جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

وليفه

حرام يا العزيز عليك سمار وانت في ليلك هني

ناس راقدين رقود وانا وحدى فى ناااار الغلا

لا ترقد والنوم شهاتا ... عندي عين بعد غالاتا

أشقى بحالنا ياعين الا قديم داره باعدت

وين النوم ووين اولافي ... يا طول اسموري واريافي

أمقسم روحى عالولاف الصبح غلا والليل ارياااااااف

من لولاف ضليمة جتني
حتي وانا راقد بكتني

النوم ان جاني ما نبيه ... بلا الاولاف امسامح فيه

ارحم بيك ياعين خلاص .........انريد انغفي كيف الناس

حرام ما اوساد هويت.........هفو خذيت ليلي امبارمة

انجاء منام ماهم فية ***تقفز تقولى وينهم

ما طاح في غلا بكاه ... يا عوينه اللي النوم جايه

ايش بينك وبين الليل==مايجيك نين تنهالي علي

لهموم النهار نقول..........ايجيكن الليل وتنظرن.

نرجي في النوم وما ريته .......من كثر التكبيد نسيته

الفراش والغطا ووساد..................م الريبة مواقيف دونهن.

اتقول تقهرو في العين ... تنساكم اتجو في نومها

لذيذ ياقديم النوم ........... منه اوعيت بخطورك علي

زائر

بخطورك علي اوعيت.....قطعت لذيذ نومي يا غني .......الحقوق محفوظة

اتقول خلقهم ربى توم ... ان غاب عزيز ايغيب النوم

قديم امخليني لليوم.........اتقول ضراير نا و النوم

خطروا اولاف تالي الليل **العين يا علم طار نومها

ما ايريدش اجيكن نوم ... والعقل فيه وسواس ملقدم

ايمتا عمرا عدا يوم *** او ما جانا طيار النوم

الشكر الى كل من نور صفحاتى بتواجده ومشكوريين على تواصلكم الجميل

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم