مانا ضراري ضره لشاعر عبد السلام بوجلاوي

مانا ضراري ضرَّة .. خوت م الظهر يا ليبيا والسرَّة
ظناك كلنا
ظناك الاصليين .. تلقينا ان جد الجد موجودين
وعارفين واجب طاعة الولدين .. ان شاء الله ما منّا اتجيك مضرَّة
ولا من ترابك حالفين يمين .. لغازي دخيل نسلّموا في ذرَّة
اللي من أنساب الحسن والحُسين .. دونك يهون الراس عند الزرَّة
فداك جدنا سليمان نصر الدين .. بروحه بعد منك الغير تبرّا
نحنا من عقوب اولاده منحدرين .. شريف نسب ينفعكم الله بسرَّه
فواخر أشراف طيور ومواعين .. جيّابة الفخر وين الجبين تعرّا
ومالكين في برك بقوة عين .. كسّابة الفروق المقدرَّة والغرَّة
ولا عمر ساقوها الغزايين .. تريسّه مْعرًّك دونها يطرًّا
من سمنو لصحرَّة مصر ممتدين .. خذينا علي جوك وقسوة حرّه
بنغازي المركز سمّيت بحسين .. وفيها مسجّل مولده ومقرّه
يعود لاي عصر وهو يكون امنين .. عليه كل باحث نطلبه ايتحرّا
وسويري اللي عبده عليه حزين .. التركي هفا نجعه وصادر صرّه
ترابك عزيز انحزوا فيه ثمين .. حتى صغيرنا حب البلاد مْقرّا
ولا تسمعي تشكيك من وحدين .. ما هم ظنا كبدك لمد من برّا
اللاعب على الحبلين بو وجهين .. قليل الحيا يكفيك ربي شره
اللي لتركيا سلّم الليبيين .. ان كان خلفته دالت تعيد الكرَّة
واليوم اهم فيك احرار مطلوقين .. لهم من بقولة لاورا يجرّا ؟
لخيرك بلا تقنين نهّابين .. الجامد كلوه ولحّقوا المجرَّة
ما لهم وفا بالعهد خدّاعين .. ان صار الخطر منك اسراع الفرَّة
يرخوك عند ما دار الرصاص زنين .. ويجوك وينما تبقي عزيزة حرَّة
حتى ان كان تفتيش المذابح شين .. ويتعب تقول الناس قص الجرَّة
نلومك وما يلتام غير الزين .. ولومي عليك نْأكده ونكرّه
خايف مع كمين قط سمين .. خيرك على المسكين يقصر برّه
لا من حليبك تحرمي الجنين .. ولا ع الظليل تسارعي بالدرَّة
نحنا لسيتك من قبل حمّالين .. دمّالة مكان الضيق ما اتّورّا
علي مثل قيل زمان مستندين .. الناقة ولدها مستحيل تْضره
ما تهيس وطيتّه عليه بلين .. ولكن بثقل الزًّور زَوَر الصرَّة
ربيبك السابق من مدد وسنين .. التاريخ غيّّر في مساق مجرَّة
ليش وعددهم فوق م العشرين .. أبطال المحارم ينتسوا بالمرَّة ؟
وأبطال الغرود وغيرهم كمّين .. معارك عليهن هالسافي ذرّا ؟
وأحفادهم إلى هالوقت مركونين .. وقدولك النار ورقدّوا ف القرَّة
فراشك عليه بعيد مدفورين وغيرهم مْربّخ في محر محرَّة
ولك أخلاصهم ثابت بلا تظنين جنينك بحبك في لباك امغرَّة
ما يخذلوك ويتبعوا لخرين .. حبيبك لصف عداك صاعب جرّا
وموش ظن طيبك نعلمه يَقيَن .. حتى وين جعتي ما ابقيتي هرَّة
ويعيش من سند صفك بعد توهين .. حماك من قواعد بينهن منزرَّة
وقام لشهيد الوطن بالتبيين .. لولا الغيور البطل مات بسره
جميله علينا حمل بوتسعين .. فوق من كتوف المخلصين معرّا
وختام الكلام صلاه ع الأمين .. الصادق اللي ذكراه فيه مسرَّة

مشكوووووور صحراوي

تقبل مروري

مشكوووووور صحراوي

تقبل مروري ودمت بود

صحيت على انتقاءك الرائع دائماً

لك مني اجمل التحية ..

مشكورين اخوتي علي المرور الرائع

مشكور اخي فتي الصحراء

مشكوره اختي سوسن علي المرور