غناوي وشتاوي ع المرهون

تذكير بمساهمة فاتح الموضوع :

الموضوع : غناوي وشتاوي ع المرهون :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

--------------------------------------------------------------------------------

وبالطبع الموضوع ليكم وبيكم يرتقي .... وان شاء الله ينال اعجابكم وفي انتظار مشاركاتكم واضافاتكم ...

لكم مني كل الود والاحترام

الولهان ...

العين وين قالت تاب **** مرهون دار به نين نقضه

طبيبي بقا مرهون*** او يا دا العقل نشكيبك لمن

ننشد فيك علي حالاتك **مرهون مطول عازاتك

اللي انقول فيه اغرضي *** نستوبر عليه اويرتهن[b]

عديته عليه زكاة ... مرهون ما بدين نطالبه

مرهونين اسماهم فيهم *** واخرى ياعين اتريديهم

العقل لاطشه مرهون مستوه ليل لانام لا بكي

اخر الليل مرهونين خلوني بلا نوم وسوسوا

تنال اجر يامرهون من عيني ان داويت جرحا

مرهونين منامي زارو طرت وطار النوم وطارو

ايجيك وقت يامرهون تعتازلي ونا ما نعوزلك

لهم زمان موش اليوم شايلينه مراهين ذنبنا

مرهون غيبته عالدار * اوعر منيش غير نا احملتا

من يوم ابقى مرهون *** رجاك فيه ياعين انقطع

العين من غلا مرهون *** تذوح ما دباره لاقيه

لقيوا العقل طمعوا فيه ** صبار المراهين للخطا

جاحد غلا مرهون :::::::::: من خوف ناس فينا يشمتو

حَبل المَرْهونِيْن رجاهم فِيْه بياد ومِن يالاهم

غالي علي لنظار *** حتي وانت مرهون ياعلم.

الاسباب انت يامرهون فلي صار واللي ايصيرلي

ع المرهون احنن مازالن ِِِِطالنه والا ما طالن

اللي غلاه في مرهـــــــــــــــون *** دواه صبر يا طول عازته

عينك يا مرهون قوي:::: تمشي سية واتجي سية

مرهون بدينه قاهرني **** لا خلصني لا ناكرني عععع

ديني عالمرهون امسيب ... ما عاد ينفع فيت الطيب

خطــــــــاْ مادرتن يالعيون.*** امغير ابكاكن ع المرهــــــــــــون

يامرهون العين غضيبه *** كي ننسا مدعاك اتجيبه

مرهون في طرف لخرين مغير شوق ما تذوق الغلا

نا فاضى اندور فى فاضى ما مرهون يرق اغراضى

عليك ظلم يا مرهون نبكي عليك ديما تريدني

» غناوي علم قويه
» اي فاهق وسع علي خاطرك بس
» غناوي وشتاوي ع الكبد
» غناوي علم وشتاوي علي العقل
» غناوي وشتاوي عالسر