غناوي وشتاوي ع الدار صح الصح

تذكير بمساهمة فاتح الموضوع :

دار قديمك حول عنها *** تلقط غير علايل منها

الدنيا ماهي دار ركاح *** غلا واجد درناه وراح

العقل قالي بالعقل *** ادير عزم وديار خاليه

اجداب شين جالدار *** يبس وطاك نين شققت

دار جداب ونسها غايب *** غير عليها ماني تايب

عندي دار عربها غابو *** لا ينتسيو ولا ينجابو

ارياف داربي يادار *** عزيز فيك مو فيك جايك

فالدار كيف انريد انطول *** ونا كفيف والقايد اذهب

مشاركاتكم اكيد لها دور كبير ياشباب ما تقصروش عطوا الدار حقها

اهي دار عزيز قبالك........وفكيني من دمعك هالك

....للدار قلت وين عزيز**ردّت علي بللي قلتها(اسملاهي)

زيزو كتبت:
للدار قلت وين عزيز** ردت على بللى قلتها.
انقولك:
خلاك للجفا والياس** رحل عزيز يادار عوزك.
تحياتى
دمـــــــــــــــــــــ الوردـــــــــــــــــــــوع

ع الدار دايره ميراد ... هالها تقول يعاودوا

ع الدار كان يوم بطيت ... نشتاجع نجي رامي لها

ع الدار مالهم شي دبو ... مطول رجاك يا عين ايسي

ع الدار نصبروا باليوم ... تمن شداد قولي عزومنا

منوره يادموع الورد

عجــاج شين دون الدار **** خــلا العين تبكي برضها
مــره خلوتك يا دار **** بعد عزيز خلاك اومشــا

تقبل مشاركتي اخي الجارح ( اخوك فتي الصحراء)

كــــــــــــــــيف انمـــــــــــوت ادفنـــي *****فيها دار عزيز اللي نبيها

تحياتي

امير الغربه كتب
.. كيف انموت ادفنى فيها .. دار عزيز اللى نبيها..
انقولك
.. انموت يدفنونى فيك .. وصيت هلى يادار لقدم..
تحياتى

دونك للدار و زوريها .. كبى كل ادموعك فيها

.. تستاهل ابكا ونديب ... خلوت الدار ياعين كاينه..

...خلانى اغياب عزيز *** اطرش كفيف فى دار خاليه...

......الدايم الله يادار..رحلو هلك تميتي خلاء

خلوا الدار وهلها فيها ****علة نا بيش انداويها

كل طريق مشيت امعاها ****للدار تودي نلقاه

المرجاوي

للدار ماشيين بشوق*** والناهي ورانا يلتقط

للدار والدموع هدلـــت*** بعد عزيز ياشوق جيتي

منور يافتئ الصحراء ومرحبا بيك يا مرجاوي

دارعزيز أكبرنا فيها ***** ماعد والفنا خاطيها
بقيتي خلا واوهام رحل عزيز يا دار وسيبك
هيالها عزيز ايتوق***العين عالمواهيم رابطه
....تحياتي

مــــــــــــــــاتن موت اقريب منك .. ما بيت اتساولهن كنك

استاقظ نالا هانا دون .. غلا اولاف قريب أيهون

يالقديم ايش امعقبلي .***. غير اوهام عجاج وقبلي

ضباب أو ظلام أقرنن*** غطن اديار لولاف القدم

تحبااااااااااتي للجميع

اعزاز قابوا بالدار .. بالله كيف ننسى قولي

خوي الجارح
تقبل مروري في موضوعك المميز

فـــــــــــــــــــافــي

الـعـقل يابـعاد الـدار يـمـسي مـعاي ويـيات عـندكـم

وين انريد العين انبكي****بالعاني عالدار انتكي

حتي كان عزيز توارة****مازالت دارة هي دارة

لي عزيز الدار امخلي****وين انجي انتغربل كلي

المرجاوي

اوقات يعرفوك الناس ... و اوقات فيك ياعين يوهموا

... ايامن وفيك عزيز *** مسمح عليك يادار برمتى...
... عندى دار عربها غابوا *** لا ينتسيوا لا ينجابوا ...

تحياتى ( دمــــــــــــــــــــــــــــ الوردــــــــــــــــــــــوع )

نورتو يا شباب

وتحياتي يا فافي

... بعد زمان زاهى فيك *** تميتى خلا يا ديارهم ...

» غناوي علم قويه
» اي فاهق وسع علي خاطرك بس
» غناوي وشتاوي علي العين
» غناوي علم وشتاوي علي السيه
» غناوي وشتاوي ع الاقسام