جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

نوضن على الغياب تباكن .. والنوم اجعنه ما جاكن

انلايم فى جفنى عالنوم ::::::: وتخطر يا ها ظاك اليوم

أنا والليل أصحاب بقينا نشاكوا من اللي جافينا

ثلاثه فاقدهن في اليوم الراحه والغالي والنوم

اتقول خلقهن ربي توم ان غاب عزيز ايغيب النوم

يللي في نومك متهني دونك للنيران كلني

إيجونا مازالو لليوم اعزاز توامه هم والنوم

النوم مولنا من قبل**فرقا عزيز زادا مباعدا

عزيز تباوعنى فالنوم ::::: وعدا هو وياه يحوم

اكرهت النوم علي سباه....امغير الخاطم جاب نباه

فافي كتب:: غفا العقل جاب منام .. اجحده خاف عالعين تنعمى

دموع الورد
مشاركاتك راااااائعه
و تفبلي مروري في موضوعك المميز

[ندعوك للتسجيل في المنتدى أو التعريف بنفسك لمعاينة هذه الصورة]

ان جا النوم جو للعين ==اعرب اعزاز ما بو ينتسو

النوم ياعزيز بلاك ** نسمع عليه مانى طايله

ان كان ما معاك عزيز ** اخطا العين يا نوم ما اتجي

خلانى غلا لولاف *** غفير ليل من دون العرب

العقل ما ينام الليل ::::::::: سطير جرج لولاف سمره

النااس راقدة وانا قليل ارقادي الروح رايحة والعقل عندك غادي

من الليل ما ايجيبو علم*** يعوين هل النوم بنومهم

لوكان لاقيه هواي *** ترقد الليل عيني ما بكت

بعد لولاف النوم قليل *** اسمور انكمل فيه الليل

لا عزيز لانك نوم ** مستوها قضيتي ليلتك

كيف اتريد انوم ا طيب والعياط احذاك اقريب

أجبرك نوم جوك منام .. فزيتي أقدرتي عالبكاء

يانومى خليك امعاهم *** راك اتجينى يوم بلاهم

حتي الحلم نبكوا فيه ... ما تخذوا على قوله رقدوا

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم