أخترت لكم منوعات غناوي وشتاوي علي كل شي

تذكير بمساهمة فاتح الموضوع :

السلام عليكم .. اخترت هذا الموضوع حتى يشمل اغلب محاور غناوي العلم والشتاوات ..
ويسرد الموضوع غناوة وشتاوة علي كل بند ومش بالضرورة يكونن رد علي بعضهن ..
وتقبلو تحياتي أخوكم الولهان .. وأكيد يرتقي الموضوع بردودكم وتعليقاتكم ..

لوهام :
اوهامك ديمة تلعب بيك **** تعلي مرة وتواطيك
تخطيمك على الاوهام **** جدد سريب مانا في وارده

القديم:
غلا قديم نطري فيه **** انريد ثلث م الليل ناخذة
حتى كان اقدم فضيولي **** ماني كيف زمان ابطولي

الصوب:
عزيز كان خان الصوب **** عزاي فيه توبات علي الغلا
دونك يامولاى انصفلى **** خان الصوب وهو حالفلى

النار:
الي ما قاس النار ايقول **** امغير اصبر شده وتزول
كل اللي فازع سيبني **** في نار المرهون هلبني

العزم
العقل لاتزيد عليه **** رقيق عزم بكاى ياعلم...
وخيذه خونتهم لو ريــــت ******* مغير بعزمــــى ما جضيــــت

الغلا
ارغبت فيه قبل ايصير **** واندمت وين ما صار الغلا
غلاكم يالولاف اشبوب **** ان لط يعوزنا فالصوب

الايام:
الايام قاصرات معايا **** خذن عزيز ويش يدورن
عزيز حلفنا ماننسوه **** إيدورن ليام ونلقوه

الخيانة:
ليش يا عزيز تخون **** تنسى عهد ما كان بينا
عالخونة ياما وصوني ****ناس اعزاز وبيها جوني

العقل:
العقل كان طال اعزاز **** يزهى بلا مال ساده
قاعد يا لولاف بلاكم **** درنا نا والعين عزاكم

النوم:
متخايله منام قديم **** لها ايام م النوم خايفه
تلاته فاقدهن فى يوم **** الغالى والراحه والنوم

العين
العين من غلا مرهون **** تذوح ما دباره لاقيه
عندي عين الموح قتلها **** تمشيلك واتسيب هلها

المرهون:

أنقولوا فيها لك ياعين **** يضرك صوب االمرهونين
خلاك المرهون ضريرة ** ** ياريتك دورتي غيــــــــره

الكبد
حنونه ودارت كبد **** على عزيز ويش ايفضها
عزيز قتلنى بنار الشوق **** يقطع فى كبدى ويذوق

لولاف
مقوى عزومهم لولاف **** نسيونا بعد واجد غلاء
ايريدونى لولاف انشيل *** احمول على حملي الثقيل

الجرح:
كذاب من ايريد ايقول **** الجرح بعد قديم دوايته برئ
هن الزوز عليك مصيبا **** مجروح وما هناك طبيبا

الغيِة
قسامي بلا غيات **** بالخاطر الله لا يجيبهن
ماني معتاز لغياتا **** الغالي كي روحه اعجباتا

عاميهن غني ويقول **** انظاري بري من ذنبهن ...
تحياتي

اتفارق امعاه الروح.... عزيز كان يا عين فارقك

أشكر كل من تكرم وزار متصفحي وترك بصمته الرائعة والتي لها عظيم الأثر في الرقي بمستوى الموضوع

كي نملا من النوم عيوني *** لازم يالولاف اتجوني

تحياااااااااااااااتي ،،،،، الولهان

:يقغثغص:

تجو منام ماصدقت ... نخاف وين نوعه تبعدو

اعزاز مالكين العقل *** انموت ولاهانو علي

ثقيل ما عليه قدرت ... غلا عزيز جا فوق الجهد

اسكاته مو على كل ايد *** جنين الغلا يالولي

... لفراق جا من العقال *** مظلوم انا وانت ياعلم ...

لطن عزيز يا القسم ع الغير ***نين نلقا لا جهد

... ياالله نين نلقى بيش *** وارى عزيز ع انظار غيرنا ...

... اجعل عزيز يامولاى *** امفيت لى موقاسم لحد ...

أنكـــــــــــــان مو أختامك قسم ... نلقانك مرض شين يــــــالغلا

نورتينا دموع الورد بهالطلة

عزيز ع الغلا مازال .... ينشد اتقول مو داير خطا

عزيز هو صبي العين *** لوغاب عنها يوم تنعمي

تحيااااااااااااااااتي ليك زيزو

... جضيض مع دمعه وعلل *** بها بلكل مادارن حل ...

بطاي لا اديره ياس *** ارجا رجاي راه ديني وفاء

أحلى تحية ليك دموع الورد

... ماالعازه بكيت اوحدى *** بكية حنون توميها اوخذ ...

مقوى صبرها عيني امرار الرجا كَيف حاملة.

مديت يا العقل يديـــــــك ... للغالي نفضهن للخـلا

إللي ما فقد مازال **‏‏* يرقد الليل عقله إمريحه

انموت على الغلا الجديد *** ولا شحتت قدرى مالقدم

اللي جاتك ياعين عشم ,,,, أتقول ظلمتيهم لقدم

كمل مساقطة في الكتر *** الهذب وين ما باد م البكا

... دقيقه عليهم غبت *** برياف عام لولاف جيتم ...

ازعمه يا عزيز اليوم*********يخطر عليك هاضاك الغلا

رمشة عين انريد انشوفه *** كبدى ع الغالى ملهوفه

» منوعات غناوي علم
» غناوي علم قويه
» اي فاهق وسع علي خاطرك بس
» غناوي وشتاوي ع النار
» ردود (غناوي وشتاوي)