جديد غناوى علم ع النوم

تذكير بمساهمة فاتح الموضوع :

رقدتى وانت فيك اعزوم.. اللى صارت صارت فالنوم.
كفيت يابعيد الدار .. علينا وشويت نومنا.
لا نوم ولاهنا ولا عزم.. امعاه عزيز غايبات كلهن.
خلانى غلا لولاف.. غفير ليل من دون العرب.
حتى اليل عندى صبح.. مع عزيز عينى ساهره.
عزيزقاسمك يا نوم.. شواك وانت من غادى اشوى.
غيابك عليك اسبقوا .. لطوا عليك ياعين غفوتك.
ابعد بعيد ياهواى.. خطر عزيز رانى انتعبك.

انشاالله تعجبكم مشاركتى بهذا الموضوع وننتظر منكم المشاركه والمزيد :lol!:

امغير علبكا خلوه ... لا يريد نوم ولا اموالف هنا

غلاهم بقي للعين ... خيال يا علم في نومها

بعد فراق ناس عزاز ... بقيت طويل ياليل موحشك

تهايا قديم وطرت ... اطمعت فيك يا نوم حوتني

اسحي تقربي لوساد &&& ايجيك نوم ياما ايجيبلك...!! م

تقطيع ماعليه اطعمه .... بعد قديم هضا نومنا

النوم بعدهم كنهو ا جا .... تقاطيع وعبره وبكا

لــو كــان عــادك يــا نـوم....بغايـــب اتجــي ناييــــت لــك

يادوبك ايجيهن نوم يخطر عزيز والليل يجبرن

الناس خايفة من الياس...ونا معاى نومة مضابطة

هنيه اتبات العين**** ان كان صوب لولاف كملت

لوكان غير جاني نوم ... بعد عزيز راني احلمتبا

بلا جميلتك ريناك ******** جابك منام ياغالي علي

عزق اغطاه وعيو هله ... قفز يقول جوني ريتم

لنوم ما انضوق اطعمة && انجاني ايجيني جارحي ..! م

ليل نا خدة تستيه .. بعد عزيز ما نوم جا يني

اليل هو اليل امغير && عزيز بالمهاياه طولا ..! م

نضايق انكان اوعيت ***والنوم من المنامات كارهه

العين طامعا بمنام && تنظر عزيز فيه وتنعما ..!! م

غاب قديم اتجينا بالك ...............رانا يانوم اعتزنا لك

انغفى ونحايل على الليل...........بها بكل مازل طويل

تقبل جميل لو ياليل ... اتزيد طول عن طولك اشوي

النوم بعدهم كنهو ا جا
.... تقاطيع وعبره وبكا..

يستا هل اسمو ر اليل&&**& اللي عليه العين والفت

بعدك كان جاها نوم ،،، امغير ياعلم دوخة جضر

» جديد غناوى علم وشتاوى ع الوقت
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» لغز جديد وفائز جديد ......$
» ( الصلاة خير من النوم ).؟
» فضل الوضوء قبل النوم