قصيده لعبدالسلام بوجلاوي

رب الكون علام الغياب= في الانسان خالق عنصرين

عنصر شر يدعي للخراب = ولاخر خير عالصالح يعين

وفيه امور تعمل بانسياب= شعور بشي مخفي في الكنين


متل العطف عالناس الاحباب= ولهم في الموح تشعر بالحنين


ومن من قبل موكاره وحاب= بفعل العقل وروادة العين


مره يسد عالغايه الباب= ومره العقل للغايه يلين



ومامن سر خافيه الحجاب= علمه فاق فهم الفاهمين


وفيه ضروف تدعي لارتكاب= اخطاء وعيوب شخصيتك تهين


والناس عليك تقسي بالعقاب= وتبني فوق م الطابق اتنين


وكل الفعل واللي له اسباب= مسجل يوم خلقك عالجبين


والله رحيم يصفح كان تاب= علي من كان مو تابع الدين


ويقولو العيب عالشايب معاب= وقبل الشيب عنه عافيين


وهو مرات جوا فيه شاب= وفيه الطفل والكهل الرزين


وهناك حظوظ تخدم في اصحاب= وزين الحظ م اللي فايزين

ان دار العيب ع الشايب معاب= وقبل الشيب عنه عافيين

وهو مرات جوا فيه شاب= وفيه الطفل والكهل الرزين


وهناك حظوظ تخدم في اصحاب= وزين الحظ م اللي فايزين


ان دار العيب يبقاله صواب= وفيه بخوت هلهن عاقبين


منسيين ديما في العقاب= كيفي وكيف غيري واجدين


ننضر هود مليان بشراب= وان جيته يجف نلقي فيه طين


وان كان سريت يكسيهن ضباب= اللي ع السير بيهن نستعين


وان كان جهمت بوعبعاب غاب= وجوه الصبح فاجاني البين


وبوعبعاب مو كيف الغراب= يقولو الناس للي باكرين


ونلقي خير ماله شي حساب= ويطلع فيه حظي موش زين


الجبح الصم في روس العقاب= ان كان عرفت نرقاله منين


من اجل عسله لسعه مانهاب= ان هاج وماج وازداد الزنين

بعد عانيت باسبابه اتعاب= وبات الامل في نيله ظنين


بلا جداب للخرين طاب= ولا تدخين لاواقي حصين


حملت مرار هداك العداب= ونادم جيت من شوره حزين

وتو لقيت في ديل الجراب= جلد الرق منسي له سنين

فيه الغاز ع الفاهم اصعاب= المختصين فيهن حايرين

كم سوال يبحت عن جواب= موش بجيم رمزه لو بسين


مكتوبات بطيور ودواب= ولقيت الحل والسر الدفين


تبين مال مخفي في التراب= خريطة كنز م الكنز التمين


وفيه وحلت مابا يستجاب= لدم الديك والمشعودي

مشكور اخي

تقبل مروري

صحيت على نقلك الرائع والجميل

ودمت مبدع ..

مشكورين ومتالق بيكم

مشكو على القصيده الجميله
سلمت يداك

مشكورين علي المرور

امنور يا غالي

مشكورين