أخترت لكم منوعات غناوي وشتاوي علي كل شي

تذكير بمساهمة فاتح الموضوع :

السلام عليكم .. اخترت هذا الموضوع حتى يشمل اغلب محاور غناوي العلم والشتاوات ..
ويسرد الموضوع غناوة وشتاوة علي كل بند ومش بالضرورة يكونن رد علي بعضهن ..
وتقبلو تحياتي أخوكم الولهان .. وأكيد يرتقي الموضوع بردودكم وتعليقاتكم ..

لوهام :
اوهامك ديمة تلعب بيك **** تعلي مرة وتواطيك
تخطيمك على الاوهام **** جدد سريب مانا في وارده

القديم:
غلا قديم نطري فيه **** انريد ثلث م الليل ناخذة
حتى كان اقدم فضيولي **** ماني كيف زمان ابطولي

الصوب:
عزيز كان خان الصوب **** عزاي فيه توبات علي الغلا
دونك يامولاى انصفلى **** خان الصوب وهو حالفلى

النار:
الي ما قاس النار ايقول **** امغير اصبر شده وتزول
كل اللي فازع سيبني **** في نار المرهون هلبني

العزم
العقل لاتزيد عليه **** رقيق عزم بكاى ياعلم...
وخيذه خونتهم لو ريــــت ******* مغير بعزمــــى ما جضيــــت

الغلا
ارغبت فيه قبل ايصير **** واندمت وين ما صار الغلا
غلاكم يالولاف اشبوب **** ان لط يعوزنا فالصوب

الايام:
الايام قاصرات معايا **** خذن عزيز ويش يدورن
عزيز حلفنا ماننسوه **** إيدورن ليام ونلقوه

الخيانة:
ليش يا عزيز تخون **** تنسى عهد ما كان بينا
عالخونة ياما وصوني ****ناس اعزاز وبيها جوني

العقل:
العقل كان طال اعزاز **** يزهى بلا مال ساده
قاعد يا لولاف بلاكم **** درنا نا والعين عزاكم

النوم:
متخايله منام قديم **** لها ايام م النوم خايفه
تلاته فاقدهن فى يوم **** الغالى والراحه والنوم

العين
العين من غلا مرهون **** تذوح ما دباره لاقيه
عندي عين الموح قتلها **** تمشيلك واتسيب هلها

المرهون:

أنقولوا فيها لك ياعين **** يضرك صوب االمرهونين
خلاك المرهون ضريرة ** ** ياريتك دورتي غيــــــــره

الكبد
حنونه ودارت كبد **** على عزيز ويش ايفضها
عزيز قتلنى بنار الشوق **** يقطع فى كبدى ويذوق

لولاف
مقوى عزومهم لولاف **** نسيونا بعد واجد غلاء
ايريدونى لولاف انشيل *** احمول على حملي الثقيل

الجرح:
كذاب من ايريد ايقول **** الجرح بعد قديم دوايته برئ
هن الزوز عليك مصيبا **** مجروح وما هناك طبيبا

الغيِة
قسامي بلا غيات **** بالخاطر الله لا يجيبهن
ماني معتاز لغياتا **** الغالي كي روحه اعجباتا

حتى كان قديم
انسينا...لابدا يرخص ويجينا

ياالقديم رخيت رخنك *** ماعاد ايراجن فى حنك

كان ظليمه قول ظليمه **** مانبي نرجاهم ديما

علي جفاي يجري لاجل ... عارف عزيز روحه غالية

ما ودك غير اتحاربهم..لاولاف عربنا او عربهم.
كي نبدا فيهم خليني..ما من عاقل واطا عيني
اللي ندفرها لاقدام..علي ايردنها لايام
فينا يا القديم او فينا...قلنالك قبل اتغالينا
انخاف يلقى عزم...ينساني قديم ما ايديرها
حالفات ما ايرومن زول..بعد عزيز لو صار كل شي
...وهذي هديه مني(السكر والشاهي والزيت...بلاهن ما يخلاش البيت

متلايم وفيك سطير *** بلا امخادعه ياجرحنا

اما عزيز موكى قبل *** والا النقص باديه خاطرى

ياالعزيز علينا سلم *** عد الموت وقبر امظلم

ديمه يالعزيز سريبك *** قبل النوم العين اتجيبك

كان اتعد الحن ظليمة *** يالعزيز اظلمني ديما

امعبا شوق وغيض عليك *** أين منهن بنلاقيك

انريدك اتهون اتغلا ... امغير ياعزيز ويش درتلى

راك اتحط اللوم علينا ... يالعزيز جفيت جفينا

خلاك حايرة في الراي ...غلا عزيز يا عين دوخك

العقل مايروق غير امعاك *** لو تعرف قدرك يا عزيز ما تلومني

غيات عقبهن ياسات ... ما اهناك شي علايل كيفهن

امفيت وانا غارق في النوم حرام انكان انسيتك يوم

مداعيات عالوهام .. دليلي وعيني وخاطري

انقيم من يقيم غلاى ... وانهون من سبقنى بسيته

غنوك ناس مايسووك .. اعشمت فيك ياصاحب الغلا

مو امعطي فيك طريق *** طرو قديم ياعين في علل

قلتيلي جديد ودرت ///خنتيني وبكيتي عالقدم

تحسابني الا بريان ... يا صاحب الدوا غافل علي

لا اسكتت لا خذتلي راي.. لا قالت اللي في عقلها

امعاك ياخـلا ليدين ... جوبة عــزيز دونه جاية

لو كان الغنا راس مال على عزيز راك امخوجة

لها رزق عند الله العين يا علم ما ينقطع

» منوعات غناوي علم
» غناوي علم قويه
» اي فاهق وسع علي خاطرك بس
» غناوي وشتاوي ع النار
» ردود (غناوي وشتاوي)