غناوي علم ع الخطا

تذكير بمساهمة فاتح الموضوع :

1- اعزاز خاطين اللوم ......... علي والجطا سابقين به
2- لااللى اخظيت لين اتهون ........ ولا اللى اقسمت ياصاحب الغلا
3- مع غلاه صار خطاه ............. انظر العين تبكي من ايهنها
4- غلا عزيز من الياسات ........... فرحة العين به ماطولت
5- اعزاز والوفوا على البعد ........ يا العين هذى ديرى احسابها

يا الولهان

ايعيش ع العدم ريناه ........... العقل لو انجي يوم الخطا ..........طازا

يعني لوكان عاش ع العدم تعتبر نجيه (فكر في حاجه اكبر من هك)

يقروا عليه ليل نهار **** اعزاز لين جابوه للخطا

بين خطاه وعيبه فينا.....خيرناه اختار الشينة

لو ما خطا القديم*** العين لابكت لا اضايقت

ان دار الخطا مشيول ... عقال ما الدوني نعاتبو

شديد عزم يحسابوه *** مستوه ما بكا يوم الخطا

علي وعليك اعداد ... يا عزيز في يوم الخطا

ونقول أبردي يا نار *** بكيت ع الغلا ساعة الخطا

لو حسبت ساس غلاك مبنى عالخطا ما شقيت باوله

عزيز للكفا ماهان *** وافعاله خطا واجعاتنى

الياس والخطا والوقت...تخاطن ونا جيت بينهن

خطاهم قبل يصير بعام ...غفيــــــت وجابه لي منام

الخاطر ذاق غلا وارياف ** وذاق امرار خطا لاولاف

لوكان ما بعيني ريت .... خطا عزيز ماني امصدقة

مضمون يا خطا لاولاف ** عليه ما نريدوا تاقزة

خطاي من خطاك سبق خطاك كافيت بالخطا

حال غايتي في الصوب.......إن صار الخطا مانحضره

اللي هلبه يوم خطاك طويل عمر ثاريت خاطري

يوم خطا لولاف انعاني ذاهب جابوني جيراني

يوم خطاهم خفت انغفي نصبح لمباكر متوفي

يا عيني خليهم عنك صار خطا منهم مو منك

الموت كاينه واتكون خطاك هو اللي واعر علي

العقل ما ينام الليل سطير جرح لولاف سمره

ان جيت بعذرك بعد خطاك ** علينا مو ساهل مصباك

امواير خطاه اسبقن ** عزيز امغير عامينا الغلا

» غناوي ع الياس
» غناوي علم
» غناوي علم ...
» اي فاهق وسع علي خاطرك بس
» غناوي علم