جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

نكرب اغطاي ناوي نوم *****يخطر عزيز هاناك نعزقه

قبل اطمعنا في تغفايا ... طارت وين عزيز تهايا

أتقول ف الغطاء مكتوب *** زوله خطر ساعات نومهن

يكمل اخطور وامهاياه *** له اسنين نومى مو سوى

يادوبك ايجيهن نوم يخطر عزيز والليل يجبرن

وتيله الليل ادموع *** الا النوم عدوبه اقدم

حلال نصلبك ياليل ......... تستيه خوف لانوم لابكا

اعزاز سابقين الجفن--برم النوم ف العين ما غفت

لو نضمن في النوم اتجوني--- راقد من المغرب تلقوني--

لوكان لاقيا هواي ........... ترقد الليل عيني ما بكت

علينا حرم طارى النوم *** اللى لا هاين لامقسوم

علي يخطرو لولاف ........... نضايق ونومي انودره

سبحان كي جاها النوم ****ابفقدت اعزاز عيني غمضت

ايجيب في بعيد قريب ** لنا الليل ما غيره عدو

من كثرياليل اتجيب **** عزيز العدو دايرينك.... البدو

غايب معاهم نوم ...........ايجو منام
ويجو مخايله

ان فيه يا القديم برمت النوم عند عيني ما اسمحه
مطاول بعد لولاف فجرك بعيد يا ليل خاطري

منام يا العين اوقضت ............ لومينك انك يالا اقدم

لا نرقد لا نوم يجيني**وين تخطر يا عزيز عيني

غفيت بيك نلهي فيك$$ان جو منام ايش نديرلك

با العاني انجيب الجفن ........... للجفن ياغني بيش ننظرك

ااستحركت القسوه في الايد
عرفتك يالهواي جديد

ماحتى عالنوم انعدل ............ يا بال الهواي تبدل

البزاري كتب:: ماحتى عالنوم انعدل ............ يا بال الهواي تبدل

[ندعوك للتسجيل في المنتدى أو التعريف بنفسك لمعاينة هذه الصورة]

لو كان الهواي القيتي .. راكي يا عيني غفيتي

لوكان ايهوو الغوالي ............ نرقد ما نوعا في والي ................ طازا

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم