غناوي وشتاوي ع المرهون

تذكير بمساهمة فاتح الموضوع :

الموضوع : غناوي وشتاوي ع المرهون :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

--------------------------------------------------------------------------------

وبالطبع الموضوع ليكم وبيكم يرتقي .... وان شاء الله ينال اعجابكم وفي انتظار مشاركاتكم واضافاتكم ...

لكم مني كل الود والاحترام

الولهان ...

عزيز ياعرب ارهنوه *** امغير الدمع مالنا عزا

تحياتي ليك اخي ايهم ......

بالك يا مرهون ظليمة واخذ قرعة نومي ديما ,,

تقبل مروري ,,

كل الشكر والتقدير لك اخي الولهان علي المجهود الرائع والابداع المتواصل
حبل المرهونين غلاهم *** فيه بياد ومن يالاهم
جرحك يامرهون احملنا * * * لوكان امغير اتساولنا
تنقض يامرهون جروحي * * * لو ماني ماسك في روحي
لك مني فائق الشكر والتقدير

كان افضي مرهون وجاني ... نتسمى سلطان زماني.

منور اخي الفارس ع المرور والاضافة ولك مني احلى تحية :

ظليل رايها مازال *** العين بالمراهين شاقيه

:tx: :tx:

مرور قوي واضافة أقوى اخي علي جيرة ,, بوركت وماتحرمنا من طلتك البهية :

اللى داه فى مرهون *** دواه الصبر يا طول عازته

تحياتي ,,,,,,, الولهان

:مشكور:

صحيتي ع المتابعة بنت لجواد ومنك المزيد من التألق:

و ما طريت مرهونين **** لو ما الهم سابق غلا

:tnx:

تسلم خوي منور والله

العين شوقها مرهون ... نلقان ما الفاضي لاعها

النور بيك بنت الأجواد ,,,, يسعدني تواصلك ,,

مرهون دارلك ياعيـــــن .*.*. سراقة غلا نين ذيبــلك

الله يعز مقدارك ..

العين شوقها مرهون ... والفاضي اغباوه دايره

.. الولهان كتب :
... قديم ارتهن حازوه *** وهو زاد راضى بهم ...

.. ارد عليك :
... انسى ياقلبى الى نسيوك *** شروك غيرك وانت باعوك ...

... ياالقديم بالك ظلم *** ترهن العقل وانت مرتهن ...

... ومعلش عالانقطاع ...

... تحياتى ...

دمـــــــــــــــــ الوردـــــــــــــــوع

..... نين قريب الدمع انكمل ... علمرهون اوهو يجمل

... بحياتي .... الاميرة بنت الجبل الاخضر

... من المرهون ظليمه جتنى *** حتى ونا راقد بكتنى ...

... سريبي عل مرهون ... تطريه ما اتزابي في عرب

.... تحياتي ... بنت الجبل الاخضر

خلانى غلا مرهون ...انطيح نين بيدى نتكى

وووووين يادموع الورد هالغيبة شغلتينا عليك

,,,,,,,

دموع كتبت ::
... انسى ياقلبى الى نسيوك *** شروك غيرك وانت باعوك ...

تلقي الرد ::
... مستوحي انه مرهون *** بعته عزيز قبل ايبيعني ...

وهذي ليك ::
اتغيب يا مرهون اتغيب *** وتجيب الدواء عارفينك

و ما طريت مرهونين *** لو ما الهم سابق غلا

أصدق تحياتي ,,,,,,,,,,

الأميرة الغالية بنت الجبل منوورة الموضوع بتواجدك القوي وردودك الأقوى ::

كيف عزيز ارهن زابيته *** غير انحول ف التشميته

تحياتي ......

مشكروة يابنت لجواد ع المتابعة واتمنى من الله ان يقدرنا على إرضائكم ::

مستانس انراجي فيه *** ونقول لولي نين ارتهن

تحياتي ,,,, الولهان

الله يسلمك الولهان .. وينك

ابكاكن ورا مرهون ... عوج غير ما فيدي لكن

ليك يابنت لجواد .. تلقي ::

اانجالت ورا مرهون *** العين باشقاء ناهينها

ظليل رايها مازال ... العين بالمراهين شاقيه

... صغير اعيالى يبقى جد *** ولا جرح المرهون برد ...

... مشكور الولهان على السؤال هذا من ذوقك ...

.. تحياتى ..
دمـــــــــــــــــــــ الوردـــــــــــــــــــــوع

((دموع الورد __ بنت الأجواد )) يسعدني تواجدكن الكريم على صفحاتي ولكن مني أجمل تحية

مالغيبة علي مرهون *** قصرن اخطاي راكي اترايفي

:00:: :00::

ديونى على مرهون .... اثبتن غير حقى أمسيبه

مرهون جاء غرضنا فيه **** مرجاه طال لاهان ولا فضى

» غناوي علم قويه
» اي فاهق وسع علي خاطرك بس
» غناوي وشتاوي ع الكبد
» غناوي علم وشتاوي علي العقل
» غناوي وشتاوي عالسر