جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

تكمل يا ليل ونا واعي ... نجبد فيك جميع اوجاعي

بين النوم وبين اغطانا ... الغالي كل منام معانا

( النوم والبكاء واليل . الهن اعزوم ما عاد عندنا )

بلا عزيز ما لك حمل ... فجرك بعيد يا اليل مطولك

مفيت في ذراك يغفن *** لنظار يا علم طار نومهن

امرايف قليل هناه ... يسمر عزيز كيفا كيفنا

النوم ياعزيز بلاك *** نسمع عليه ماني طايله

عزيزقاسمك يا نوم.. شواك وانت من غادى اشوى.

من الليل ما ايجيبو علم*** يعوين هل النوم بنومهم

غفيت بعد فضيت عزاه ...
اوعيت علي قولة نرجاه

النوم والعزيز بعيد------ ماهو حلال ياعين ترقدي

قسوة فى قسوة فى قسوة ****** قاسى عزيز لكن صاعب نسوه

جرعة فى جرعة فى جرعــــة ****** م الياسلت خدينا كرعــــــــــــــــة

غفيت بعد نوعين طــــــــــــــــــوال ****** اوعيت على على قولة مازال

غفيت ونا ناسى لقـــــــــــــــــــدم ****** اوعيت انهاتى غير بهـــــــــــــم

غفيت ونا ناوى لفـــــــــــــــــــــــراق ****** اوعيت على لوعة واشـــــــــواق

غفيت منام شغلنــــــــــــــــى ريت ****** وعيت عقاب الليل بكــــــــــــــيت

:4543:

المشاركة الاصلية بواسطة الاخت الأمل ،،

الولهان

زائر

ديما يا العزيز سريبك .. قبل النوم العين اتجيبك

زائر

وين أيهف عزيز عليهن .. كيف ايريد النوم ايجيهن

زائر

متخايله منام قديم .. لها ايام م النوم خايفه

زائر

كيف اندير كذا وريني ..وقت النوم عزيز ايجيني

‏ايجيـــها النـوم منيـــن *** العيــن الهنـا ماتعـرفه

هون يامرهون عليهن
راهن مابا النوم ايجيهن

العقل والنوم والهنا...عزيز ما مشا نين شالهن

جابهم وراح النوم ... منام العدو يا الحايسه

امغير فالمنام خطوه ... خلوه نين يوعا واخطرو

سماحت الليل منام ... وسمحت المنام يجيبهم

ان جيت جا وان غبت ... النوم غاب يا غايب علي

بلا جميلتك ريناك ... جابك منام يا صاحب الغلا

اصــحاب الغلا الــقـــديـــم ... حتى منــــام راضي بــجــيّــهم

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم