أخترت لكم منوعات غناوي وشتاوي علي كل شي

تذكير بمساهمة فاتح الموضوع :

السلام عليكم .. اخترت هذا الموضوع حتى يشمل اغلب محاور غناوي العلم والشتاوات ..
ويسرد الموضوع غناوة وشتاوة علي كل بند ومش بالضرورة يكونن رد علي بعضهن ..
وتقبلو تحياتي أخوكم الولهان .. وأكيد يرتقي الموضوع بردودكم وتعليقاتكم ..

لوهام :
اوهامك ديمة تلعب بيك **** تعلي مرة وتواطيك
تخطيمك على الاوهام **** جدد سريب مانا في وارده

القديم:
غلا قديم نطري فيه **** انريد ثلث م الليل ناخذة
حتى كان اقدم فضيولي **** ماني كيف زمان ابطولي

الصوب:
عزيز كان خان الصوب **** عزاي فيه توبات علي الغلا
دونك يامولاى انصفلى **** خان الصوب وهو حالفلى

النار:
الي ما قاس النار ايقول **** امغير اصبر شده وتزول
كل اللي فازع سيبني **** في نار المرهون هلبني

العزم
العقل لاتزيد عليه **** رقيق عزم بكاى ياعلم...
وخيذه خونتهم لو ريــــت ******* مغير بعزمــــى ما جضيــــت

الغلا
ارغبت فيه قبل ايصير **** واندمت وين ما صار الغلا
غلاكم يالولاف اشبوب **** ان لط يعوزنا فالصوب

الايام:
الايام قاصرات معايا **** خذن عزيز ويش يدورن
عزيز حلفنا ماننسوه **** إيدورن ليام ونلقوه

الخيانة:
ليش يا عزيز تخون **** تنسى عهد ما كان بينا
عالخونة ياما وصوني ****ناس اعزاز وبيها جوني

العقل:
العقل كان طال اعزاز **** يزهى بلا مال ساده
قاعد يا لولاف بلاكم **** درنا نا والعين عزاكم

النوم:
متخايله منام قديم **** لها ايام م النوم خايفه
تلاته فاقدهن فى يوم **** الغالى والراحه والنوم

العين
العين من غلا مرهون **** تذوح ما دباره لاقيه
عندي عين الموح قتلها **** تمشيلك واتسيب هلها

المرهون:

أنقولوا فيها لك ياعين **** يضرك صوب االمرهونين
خلاك المرهون ضريرة ** ** ياريتك دورتي غيــــــــره

الكبد
حنونه ودارت كبد **** على عزيز ويش ايفضها
عزيز قتلنى بنار الشوق **** يقطع فى كبدى ويذوق

لولاف
مقوى عزومهم لولاف **** نسيونا بعد واجد غلاء
ايريدونى لولاف انشيل *** احمول على حملي الثقيل

الجرح:
كذاب من ايريد ايقول **** الجرح بعد قديم دوايته برئ
هن الزوز عليك مصيبا **** مجروح وما هناك طبيبا

الغيِة
قسامي بلا غيات **** بالخاطر الله لا يجيبهن
ماني معتاز لغياتا **** الغالي كي روحه اعجباتا

ضليل رايها مازال ... العين بالمراهين شاقيه

ان فيك ياعزيز نصيب *** ابياسك اتجيني دودشه

عزيز هو قرعتي في الناس ... انرايف عليه لايوم لاخره

عزيز وين ماخذاه الدهر ************ لقسام ياعلم عاودن...
مقسوم فى اقسامى قسم ************ يقسم عزيز قسمه لغيرنا...

((سويسا ** بنت لجواد )) مشكورات ع التواصل ولكن مكني أرق التحايا

سلامى على لولاف *** نبته ربيع فيدى الايمنه

:اسعدتنا زيارتك

العفو الولهان ..

سلام مو طمع في صوب ... مغير لجل تاريتك علم

أصدق تحياتـــــــــــي

الخاطر وحل فى ناس *** نوى تركهم زادوا غــلا

تحياتي الحارة ليك يالغالية ,,,,,,,,, دمتي بخير ودام تألقك ..........

هل من احد عندغناوى وشتاوى صوط

مشكور يا الولهان ..

خطا عزيز جاب ثلاث ... قوى النار واليأس والجضر

جضر ويأس واخرى نار ... والموح هو اللى رابع الهن

مشكى الاربعه اللى هلبن ... والخامس خلا ليد هدنى

هل من احد عندة غناوى وشتاوى مسموعة

خماسية قوية يابنت لجواد وموش غريب على تألقك وابداعك ,,,,,,,

وهذي ليك ::

نهار ما خطر ننسوك *** اسعدك زين يا غالي علي

:تسلم ايدك:

بحر الياس ضلمه شين ... نا ابطلت وانت غرقك

... تحياتي ... بنت الجبل الاخضر

يا الولهان

لها رزق عند الله ... العين يا علم ما ينقطع

تحياتـــــي

عزيز منقطع طاريه ... حتى سلام فينا استخسرا

... بلاهم ايريد ايحمل *** كذاب خاطرى كان قالها ...

... شيال للمواجع كنت *** واليوم كل شى صاعب على ...

.. تحياتى ..

نصبـر بلاه نلقى خير ... اللي فيد ربي اقريبه

... انكان بلاهم قدرت *** نصبر ايام رانى انسيتهم ...

شاوى عليك الدمع *****و إلا عزيز يا عين ناسيه

حتى انكان غرق ....غالينا تنزح الميه ويجينا

تحياتي ... بنت الجبل الاخضر

قريب يقتلك ياعين ارياف علي ناس باعدوا
هز الشوق حنايا الخاطر كنك شاطر شيل اريافي جاك قناطر

منورين ياخوتنا في المنتدى

... بهمومى رميت عليه *** نحساب الدوج ايشيلنى ...

بهمومه رمى عالدوج ... ضاقت عليه ماني لايمه

غيبت عزيز كيف الموت ************* والموت كيف نلقاله دواء

أخوتي مروركم وطلتكم على مواضيعي عندي بالدنيا ... بوركت جهودكم والله لايحرمني منكم

العقل يابعاد الدار *** يمسى معاي ويبات عندكم

العقل لا تلوم عليه ... تبع العين و العين ظاله

» منوعات غناوي علم
» غناوي علم قويه
» اي فاهق وسع علي خاطرك بس
» غناوي وشتاوي ع النار
» ردود (غناوي وشتاوي)