غناوي علم ع المرهونين

الخـاطر خلوه مراهيــن ... حطب يابس بين كوانين

حتــي كان خذتني ميته ... للمرهون انجي عفريته

للمرهون ايش امشيكن ... لوماراى عطيب عليكن

فى بوخة لفجــار ادعــنا ... ع المرهون اللى كـدانا

يامرهون قطعت الــــوانا ... نمشو ملتفتيــــن ورانا

نارك يامرهـــون قــــوية ... نردمها وترد عـــــــــليا

غيـــات المرهـــون رزنك ... ماتشقي بالفاضي كنك

يا مرهون عليك ادعانــــا ... نين ايشلوك اجبانـــــــا

المرهون اتريد التـــــوبة ... لكن شيرتا مذهــــــوبه

يا مرهون ابرم داويهــــن ... راك مطاويح امخليــهن

يامرهون ابرم ساولنـــى ... يانبرابك يا تقتلــــــــنى

مرهونين نهار خطاهم ... مابكانى غير ابكاهم

مرهونين مشو قدامى ....... زمطها او نقول قسامى

يوم خطا مرهون بكينا .....سبحان اللى ما انعمينا

اللى جلو نومك يا عين ...... غوالى لكن مرهونين

يا مرهون اتباقر فينا ... طالق نار خمود عليــــــــنا

ابها بكل يا امراهيـن ... افظيتو و ارظيتو على العين

تذويحك او مباتك بره ....... كله من المرهون او جره

يقطع يا عيني راياتك ... رهنتي ع المرهون حياتك

يقطع راياتك منظلّه ... ريتيه المرهون تخلّى

لا رقت لا نمت اليل .. . مرهون دفرني بالحيل

مشطب ع المرهون خلاص ... نقص قدري قدام الناس

يا مرهون عطابة راي ... وفينالك وتخون كفاي

يا مرهون اسباب مرضنا ... جران او مانه البعظنه

مرهون او صاعب تطليعة ...... حاصل بين اكراد او شيعة

ناس مراهين اخلى مقعدهم ... هد أهدود اللى باعدهم

حتى و الكفان ايخيط ... فى جرت مرهون انعيط