جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

غفيتى عليك اخطرو خلط النوم ياعين عالبكا

بينك وبين النوم && قاعد عزيز مايريدلك هنـــــــــــــــــــــاء

زائر

وين ايهف عزيز عليهن...كيف ايريد النوم ايجيهن

يجيك يالعين منام بعد عزيز مانى مصدقه

سريبى نا والليل طويل *** الغفوه تمت فيه قليل

منوريييييييييييييين الموضوع بمشاركاتكم

غفيت ما نريد اعزاز ... اوعيت جرتى باكيلـهم

للرايق الليل اطعمة ... وللحايس مرض ما له دوا

امغير علبكا خلوه ... لا يريد نوم ولا اموالف
هنا

العقل والزها والنوم ... قرعة عزيز والنار قرعتِ

متخايله منام قديم .. لها ايام م النوم خايفه

زائر

وين ما ليل ايجين يخطر ازويلك [ندعوك للتسجيل في المنتدى أو التعريف بنفسك لمعاينة هذه الصورة] يالعزيز عليهن ويطير نومهن

ارقد واطامن يالقديم== علي غيرك مالي تخميم

العقل قال راني دخت .. الفجر جاك ياعين غمضي..

خلّيه يالعين النوم ... للرايق اللي مو كيفنا

لانوم لا هنا لا عزم ... بلا عزيز غايبات كلهن

تدعيس ما عليه أطعمه ... خلوني اللي غابو علي

ما صدت غايتي في نوم ... كله منا مهايات غايبي

جروح طاردات النوم .. إن جا النوم قدامي يجن

انعدو فــــــــــي ساعات الليل ...بعدهم نلقوا فيـــــــــه طويل

عندي عين النوم جفاها ... من يوم الغالي خلاها

ما عاد منامي جايبلي ... كان عزيز الي طاربلي

امغير علبكا خلوه ... لا يريد نوم ولا اموالف هنا

يا نوم انريدوك اتجيبه...غبت امعاه طويل الغيبه

عدا عزيز يابال انت .... حامل بلاك يانوم خاطرى

تكمل ياليل ونا واعي...نجبد فيك سريب اوجاعي

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم