الاربد & ابوريان ,, مش هتروشة

سلام عليكم

هذا رد الى بو ريان على وحدة من القصايد وطبعاً وصلتني مسج قبل ما توضع في الرد وكان فيها اسم واحد من ها العرب اللي ايتلصقوا في الشعر من غير ذكر اسماء ,, واستاذنته اني انطلعه في موضوع وانزيد امعاها اردود .. واللومة تنقبل من كبير وعاقل ,,

ان شالله تعجبكم

ايقول الشاعر بو ريان :-

كلام معنه......كلام ضرب فوسط الكبيده طنه

جاته بسيطه كان طارت سنه...واطيرن سبابيطه مع طربوشه

خرياط ومريض وخلك منه...بضاعه قديمه بايره مغشوشه

وخليك يالاربد تغاضى عنه......مركازه الصقر العلو فوق عشوشه

كلام سمح موش محيوله وهتروشه....كلام ضرب فوسط الجواجى نوشه

:::::::::::::::::,,,,,,,,,,,,,,,,,:::::::::::::::: ::::

رد معاه عمكم الاربد قال

كلام سمح موش محيوله وهتروشه....كلام ضرب في وسط الجواجى نوشه

كلام واثق منّه ،، قول شعر يا سامع وسن الّسنّه

شراريمهن دارن طشاش وبنّه ،، شايط امعاهن دخّنن بغبوشة

فارس قوافي تحرقه لكنّه ،، قبل ما ايعاند نارهن بتحوشه

واتي من الحدين منّه ومنّه ،، بوراس شوكة انيابها لحنوشه

كلام سمح موش محيوله وهتروشه....كلام ضرب في وسط الجواجى نوشه

ماهو دقّا ،، قديمه خبيثه وقولها املفقّا

وصاحبها املصق كلمته املصقّا ،، للياش متضبّط عمش ار موشه

اللي حاسبين الشعر كل حد طقّــا ،، وخلط و جلّط ما كتب فتروشة

رآ الشعر له تارخ ما ايتلقــا ،، لقيط القوافي لو شرآ بقروشه

ما منهم ملوك امع الشاعر بقــه ،، مايسووش جلّه في عقيرة غوشه

والشاعر احصانه شعر دون مشقّه ،، يقطع مفازة ويلهده عــ اجيوشه

كلام بالمعاني يفهمه من حقّــا ،، حاشى كريم السمع عيته وحوشه

اللي اسلطوا عــ الشعر عطب ونقّــا ،، نين كرهونّا القول وان اخشوشه

صدق على الساعدي الفاخري من حقّــا ،، ايقول كلمته للي وذيلة اغشوشه

ونا من الزمان الشعر قلت انحقّه ،، غير من بعيد ونبتعد عــ الدوشة

لكن تلصّق ناس جت اتلقّه ،، ما ارضيت غير انجيبله فتروشة

ولومة ابن القرآب جت محتقّا ،، نكبر ضروري معاه ننزل غوشه

كلام سمح موش محيوله وهتروشه....كلام ضرب في وسط الجواجى نوشه

صح اللسانك اخي الاربد وايضا اخي ابوريان

ومزيدا من الابداع والتالق

صح لسانكم وكلامك فصميم للي يستاهل ...عت عشت

تحياتي.............السامر

شن حالك خوى /عمر
أحييك على ماقدمت وانشاء الله قريبا نلتقى فى محاوره عاطفيه
نعد بها اخوتنا فى المنتدى
دام ابداعك
ابوريان

البدو كتب:: صح اللسانك اخي الاربد وايضا اخي ابوريان

ومزيدا من الابداع والتالق

الله ايسلمكبارك الله فيكتحياتي

السامر كتب:: صح لسانكم وكلامك فصميم للي يستاهل ...عت عشت

تحياتي.............السامر

مرحبا بالسامرالله ايبارك فيك ومشكور على الرد الجميلتحياتي

لك وللشاعر ابوريان كل الشكر

والتقدير على ما خطت اناملكم

وانه لشرف لنا ان تكون ضمن

اسرة بدو ليبيا ..

ونحن في في انتضار ابداعك..

زائر

صح اللسانك خوى الاربد

زائر

لك باقه ورد من

[ندعوك للتسجيل في المنتدى أو التعريف بنفسك لمعاينة هذه الصورة]

مشكور اخي

زائر

وين جديدك
يا شاعرنا

» كونه ضاع ضاع...ابوريان
» قصة نسرين...ابوريان
» ليش بكيت؟؟؟؟ ابوريان
» نبيها منك...ابوريان
» العاصفه.....ابوريان