جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

أمتي امغير طلنا نوم...........بعد اعزاز نين يجيبهم.

مشكورررررره

رقد الليل خاف ايجوه..ونسا نهار فيه ايقابلو

ايجينا بلا تهواي ايام قبل نومي ونومكم

عدا عزيز يا بال انت ... حامل بلاك يا نوم خاطري

لوكان غير جاني نوم........بعد عزيز راني احملتبا

لا جاه نوم لا عاد جوه ... خدا الليل كله سوتها

سيف الدين كتب:: أمتي امغير طلنا نوم...........بعد اعزاز نين يجيبهم.

حلامة اتجيب عزيز==تريد نوم والنوم وين هو

النوم ياعزيز بعدك==نسمع بيه ماني طايله

ع النوم تلحقي ياعين ........... ابكي ع الغلا هي لووله

ديما يا العزيز سريبك .. قبل النوم العين اتجيبك

البزاري كتب:: ع النوم تلحقي ياعين ........... ابكي ع الغلا هي لووله

الليل يالعين طويل==بعد بكاك ياما ترقدي

خطر عزيز تالي الليل
العين يا علم طار نومها

فضيلة كتب:

البزاري كتب:: ع النوم تلحقي ياعين ........... ابكي ع الغلا هي لووله

الليل يالعين طويل==بعد بكاك ياما ترقدي

اقصرت في نصيب النوم ............... واتريد طول ليلي للبكا

من الليل ما ايجيبو علم==ياعوين هل النوم بنومهم

الناس هاديه ورقود ..... ونا وحدى فى نار الغلا

من غادى خفيف النوم يا بال يا غوالى تخطروا

ناخذ الليل تصنيت........نسمع صوت بكاي نعمدة

فى الدوج والخلا والنوم يخطر عزيز ناوين نلتجى

حلامة اتجيب عزيز......اتريد نوم والنوم منقطع

ازعمه وين نومك جاااااك نخطر عليك يا خاطر عليا

تمددي وارقدي كري غطاك ,,,,الغالي كان يريدك جاك

خوذي عندك يا سوما
غمضت قلت جاهن نوم ........تهايو خذيت ليلي ابكاء

الهذب كى أيجى عالهذب ما لبخت يا غوالى تخطروا

وانت خود عندكنعم
نعم

ان جاء الليل جوني فيه...........نسمر اسمور في شان القدم

عند عين ما نامت الليل وليقه قهر شيالت عنا

شريده دوم تنوى على الرحيل أتلف أتلف وتعاود ابكا

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم