غناوي وشتاوي ع المرهون

تذكير بمساهمة فاتح الموضوع :

الموضوع : غناوي وشتاوي ع المرهون :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

--------------------------------------------------------------------------------

وبالطبع الموضوع ليكم وبيكم يرتقي .... وان شاء الله ينال اعجابكم وفي انتظار مشاركاتكم واضافاتكم ...

لكم مني كل الود والاحترام

الولهان ...

دوامات غلا مرهون ... من النوم وين نوعي تصيدني

حساب كل شى درناه *** عزيز فيت قابيت يرتهن

تحياتي ,,,,,

سبب علته مرهون ... دوا العقل في قولة فْضي

مشكــــــــور

ارهن عزيز وين ارهنت **** ايريدها امزاباه ضرنى

منوووورة وتحياتي ليك يابنت لجواد ,,,,

ويـــــــــــــنــــــــــــــك الولهان .............

اللي غلاه في مرهون ... دواه صبر ياطول عازته

تحياتـــــــــــــــــــــي

متواجد ........

عزيز يا عرب رهنوه *** م غير الدمع ما لنا عزا

متألقة يابنت لجواد ,,,,,, ربي يحفظك ,,

وهذي ليك::

مرهون دارلك ياعيـــــن *** سراقة غلا نين ذيبــلك

مرهونين عزا مافيهن لكن يا عينى تبيهم

ممكن نتعرف يا الولهان

يساول ايزيد ايغلب * مسكون يامراهين صوبكم
مراهين نا وعزيز * ومرجانا مواسى عمرنا
كبرت نار مرهونين * دخانها رقى طال السما
مادرنا سية من والى * يابال المرهون الغالى :flawwr:

أنستي الموضوع ::

احملنا يا مرهون بلاك *** اللي صارت للعقل افداك

منور الموضوع خوي بورابش

كانون المرهون علينا *** مكبوب بجمره وعوينه

سلام جيبتلكم اشويت اغانى على الصبر
-صبر العين والخاطر كمل وضقت المر من بعد العسل
-نحسابك رقد وعيتك ميت يابختى ثاريتك

عزيز ياعرب ارهنوه *** امغير الدمع مالنا عزا

يلى سمر عينى فى اليل غالى حايس بين عويل

.... يا مرهون النار انهدت ... توصل في ولا عاد ردت

.... تحياتي ... بنت الجبل الاخضر

قلوا هناي مرهونين .. انطاطي علي النوم يخطروا

مرهون عارف الي فيه *** ملذوع وقت جيته منعمي

ماتحرمينا من طلتك أميرة الجبل الاخضر ,,

تواري علي ناهيك *** وقولي مراهين في خفا

تواصل جميل يابنت الأجواد ,, الله لايحرمنا منك

مرزي العقل داه كبير ... اسبوبه مراهين ما فضوا

تحياتـــــــــــــــي الولهان

... ملاقاتى نا والمرهون *** ملاقى غايب لام حنون ...

... مرهون وطايح فى فاضى *** كيف نحلوها ياقاضى ...
.. تحياتى ..

دمـــــــــــــــــ الوردـــــــــــــــــوع

جاحد غلا مرهون ... من خوف ناس فينا يشمتو

يامرهون مراتك نية كيف انجية تفرح بية
لك اجمل تحياتى وتقبلو مرورى المتوضع

اوووووه نورتنا دموع الورد ,, الحمد لله ع السلامة ,,, طلة جميلة منك يالغالية ,,,

وهذي لييييييييييييك::

غلاك ياللى مرهون *** هلب جنين كبدى م الغلا

:tx: :tx: :tx:

مشكورة بنت لجواد ع التواصل ,,,

ارهن عزيز وين ارهنت *** ايريدها امزاباه ضرنى

لكي مني كل الود والتقدير ,,,,

:تسلم ايدك:

» غناوي علم قويه
» اي فاهق وسع علي خاطرك بس
» غناوي وشتاوي ع الكبد
» غناوي علم وشتاوي علي العقل
» غناوي وشتاوي عالسر