غناوي وشتاوي ع المرهون

تذكير بمساهمة فاتح الموضوع :

الموضوع : غناوي وشتاوي ع المرهون :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

--------------------------------------------------------------------------------

وبالطبع الموضوع ليكم وبيكم يرتقي .... وان شاء الله ينال اعجابكم وفي انتظار مشاركاتكم واضافاتكم ...

لكم مني كل الود والاحترام

الولهان ...

مرهون مافضي ياعين --- تبكيلي علي من عابية


ارهن وقالى نرجاك .... حجايج عزيز ايدوخن

نار المرهون المدسوسا .. تسطر كيف سطير السوسا

"عالمرهون نويت انازع..جيت بطياراتي فازع"
"شالت فيك العين نظرها..يامرهون اجبر خاطرها"
"يامرهون النوم خذيته..ايش اللي ليا خليته"
"بالك يامرهون ظليمه..واخذ قطعة قلبي ديمه"
"واحشني والله يامرهون..في بعدك موتي مضمون"
"امدره كبدي يامرهون..نين علي اقريب اتهون"
"حتي كان خذتني ميته..للمرهون انجي عفريته"
"عزيز انسينادار عويل..يكبر ويدودش ويشيل"

يامرهون عطينى حقى ،،، ومسامح فاللى متبقى

ذهبتى شريتنا ببكاك ... على غالى ماهو يالاك

يا مرهون خذوني منك *** ساكت ما تتكلمشي كنك

ننهاء العين ع المرهون .... اتقول فى ضلالى
خلنى

مرهون ظالمك ياعقل ... ملاك ابسوايا وعاتبك

وين
مراهين يلاقونى *** كيف المستوه ايخلونى

شهاده من دكتور اعيون *** انك عاميهن يامرهون

مرهون ايعزى فى هلها *** ناضت من تحت امغسلها

مراهين يا مرهون ... واطى انظرك فى ملاقاتنا

افطنت لروحى هانا دون .... انى متعوز فى مرهون

عركه عالمرهون انجيها---كي نكسب كي نخسر فيها-- الولهان ماشالله عليك

نبرم بنار نلقى نار *** مرهون ماعطانى فضوتى

مالمرهون نجا مو باين..... نبرا يوم ويوم نعاين ......

شكيت له شكي هو زاد........مرهون م الغلا قال قيلني.

درته مرهون وما نحسابه==ايهون غلاي ايسكر بابه

اتحير أوضاع عزيز.........مرجوج بين مرهون وفضي.

يا مرهون احسابك عندي .. نبقالك كي شوكة هندي

ديما في المرهون انرضي غير عطيب عرفته حظي

يا مرهون انك شاغلني
غير انك تقسم ما ظني

مرهون وقاعد قدامي==شال اعيونه شل اعظامي

طرو مرهون ونا غلبان *** التفتوا لقيونى بريان

» غناوي علم قويه
» اي فاهق وسع علي خاطرك بس
» غناوي وشتاوي ع الكبد
» غناوي علم وشتاوي علي العقل
» غناوي وشتاوي عالسر