جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

داير بيك منام عدوك **** كلا نومك ياخد سوك

غفيت ما نريد اعزاز ... اوعيت جرتى باكيلـهم

نادم عالنوم للي جاني *** جاب جميع للي بكاني

النوم ان جانى ما نبيه ... بلا لولاف امسامح فيه

نو عابك وبيك انحلم تميتلي مرض يا غايتي

متخايله منام قديم *** لها ايام من النوم خايفه

ما زالت تقول منام ... فقدت عزيز عيني امكذبه

جابهم وراح النوم ... منام العدو يا الحايسه

فسارة منام القعل..... خافوا علي قالو هترسه

نضايق ان كان اوعيت ... و النوم من المنامات كارها

عيني وين الغفوه طالت ******هف قديم غطاها شالت

حلمت منام جابك فيه....لذيذ ما تمنيته كمل

تحية ود ... بنت الجبل الاخضر

للرايق الليل اطعمة ... وللحايس مرض ما له دوا

بلا جميلتك ريناك جابك منام يا غايب علي

... اهموم طاردات النوم *** ان جا النوم قدامه ايجن ...

مفيت في ذراك يغفن *** لنظار يا علم طار نومهن

امرايف قليل هناه ... يسمر عزيز كيفا كيفنا

خفيف نوم نا من قبل.... والفاهق العقابي طيره

جيتو منام ما صدقت من خوفي نوعا تبعدواا

نادم على النوم اللي جاني

خطر كل اللي بكاني

كفيت يابعيد الدار *** علينا وشويت نومنا

لا نوم ولاهنا ولا عزم *** امعاه عزيز غايبات كلهن

وين ماعلى خطروا ----النوم طار من عينى جلا

... نرقد طول العمر *** لو كان يامنام اتجيبهم ...

... عجزت كلماتى عن وصفكم وعن التعبير بالشكر لكم على تواصلكم وتميزكم الاكثر من رائع فما على
الا ان اقدم لكم كل الشكر والثناء وانتم تستحقون اكثر من هذا ...

.. وكل عام والجميع بخير ..

قديم قال مانخطاك *** إن جاك النوم راني جايك

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم