جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

النوم يا الهوايات ... ما أيجينى وهو خاطر على

بينك وبين النوم ... عزيز حال يا عين اقعدي

ما جاني إمعاهن نوم .. غلاك و رجاك و غيبتك

الليل نأخذه تمويج...علي عزيز مانوم جايني

تهنى ورقد يا هواي عليش انقطمر فيك امعاي

بلاك يا عزيز وبيك ... سامر الليل ما نوم جايه

هوايك النوم اغلبة ابطل بطال ياعين سيبك

الدوج اتروقيله ياعين * * * * ان جاك اليل اتقولى وين

النوم يا عزيز بلاك نسمع علية ماني طايلة

عليه تلحقي ياعين ............. خلي النوم للي ما اجرح

عالحال ما ايجيه النوم ... يا عوينه اللي مو منجرح

قويه يابنت الاجواد وتقريبا الغناوة هذي لوسام الجوهري من منطقة فرزوغه

ديما يا العزيز سريبك *** قبل النوم العين اتجيبك

تسلم البزاري

بلا جميلتك ريناك ... جابك منام يا غالي علي

ما انريد غير انغفي........ تطيب نوم ماني اموالفة

ادباره ايريد العقل .........ينسى اعزاز ساعة غفوته

كذاب يا منام الليل .........اتجيب في عرب طال ياسهم

تغميضة هنا في النوم ... خلاني بلاها غايبي

الليل ناخذة تصنيت.........نسمع صوت بكاي نعمدة

ما طاح في غلا بكاه ... يا عوينه اللي النوم جايه

اللى سليم جاة النوم0000 وللى جريح ما ليلة رقد

غـــــفــا
الــعـــقل جـــوه اعــزاز ......مــنــام شـــــــين يا ريـــــتا
ســـمـر

حسيبك الله يا عين ... بلاهم ان جا نومك هني

لانك عزيز لانك نوم ...... اسمله عليك ماجيتي ابشي

بلا جميلتك ريناك.......جابك منام ياغايب علي

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم