قصائد رداعلى الغناوي

أنقول مانجي للدار***تبرم العين وتجيبني لها
عبد الفتاح نوح العقيبي
ردالشاعرجمعة بوخبينة على الغاوة
في تداعي***علي أوهام ما فيهن خيال تراعي***ونا شورهن نصدم وماني واعي
تنيقضه بعد توبات كبير ذنبها ياويلها
العين هي سبايب علتي ووجاعي
وين مانريد نروق تجبد سريب ويسيل سيلها
فيا تدرا***علي أوهام خلين من الزمان وغدرا***و انا انكان قالت هي عندي حدرة
معاها نشيل الصوت يطرالي اللي طاريلها
وشورهن يسوقني جمال القدرة
حتي إن كان فيها ذنب ولومه ثقيله نشيلها
ناناسيها***وهي تقول جر خطاك وابرم فيها***ونا نخاف نبرم في هذيك الجيها
يناوض علي الجرح يبقا طويل ليلي وليلها
مره نقول برايها خليها
ومره نقول برحت العين من العتب مانقيلها
هي تجول***وديمه علي جبد العزيز تعول***ولابت علي مشوراها تتحول
تطولق علي لوهام قطاعت الوا قابيلها
ونا زاد خايف من رجاي يطول
ونبقي طليب للياسات وتدوسني سنابيك خيلها
هي لازمها***نوع في ديار اللي مشا بعشمها***ونا زاد مانقدر عليه خصمها
لانقول وين تريد ولاويش متهاييلها
لكن اللي ماقاس مايرحمها
عليها يحط اللوم ويقول بوبحت دون جيلها
هي منظامه***ماعندها ملجأ مفيت أوهامه*** حتى وين ماقشع وشال أخمامه
مابت بلاه تحمل معا عزيز وافي كيلها
وان كان قلت ريضي علي البكا تتعامي
وتجي سايقه بالعرض حسوفه اللي مافضيلها
جمعه عبدالرحيم بوخبينه الزوي
أياما وفيك عزيز مسمح عليك يادار برمتي
سليمان الشريمه
وهذه غناوة اخرى ردعليها الشاعر بقصيدة
ياما جيتك ***ويما زاها للزايرن القيتك***واليوم خاليه م الدوج ماضنيتك
يادار عيت فلان اللي عزاز مازالو علي
اخطيتك وماودي نهار خطيتك
ولا لي عليك ملام مكاتيب من واحد قوي
ونبقي زطيله إن كان ما عزيتك
فيهم وفي ماضيك ان كان التعازي تقبلي
ولا نقول عقلي ماقفل خانيتك
ولانقول ماندناك حتي ان كان مافيك حاجتي
ما من مرة***اللي جيتني رامي أوقات الزرة***واليوم يابوعقل ماتتورا
نا خاليه من الدوج وانت نظرك ماعاد لولي
وما هناك حلوة وما بعدها مرة
مايريد شي يدوم تمشي كلها صار واطري
ونا زاد من يوم القناع تعرى
تعال هنا لك ننهال علي ارحلوا ذارهيم اغبي
هل بيت في رق البساط وبره
أيام والزمان الزمان ماعمر من اللايج أخلي
هل بنت ترزي عينها منقره
اللي تخزره ماعاد يبقا سليم لو صار كل شي
ويا محلا ما تفتش عليك الصرة
تجبد سريب صوب خليل سهرايه علي بالك اتجي
عيبك جاير***حتي ان كان فيا باينات مواير***نا خال لباس الجديد الناير
اللي من نهار اخطيك ونا بعده هاذي حالتي
ولو حسبت هذي ضيفتك للزاير
والله مابكيت حذاك بدموعي اللي هي فزعتي
أبدال ماتعزيني علي مو ساير
وتشيلي معاي الصوت تقولي لي ماتليقبي
ونعاود ونا شايل معاي قهاير
بدال ماتحيد تزيد نقصر عليك مي خير خطوتي
سديت وانا في جباك نخاير
بين الرجا واليأس مضا العمر وانا هكذي
حتي ان كان ماجني عليه بشاير
مازلت نتلا فيه انطوله ولا راق خاطري


جمعه عبد الرحيم بوخبينه الزوي