .. غلاك لو احكمت بحكم مو من دون

يــا دارســة فـالـطـب .. و يافاهمة ان العشق راس الحـب
غلاكم بعد وسط الجواجـي شـب .. انموت كان ما تبقي علـى حنـون
اليوم جايكم و القسم فيـد الـرب .. الباري انسخر في غـلاك ايكـون
ويفتح ابواب أفراج موش عجـب .. و ليـا تباتـي ياعلـم واشــون

يــادارســة اجـتـمــاع .. ويادارسـة التـاريـخ باقتـنـاع
و جغرافيـا شفتـي معـاه ابـداع .. الخالق الباري في ارجاء الكـون
و لغات في نطق اللسـان أنـواع .. و الفلسفـة مـن عهـد افلاطـون
و الأدب من كـل الـدول مشـاع .. من شكسبير أو ليلى مع المجنـون
ان كان عندكم للحب كيل او بـاع .. عاشـق غلاكـم مانظـن ايهـون

و بسلامتكم

بارك الله فيك
احسنت وابدعت
تقبلي مروري
وتحياتي

بارك لله فيك
علي مرورك الطيب
يابطمة ادريس

بارك لله فيك
علي مرورك الطيب
اسد الزنتان

مشكور

حلوووو منك ادريس ونجك وزيد احتفنا بالكلام يلي يفتح النفس