غناوي علم ...

العقل قالي بالعقل ..........ايجيك النوم والدار خاليه

عالعقل حاكمين اعدام ...........اعزاز لا عفو لا نفذوا

ضمادي رقيق اعزوم.........نضر الجرح عدا بعبرته

دناك يا بعيد بعيد...........واللى بعيد بالحيل نسوتك

عقال عقلوه العقل بأعقال غير مازال ما اعقل.

سبايب امراض العقل تبع العين والعين ضالة.

دناك يا بعيد بعيد...........واللى بعيد بالحيل نسوتك

حتي وانت فيك النار مازلت خضر ياعود لاقادم

يوم خطاك اول ماجاني متشمت لكن عزاني

الكاينة عطاني عهد ماجاقديم علي قالها

عشرت اسنين كان قديم لوكان عدها ما سيبك

الموت قايله للعقل ****أن صار يأس لولا ف ناخـذك
.
انلاقي في النار املاقاه .... مغير ينجي في الله

لعقل لا تزيد عليه ***** رقيق عزم بكاي ياعلم

العقل وين قلنا تاب ***** هفوا عليه لولاف انتكس

العين شاكيه في العقل ***** عريضه للمولى دايره

ظلامك ايحوز عزيز..هضا عليش يا لليل كارهك

سوى فاظي ولله ابظناه..عزيز فقدناه فقدناه

غلاه درتا قبل امداريه..العب فيه الياس العب فيه

بعد ضيك يادار اوهام...........برمت القيتك غير ظلام

ما من عزيز فقد........... دوانى الله صبار دارنى

كل اخلاط ظلام انجيها........الدار ونذكر غاليها

انجيها كل اخلاط ظلام .... الدار بقتلى غير اوهام

فقدت الغالى وايش ابقى........ الا تبرم تاخذ روحى
sunny
كبدي ذابت لاتلمسا فقد اعزاز الاي هايسا

بنقول لجديد اسماه~~~سهيت سميت لولي

حتى والجديد احداي~~~قاطع اللواي مازال لولي

تشميع لا شراء لا بيع~~~بعد قديم ياسوق الغلاء

يا القديم تفقد روحك~~~وما تلقى غيري لجروحك

نكرب اغطاي ناوي نوم~~~يخطر قديم هاناك ندفره

شهاده من دينك ياعين~~~جديد ايجي كيف قديمين

مامن جديد جا للعين~~~لطاته علي شان القدم

دفنت ياقديم غلاك~~~دفنت جنين في يوم جيته


يا القديم تفقد روحك~~~وما تلقى غيري لجروحك

مابت اتروم جديد&عليك كبد عندي عالقدم

وراي نلتفت مازلت **** هايلي اقدم لاحقيني

تلذيع القديم قهرك .......... ان درتى جديد يا عين شاورى

حتى والجديد احذاي يحكي العقل مازال ع القدم

=====================

درنا جديد بان الفرق ثاريتك علم يا لولي

====================
وين انقول جديد انجرب **** تخطر يالقديم اتخرب

يالقديم اقعد في بيتك.... جد جديد خلاص انسيتك

تعال يا بعيد الدار ....كلت كبودنا طوله ارجــــــاء

قديم كى انقول انسيت.....تذرف العين موجوعة لهم

قديم ماعلية اغنا......نفقد العمر نرجا خيرلى

نحلف انقو ننسى خير....قديم غير عينى تجبدا

بينى وبين النوم.....قديم حاز عينى ع الغفا

قديم كى انغيب علية...حكر رمشة العين ينشغل

قديم هولى يالاى... قالت العين لا تجيب غيرهم

العين كل يوم ادير غلاه... وما ايجي كيف لولي

انسا كل شي لقديم........جديد قالي هي لوله

على ما دريت العين..........تنسى قديم محال تقتنع

جديد ما يكون مكان .....قديم راة ما يجى مطرحه

يالقديم عليك بنينا ..... بيت وما فيه التمينا

الخاطر يكرب فيه الدم ... نقول جديد ايقول قدم

قرطس قديم بيت الصوب....برممة وفوقة لروقة

بوج جديد بيت ربيع ...عمرى فصوب ما ريت بنيتة

مليّت يا عزيز اوحدي .. مقعد بلاك واااااااااعر علي

حتى كان عزيز تباعد .. مطراحه في قلبي قاااااااااعد

مليت يا عزيز اوحدى .. مقعد بلاك واعر على

-عديت للعزيز أبعقل .. رديت فاقده لوميني


-لا عزيز كيف عـزيز .. نلقالك ولا عاد تسكتي


-كيف عزيز عزيز ايمته .. نلقـى للعين انسكتها


-ننهى العين يمشي العقل .. بلا عزيز ماعاد يقدرن

-ايام االدلال اخطرن .. بلا عزيز ماعاد نقدروا

كان عزيــز يفرّط فيا .. اندزه لأسرائيل هديّه


تحياتي

لك كل الشكر على موضوعك الرائع

ونحن في انتظار جديدك ..

مشكوررررررررررين علي مروركم العطر

منور و مشكور علي مرورك العطر اخي ولهان
تحياتي لك