غناوي علم ع الخطا

تذكير بمساهمة فاتح الموضوع :

1- اعزاز خاطين اللوم ......... علي والجطا سابقين به
2- لااللى اخظيت لين اتهون ........ ولا اللى اقسمت ياصاحب الغلا
3- مع غلاه صار خطاه ............. انظر العين تبكي من ايهنها
4- غلا عزيز من الياسات ........... فرحة العين به ماطولت
5- اعزاز والوفوا على البعد ........ يا العين هذى ديرى احسابها

خطا مادرنا مظلومين**** علي باب الله متكلين

خطاك ياعزيز كبير تشعيف راه فينا ع الغلا

خطا ما اندير خطا ... وان جانى خطا ما نحمله

اتعبنا من ترقيع خطا طلقنا بينا وبين الله
وين طشة بنغازي يا بنت الاجواد

وصار لك خطا ورباك ... عليك يا غلا يا نويرتى

خطا عزيز فيه اوحلت ما لقتله شئ دواء

اخطيت ما بلاك احملت ... لفق اعذار وتعال ابهن

امغير لو جابو عذر اعزازعلي الخاط سمحتهم

امسامح على ما فات ... امغير امعاك ماني لولي

كيف نسمح خطاه قديم وهو الي جراحني

ونا ياخطا خاطيك ... دارونى الغوالى دايرك

اخطيني خاطه قديم ايام واليوم كى تعفيت روحان
صقع عليكي :w4545:

ناس قدم بعد كرهوني ... مظلوم وظالم داروني

وتصبح على خير

نلقها كان ضلمت وان كان انا المظلوم يا الله

ان كان ظلمنا يرضيـك ... نرضيك يا عزيز وننظلم

عليها نحلفلك بالله ... خطاهم فيه اوحود وراه

عزيز بعد ما دار خطاه ...توازت بدري نا واياه

الشامت ينشد في عليه خطا طالع من تحت إيديه

الخطا عزيز بيده دار ... ذنبه عليه ماني شي سبب

ختطك يا عزيز اليوم تبيله زمن وما انتسه

يا عيني خليهم عنك صار خطا منهم مو منك

قديم خاطه منا بيده ندعي ربي اليوم ازيده

اوْحلْت في عَزيز غَشِيْم ... غَلاه جار والصَّوب ما عَرَف

خطرها خطاك العيب *** اللي معاي جا ما لا سبب

الوقت خان يبال انت.....علي خطاك ماني لايمك

» غناوي ع الياس
» غناوي علم
» غناوي علم ...
» اي فاهق وسع علي خاطرك بس
» غناوي علم