للأذكياء فقط الألغاز في غناوة العلم

اسما عزيز وين اتجيه @ من هنا وهنك تلقطا ؟؟؟؟
اسما عزيز فيه شركة @ متقاسمين مال بينهم ؟؟؟؟
اسما عزيز بين الناس @ منبوت في خلا كارهينا؟؟؟؟

المطلوب معرفة اسم المرءة في كل غناوة ؟؟؟؟؟
اتمني مشاركتكم
وانشالله الموضوع ينال اعجابكم

مشكورة زيزو ع الموضوع الحلو بس ان شاء الله نكون حليتا صح
اسما عزيز وين اتجيه @ من هنا وهنك تلقطا
أعتقد هبه
اسما عزيز فيه شركة @ متقاسمين مال بينهم
أعتقد ربح
اسما عزيز بين الناس @ منبوت في خلا كارهينا
أعتقد أزهيرة أو زهرة
بارك الله فيك

منورة يا ابنة الصحراء والراوبي واجابتك كلها صح
وننتضر مشاركتك في البقية ؟؟؟؟؟

حلال وحرام وذنب @ اسما عزيز من بينهن ايجي ؟؟؟؟
حرام وحلال وعيب .....اسما عزيز يانسينا؟؟؟؟
اسما عزيز هاك وهيت @ عالغافل مشت ما حقها ؟؟؟؟
اسم عزيز ناقص حرف ......مبدائه لام والواو فى فضاء؟؟؟؟؟
اللي هلبت كيف تجيك @ اسما عزيز والتاء فأولة ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في انتظار ردودكم

...كانت الغناوات
....حلال وحرام وذنب @ اسما عزيز من بينهن ايجي ؟؟؟؟ زينة
....حرام وحلال وعيب .....اسما عزيز يانسينا؟؟؟؟ شهاوي
...اسما عزيز هاك وهيت @ عالغافل مشت ما حقها ؟؟؟؟ دنيا
ونتمنى منكم المحاولة في البقية :

...اسم عزيز ناقص حرف ......مبدائه لام والواو فى فضاء؟؟؟؟؟
...اللي هلبت كيف تجيك @ اسما عزيز والتاء فأولة ؟؟؟

والله الموضوع خطير بس العلمات فيهن غموض والحلوة في الخمسة الاخيرات جاوبتي الثلاث الساهلات وخليتي الاثنين الصاعبات ...
المهم عندي محاولة فيهن ::

اسم عزيز ناقص حرف *** مبدائه لام والواو فى فضاء (لولوا)

اللي هلبت كيف تجيك *** اسما عزيز والتاء فأولة (تركيَة او تهاني)

وان شاء الله انكون في المستوى....

تقبلي مروري واضافتي زيزو2000 ..... الولهان :shock:

...مشكور يا الولهان علي المحاولة بس مازال موصلتش للحل انحل انا وحدة وفكر في لخرة شويا
اللي هلبت كيف تجيك *** اسما عزيز والتاء فأولة
اسم المرأة هو( تعويضة)
..فكروا في لخرة وننتظروا في مشاركاتكم ..
.. تحياتي

...مشكور يا الولهان علي المحاولة بس مازال موصلتش للحل انحل انا وحدة وفكر في لخرة شويا
اللي هلبت كيف تجيك *** اسما عزيز والتاء فأولة
اسم المرأة هو( تعويضة)
..فكروا في لخرة وننتظروا في مشاركاتكم ..
.. تحياتي

انا عن نفسي لم أعرف الاجابة بس حبيت أنضيف لغز من عندي

يجي في الموسم يومين ... أسماه عيد والتاء زايده

نأسف للغلط المطبعي ..ههههههههههههه

يجي في الموسم يومين ... أسماه عزيز والتاء زايده

....مشكور ياالفنكوش علي الاضافةو المشاركة
...عموما لو كنت تسأل عن الحل
..هو عيدة .
.. مع انك جوبتها ههههههههههه
..تحياتي

اوه كيف صار يازيزو الحلول مش هيا .. مع انها الغناوة ممكن يكون عندها اكثر من حل ؟؟؟؟

تحياتي .....

. لا يا الولهان الغناوة عندها حل واحد
..الغناوة كانت
..اللي هلبت كيف تجيك *** اسما عزيز والتاء فأولة
..معنى الاسم في الغناوة يدل علي شي فايت وانت تريد ترجيعة اي تعويضة وبعدين حدد الغناي بداية الاسم بحرف بالتاء
وانا سعيدة بمشاركتك
تحياتي

عدنا مع لغز جديد هيا هيا

اسماء عزيز كيف الروح ... يهون كل شي فيه فيت هلي

ممكن فيه اكثر من اسم تعويضة يأدي المعنى بس المهم يكون اسم .. ماتوقعت فيه اسم تعويضة

تحياتي ..

...حلوة المشاركة يا الفنكوش
..ممكن الاسم يكون( غالية )
تحياتي

....وتوا عندنا لغز جديد والمطلوب فيه معرفة اسم المراءة المخبأ في الغناوة وهي :
....اسماء عزيز من بيهن ايجي.....ودود واده وداد .
...ننتظروا في الشاطرين
..زيزو

:cheers:

اسماء عزيز كيف الروح ... يهون كل شي فيه فيت هلي
الحل هو غالية \
ولكم منى هذا اللغز :
متهوم به صاحب عزم * اسماك يالى ياسك احتم :04:

شكرا يازيزو على هذه الالغاز وحل هذا اللغز :؛ وداد ولكى منى هذا اللغز :
حرام وحلال وذنب * اسما عزيز ياجاهلينا

لحل هو شهاوي

اللغز

هذاك هو اسما عزيز ....شفق في رقط داير هلل

شكرا لك سنار ليبيا حل اللغز هو حواء[b]

ألف شكر ليك على الموضوع الشيق..

ونقولك :

اسماء عزيز عنده وقت....ايصيف فيه واوقات ينعرف

الجواب ( ربيعة )

طليب من الي جلوه ...... اسما عزيز يا عارف اعرف

اسما عزيز سابق قلت ..... اجمع افلان وافلان تعرفه

(( سقاوة )) (( أسماء ))

......بــــــــــــــــــــــــــــــــــــــواربش ...
...سنــــــــــــــــــــــــــــــــــــــــار ليبيا ...
..بنت الاجــــــــــــــــــــــــــــــــــــــواد ....
..مشكورين علي مروركم ومنكم المزيد
..زيزو

» ماهو العلم ..أو غناوة العلم؟
» شنو.........غناوة العلم ؟
» المستحيل في غناوة العلم
» دور غناوة العلم فى حركة الجهاد
» أغانٍ ومعانٍ -( قراءة في غناوة العلم )