غناوي وشتاوي ع المرهون

تذكير بمساهمة فاتح الموضوع :

الموضوع : غناوي وشتاوي ع المرهون :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

--------------------------------------------------------------------------------

وبالطبع الموضوع ليكم وبيكم يرتقي .... وان شاء الله ينال اعجابكم وفي انتظار مشاركاتكم واضافاتكم ...

لكم مني كل الود والاحترام

الولهان ...

منووورة بسانت ع المشاركة ,,,

الغيظ مايحيد غلال *** انسامح مراهين خير لي

تحياتي ,,,,,,,

الله يعز مقدارك الولهان

اللي غلاه في مرهون .. دواه صبر يا طول عازته

تحيــــــــــاتي

مرهون عند شين اللون.... احجر نباه ماعاد ينطري.

... تحياتي ... بنت الجبل الاخضر

((بنت الجبل ** بنت لجواد)) منور الموضوع بتواجدكن وردرودكن ,, الله لايحرمنا منكن

نلقانى غنى واصعبت *** مرهون كيف جيتا قالى

ضليل رايها ما زال ... العين بالمراهين شاقية

مشكووور الولهان

ارهن عزيز خوذن لذن *** مليت من مساهاتي لكن

تواجدك وتواصلك في مواضيعي وسام شرف لي أعتز بيه يابنت لجواد

الله لايحرمنا من طلتك يالغالية ,,,,,,,,,,

:نورت منتدنا:

ربي يعز مقدارك الولهان

مرهون جا صداف العقل ... عليه تبت توباتي نقض

... ع المرهون بعد ينهونى *** نبكى وانقول ظلمتونى ...

العين من غلا مرهون ... تذوح ما دياره لاقيه

يا مرهون انظاري جنك.... صاحب رافا يحسابنك

... تحياتي .... بنت الجبل الاخضر

خلاني غلا مرهون ... نموج في هوا ما له سند

عزيز يا عرب رهنوه *** م غير الدمع ما لنا عزا

أصدق تحياتي ,,,,,,,,,,,

ابكاكن ورا مرهون ... عوج غير ما فيدي الكن

ابعدك يالي مرهون **** نسابه و مانوم جاينى

تحياتي ,,,,

حتى والفزاع قريب ... من نار المرهون امريب

برمت بيه نا ويــــــاه *** طفاي نار المرهون مرتبــــك

أرق التحايا معطرة بالياسمين ليك يابنت لجواد على تفاعلك وتواصلك المستمر ,,

الله لايحرمنا منك

:نورت منتدنا:

تسلم تسلم ومشكور يا الولهان

مرهون ما عليه انموت ... خذن اسنينه ناره وانتهت

امفيت انت يا مرهون *** العين ما لها غايب ايجى

الله ايسلمك بنت لجواد ,,,,,,,,

تقازى على مرهون... منحاز قال ما فيه الطمع

مرهون يا العين احذاى *** ع العمر ما ستغنيت لو قعد

:00::

نا والمرهون تصادرنا....... طبس راسه قال اكبرنا

الخاطر مالمرهون سقيم**محط اصبع مافيه سليم

يا الولهان

يساول وشامت فيك ... مرهون جايك موش وادك

تحيـــــــــــــــــــــاتي

منك يامرهون جروحي #نمشي ونكلم في روحي

ارهن عزيز خوذن لذن *** مليت من مساهاتي لكن

خطيرة يابنت لجواد

» غناوي علم قويه
» اي فاهق وسع علي خاطرك بس
» غناوي وشتاوي ع الكبد
» غناوي علم وشتاوي علي العقل
» غناوي وشتاوي عالسر