غناوي علم بين الغناي بوعزيزه والغناي التركاوي

ابراهيم بوعزيزه:
الكاينه عطانى عهد ........ماجا قديم على قالها
رد التركاوى:
ايدونك عزيز اهلبك.......... ارعى بداك ياما قلتلك
بوعزيزه:
اللى بدرو بالنقص......نبقوا انعولو فغيرهم
رد التركاوى:
حال غايتى ننساه .....قديم غير مو هين على
رد بوعزيزه:
قديم خير منك بيش.......بعد جفاك ديري دوته
التركاوى مصر على رأيه:
مى ساهله انى نجفاه.........عزيز لجل عشره بينا
رد بوعزيزه رد قوى جدا:
عشرت اسنين كان قديم .........لوكان عدها ماسيبك
بس كان لتركاوى راى اخر:
عقاله اللى لطوه.......كلى عزيز موصاحب جفا
الرد من بوعزيزه كان :
عالعاقله رميت النقص.......عليك عذر مشنون جبتلى
رد التركاوى:
عقاله اسباب خراب ........لوكان اتعلم هاذى الصادقه
رد بوعزيزه (فى الصميم)
عقال والقديم جفاك....... من غادى اوهو موانسلهم
رد التركاوى:
مجبور جبر واخذ راى........ويش فيده قديم ايديرها
بوعزيزه:
اشقيت فالغلا عامات.........داروبه الله غالب اخرب
التركاوى.
نداوابهم يا قسم ........... حتى حلم لولاف جيبلي
بوعزيزه:
الى مادنا فالوقظ.......قديم حلم ماهو سادنى

مشكور مديرنا على الغناوات الحلوة

سلم ايدياتك

مشكور يا البدو علي هذي المحادثة الحلوة ويسعدني إني انشارك معاك ونضيف محادثة أخري بين إبراهيم بوعزيزه و مرعي بو فرنه :
إبراهيم بوعزيزه
" أمغير لجل ماضي فات ... عظار لولي قابلينهن "

مرعي بو فرنه
" لعزاز ما القيت عظار ... نمشيبهن ابهن نين ننستر "

ابراهيم بوعزيزه
" ما جينا على الاولاف ... امعهم قاله وقتنا "

مرعى بوفرنه
" انجي انطيح بين ايديك ... نين نخذ سموحي من الغني "

ابراهيم بوعزيزه
" رجوني او طال رجي ... اعزاز ذنبهم فى رقبتي "

مرعي بوفرنه
" وايديع عاقبات وره ... جاكم العقل و الراي عندكم "

ابراهيم بوعزيزه
" امنين ما انشيل انظري ... نلقهم اقدم مالكيني "

مرعي بوفرنه
" عزيز ما عليه انهون ... ازعله غير وقت او يخذا "

ابراهيم بوعزيزه
" غلا اعزاز كيف الروح ... ان هانت ايهونو كيفا "

منووور خوي البدو على فتحة المنقل بين الغناية لكبار وبالذات بوعزيزة

تحياتي ,,,,,, الولهان

السلام عليكم ورحمة الله بصراحة الموضع عجبني نقل متميز الصراحه وفيه توفاية كيل بس اللي نبي انوضحه انه بوعزيزه فى كل مرة نسمعله يقعد صاحب عيب فالغناوه سوى مع حميد والا امعا عقيله والا مع الميراد والا مع مرعي والا مع بوحسين التركاوي والا مع على طاهر والا مع الابزاري هذين كلهن حضرهن وبصراحة يعيب واجد ابراهيم وهذي مقتطف بسيط بين بوعزيزه ومفتاح الميراد :
ابراهيم :
عديلها وديري يوم ## اتقابل انهي دار الاقدم ..
الميراد :
انجيها بلا توصيف ## الدار وين نبقى انريدها ..
ابراهيم :
وصاهم اللي يلاه ## العقل دفنته في أديارهم ..
الميراد :
اعزازك انكان احذاك ## خلو اوهام موتي بينهن ..
ابراهيم :
اوهامهم اللي اهلبوك ## يجيك يوم ســ تموت بينهن ..
الميراد :
حصلت من رجيت اعزاز ## غفرت اوهام هذا مكسبك ..
ابراهيم :
غافر اوهام قبلي راك ## ماتلومني انت زاد قرعتك ..
الميراد :
انكان غفرتك الاوهام ## عمرك اتزيد خلك بينهن ..
ابراهيم :
ينقالك غفير اديار ## اللي نسمعوا فيه ع النبأ ..
الميراد :
فــ الدار ماطريق اتعطي ## توا اتقول قالوا للقدم ..
ابراهيم :
الكاينة بلا الاولاف ## خايف عليك فــ الدار ميتك ..
الميراد :
انكالي ايام انعيش ## حتى كان داره اقريبة ..
ابراهيم :
ماتريد تقتلك شي دار ## الموت فيد مولي بجرته ..
الميراد :
المولى خلك واجد ## اخلقك غير ماقالك ابكي ..
ابراهيم :
ماتجيب علم باكي قبل ## فى دارهم اللي بادي عكس ..
اشمالنا ومال الدار ## رحلانا عقاير نلغبوا ..
الميراد :
فى الليل السراب يبان ## ولا انسيت الاولاف دارهم ..
ابراهيم :
بعد مشيت شور ادفوف ## بحمولك عقبتي لاوره ..
الميراد :
رحلانك على الاوهام ## لحقينهن اسع يعاودن ..
ابراهيم :
موكيفك وخم الاوهام ## مسمح منازلي راه الاعلا ..
هيالي غقيلة درت ## على سراب الارواض ريتن ..
الميراد :
بعد امحالية واللغبي ## تلقي اجداب توا تقدعي ..
ابراهيم :
مانظرة شي مرباع ## انظري فيك ديمة فى الوخم ..
تباعد وراي اعقبة ## ورا رحيل بحمول باركه ..
الميراد :
رحيلك عليه الخوف ## ردي اردود قدامك وعر ..
ابراهيم :
اوصلة في عقيرة صوب ## يالدالعه انتي وين راقدة ..
الميراد :
رحيلك اسع يبات ## هتايه موته م العطش ..
ابراهيم :
ورينه كذا شي بير ## فى حومتك عليه انعطنوا ..
الميراد :
من طول الجفا ع الحال ## قلنالك اسع تعاودي ..
ابراهيم :
ع العودة إنكان إعبيت ## انقيطن علي بير عندكم ..
الميراد :
العودة علينه ليش ## بدري احذاي وانتي تلغبيى ..
ابراهيم :
سقيت اللي عطشان ## رحيلي انسوقه شوركم .

» غناوي الغناي مرعي بوفرنه
» الغناي فتحي محمد ادريس
» غناوي علم علي الغياب
» غناوي علم
» غناوي علم ...