جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

ازعما راك يامرهون &&& كيفي اتحوس مانوم جايك

سوامنام ولا علم *** منسي قديم ماني مدوره

العين تراجي فيه منام ... عزيز اللي مافيه اقسام

بعد ضيعت الغلا مرات..ايحايل النوم ايقول رقدو

حلامه تجيب عزيز ... اتريد نوم والنوم وين هو

لا نوم لا هناء لا عزم..معا عزيز رايحات كلهن

العقل والزها والنوم ... قرعه عزيز والنار قرعتي

ما حتا عالنوم انعدل..يا بال الهواي تبدل

العين تراجي فيه منام ... عزيز اللي مافيه اقسام

حتي في المنام اخطور &&& عليك قطمر يالولي

غفا العقل جاب منام اجحده خاف عالعين تنعما

{ العقل في عقاب الليل . هفو عليه لولاف مــــــــــــــــارقد
غفيت ما نريد اعزاز . اوعيت جرتى باكيلــــــــــــــــــــــــهم

{ تفسيره ابقطع اقسام. منامى اللى جاب الـــــــــــــــــــــــــــــقدم

الله الله لوما حلم &&& مسمح قديم للعين جيتا

حلامه تجيب عزيز اتريد نوم والنوم وين هو

يالقديم عليك علايل &&& حتي فالغفوات اتخايل

عزيز قال ما نخطاك ان جاء النوم راني جايك

يالقديم امطلع ديني &&& حتي فالغفوات اتجيني ...!!

مامن منام ايجيك *** يخطر هذاك تنوضي رايقه

هفوني منام بكيت &&& وياضوايقي وين توقضي

عزيز لو يجيني حلم *** نبقي انغفي من ليل لولي ... عبدالكافي

مطمع من عيني لا والي ... تبي نوم وتبي غالي

للنوم مانذوق اطعمة &&& انجاني ايجيني جارحي ...!!

عزق اغطاه وعا هله ****ينشد ايقول جوني وينهم

لوكان غير جاني نوم ... بعد عزيز راني احلمتبا

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم