غناوي وشتاوي ع الدار صح الصح

تذكير بمساهمة فاتح الموضوع :

دار قديمك حول عنها *** تلقط غير علايل منها

الدنيا ماهي دار ركاح *** غلا واجد درناه وراح

العقل قالي بالعقل *** ادير عزم وديار خاليه

اجداب شين جالدار *** يبس وطاك نين شققت

دار جداب ونسها غايب *** غير عليها ماني تايب

عندي دار عربها غابو *** لا ينتسيو ولا ينجابو

ارياف داربي يادار *** عزيز فيك مو فيك جايك

فالدار كيف انريد انطول *** ونا كفيف والقايد اذهب

مشاركاتكم اكيد لها دور كبير ياشباب ما تقصروش عطوا الدار حقها

بعدهم تميتي يا دار...جذب ما نابت فيك اخضار

ونس كبير فاقد فيك ..... عزمي رقيق يا دار هايبك

خيال ما نظرنا فيك *** كنك اتقول يا دار خاويه

دار قديمك حول عنها *** تلقط غير علايل منها

انجيهن اتقول غريب >> ديار كنت ناهو سيدهن..~

طامعين فى خيال ايبان** للدار يانضر طالقينك

طامعين في خيال ايبان*** للدار يا نظر طالقينك

احقوقك نا يا دار عطيت ... بكيت وعازيت وراجيت

الدار بعد لولاف ظلام حلال البكية فيها عام

الــــــدار ..
تقديعى بها ع الدار ... على اعزاز تبكى انريدها
بكيت الدار اطلبت ... ملزومه وانا دودشته

نمشي للدار ايجيبوني..نبكي منعميات اعيوني

خايف شور الدار انجرك *** ما نلقى والي ونضرك

اعزاز
باعدو بالدار ....... خلو العقل يزازى بنارهم

خلو الدار وهلها فيها ... علة نا بيش انداويها ...

دار اعزاز عليها حالف***غير الحي عليش ابوالف

بـــعيد الــدار بعـــيد الدم .. ان شاء الله ياربي يـــقسم

ما القيت دمع نبكى بيه .. و لا القيت عزم يا دار نهلبك

خلا قديم لنا دار*** واللي موش مليوع مايجي

نمشي للدار ايجيبوني .... نبكي منعميات اعيوني

نبرم فى داره انتفقد ... ما نحساب عزيز اسقد

دونك للدار و زوريها ... كبي كل ادموعك فيها

الدار
بعد لولاف ظلام ,,,,, حلال البكية فيها عام

امرار شربته فوق
امرار *** افراق عزيز وخلو الدار

مازلت الدار أنجوللها *** من قابيت غوالي هلها

عندي حق الدار انجيها ... ريت أيام دلالي فيها

» غناوي علم قويه
» اي فاهق وسع علي خاطرك بس
» غناوي وشتاوي علي العين
» غناوي علم وشتاوي علي السيه
» غناوي وشتاوي ع الاقسام