جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

العقل في غطاط النوم ** يقفز ايقول ياغايبي

الليل ناخذة تصنيت انريد صوت بكاي نعمدة

مشكورييييييييييين على هذه الغناوى الرائعة

اتقول في العطاء مرسوم يلفى عزيز ساعات نومها

ياللي في نومك متهني *** دونك للنيران كلني

عزيز خذاهن هن لثنين الصبر وحتى نوم العين

النوم الهني والعقل قديم ما مشى نين شالهن

النوم ياعزيز بلاك ... نسمع بيه مانى طايله

ورواالعقل هي كيف ايش .... اطعمته النوم يا ذايقينها

غاب عزيز اتجينا بالك رانا يانوم اعتزنالك

كذاب يا منام الليل اتجيب في ناس طال ياسهم

ديما يا العزيز سريبك .. قبل النوم العين اتجيبك

وين أيهف عزيز عليهن .. كيف ايريد النوم ايجيهن

كيف اندير كذا وريني ..وقت النوم عزيز ايجيني

متخايله منام قديم .. لها ايام م النوم خايفه

العين أتراجي فيه منام .. عزيز اللي مافيه أقسام

كي نرقد في الليل دقيقه ... تخطر يا يوم التفريقه

النوم ولعزاز ابعاد *** خطا كبير يالعين دايرة

ما ايريدش اجيكن نوم ... والعقل فيه وسواس ملقدم

للنوم انخلقت يا ليل .....بلا عزيز درناك للبكا

تهايولها واسمرت... العين وين ما لاج نومها

النوم فى غياب عزيز *** تقطيع ماخذيت فيه غايتى

عابى على هواى العين القيتا مطنن تطنين

تغطا وارقد يا هواى عليش انقطمر فيك امعاى

مشكورين ع الموضوع الجديد

الجفن وين جا عالجفن ............... خطر عزيز وازا بينهن

اختارو غويط النوم .................. واخطرو فيه قلالت الهنا

العين قبل جاها نوم ................ خطر عزيز وعاها بكت

نضايق انكان اوعيت .............والنوم م المنامات كارهه

انظاري اشداد العزم ... ايجي الليل ويحوسن علي

ناس عزاز منامي زاروا**نضت وطار النوم وطاروا

ايحوشن علي لهموم ... امعاه الليل ما انريده ايجى

عدوان يا العين النوم ................ تحايا تعالي نسمرو

زائر

لوكان غير جاني نوم ... بعد عزيز راني احلمتبا

منام يا العين اخطرو ............ ويا ضوايقي وين توقضي

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم