القديم(غناوه==شتاوة)

تذكير بمساهمة فاتح الموضوع :

القديم

العقل مالكه القديم¤عقار ماعطا غيره لحد.

العقل مالكه القديم .. مكان لجدد ما عاد عندنا..

دنالها القديم أقرمي النار وين قلنا همدت .

سيات القديم أحجاب العقل ما أبري نين شالهن..

عالدار و عالقديم اوناأجرك كبير ياباكيلنا..

نطريك ياقديم انخاف يملص العقل ياما ايجبلي..

احصل العقل عندا قديم.واحصل قديم فيدين غيرنا ..

امفيت يا قديم معاك .. ما عاد أنظاري نشـيلهن..

مسكون م الغلا القديم نبرى بعلم ونحوس م الجفا..

فى اخناقى العين امسكت تقوللى قديمين وينهم..

انسوقر دنا القديم الله الله لولا عازتي ...


تراكح شبوب الياس كمل عليك يا نار القدم ..

نسريله ونا ممطور شكيع برق في غيم القدم ..

العين رايده الجديد امغير مكر فى عيت القدم..

كان كل يوم اندير جديد .. كيف الأقدام ما اجو..

أيام الغلا القديم .. ما عاد يا مراهين يقدعن..

امتى عمرنا ياعين .. خفينا وماجونا اقدم..

تعقيد وجديل وفتل العين في قديمين حاصله..

ورا قديم ضاع اضياع العمري ياللي في تنشدو..

نردم النار نين اتغبا يخطر قديم يسفاها علي ..

النوم والهنا والعزم عزيز ما مشا نين شالهن ..

عليك حلم بيه احلمت ايقول حلم دنواهم اقدم ..

عليك حلم جاب قديم تفسيره انموت وما اقسم ..

ايا العين ما امغير العقل غيبت قديم ياما غيبت ..

عماني غلا القديم جديد بيش عيني تنظره ..

اتحوس في مكان الشيل واتقول وين عدو بالقدم ..

قديم كي نويت جديد عيط وراي ممشاي قصره..

يسارب قريب ايضيع العمر بين لوهام والقدم ..

قديم قال ما انخطاك انجاك نوم راني جايك ..

احصل العقل عند قديم واحصل قديم في دين غيرنا ..

قديم يا النوم اقسمك شواك وانت من غادي اشوي..

الكبد في رحا حطيت يطحن جديد وهاجوه القدم ..

علي صوب ناس اجدادندرا العقل ويجيب القدم ..

حتى والجديد احذاي خربت وين هفولي اقدم ..

حتى والجديد اطعمه يحكي العقل ما زال ع القدم ..

العقل شاغله ما زال سريب صوب ديوان القدم ..

بكت عليه قبل ايصير خطا قديم عيني واحيا ..

خايف اندير جديـــــــــــــــــــد يفضالي قديم وننقهر ..

ملذوع من قديم انخاف انغالي جديد منا نلتذع ..

ايجيب ما ايجيب القسم واخذ اقدم ما ايجيب كيفهم ..

اا لغيرى قديم الصوب لقسام دودشنه دودشه ..

اوهام اوقديم اوفقد يسكت عليش عقلي مالقى..

حالف ماندير جديد علي قديم كبدى ذايبه .

اشربت خمر نين ارويت يخطر قديم ونقول ناقصه ..

جديد قبل فيه علــــــــــــــــقت قاتل أوصاف م القدم ..

نسرق انضري شور قديم نلقا انضره شوري سارقه ..

ولكم مني جزيل الشكر

اتمنى مشاركة الاعضاء الكرام ..[/center]

كيف وليش وصارت امتى .. خان قديم ونا ما خنته

لوكان لازمة القديم يبرم عليك يوم ايساولك

صعيبة ننسه ناس اقدم
غلاهم متخلط بالدم