غناوي علم قويه

تذكير بمساهمة فاتح الموضوع :

مشيت امعا لولاف طريق.....اتلف و تستاسع واتضيق
كبدي مرهون امقسمها....واللي بين ايديه ظلمها
يا القديم دوانا فيدك....لولاها ماعاد انريدك
واثق يا لولاف غلاكم....غير الرخوه من يالاكم
يا القديم امغير خطاني....في اللي فات امسامح راني
ضباب عزقني شور ضباب..اندور في دار الغياب
ادموعي يا القديم عليك.....اقريب نستخصرهن فيك
دون عزيز هشاش اديوره....راد الله ماني عد شوره
انعاني في عياط وراي.....امقصر عالاولاف اخطاي
يا غالي هاذين قسامي...فيك ايكرن من قدامي

جيتك انريد النسو...شاركت في أخطورهم يا خلا
قديم يا العين اظلمك....غليت عليه روحا سيبك
ازعما يا العين اتصير ...نلقواجدد باأوصاف القدم
خليت يا العزيز وراك....قطيعت الوا عانيتها
مالك سعد يا عين....عليك وين غليوا باعدوا
ازعما كي انجول عليه...نلقا لولي هو لولي
مجروح جرح تحتا كسر...تبيلا امداوي علي المهل
في حالهم غير ايجوك...ناسيينك القدم يا امرايفه
اتريد من النهار نصيب...بكا الليل ماعد سادها
جديد ما انريد جديد..انريد غير نبرا من القدم
يلقوها اللي بكوك...بشويش يا عين وكلي
نشدت قديم حايت نار..يا ريت علي رايا قعد
الحاصل انموت ابداي..نشكي وانقول القسامي ظالمه
لو كان عادك يا قسم...اتجيبهم انراجي عالمهل
من خوف قول وين اتريد...هويد ليل للدار ننسرق

ان شاء الله تعجبكم موفقين

نتمنى الا تكون مكرر
*********
*********
*********

1.اعزاز مالكين العقل ينساهم منامه يجيبهم.

2.اتركهن تنال جميل مالك سبب في ذنبهن.

3. انصيمو ثلاث شهور لوكان يا غوالي تقسموا.

4. اجعن دعاي يامرهون تلقاه في ضراري كبيدتك.

5. اتركهن وتنال الصبر مالك سبب في دمعهن.

6. أنتي سبايبه ياعين غلا عزيز لولاك ما رسم.

7. العقل وين عابوا فيه احمل وقال يا العين ساهلة.

8.العقل ماعطوه حقوق اصحاب الغلا ضالمينه.

9. الـعـقل يابـعاد الـدار يـمـسي مـعاي ويـيات عـندكـم.

10.العقل في بلاد جهال إن دار الغلا ياذوه ياعلم.

11.العقل ما ينام الليل سطير جرح لولاف سمره

12. الدمع ما يجلي الياس أيزيدكن أرياف وتنعمن.

13.الدمع ما ايحيد غليل سماحة البكا فيه نوطرة.

14.العين قسمها في النوم دققة وفيها شاركوا.

15. العين قابلت ووزنت والعقل قال ما كيفك علم.

16.العين هي عـذاب العقل دلاته علي راي ذيبله.

17.الـعـين في العذاب تحمل ترجاهم رجا نين يـقسموا.

18.العين من غلا مرهون تذوح ما دباره لاقيه.

19.العين راضية ابمنـــام تنضر عزيز فيه اوتنعمى.

20.العين في ربيع غلاك تطلب الله ما يوم تفقدك.

21.العين حاسبت لو قات لقت زمانها مايل بكت.

22.النار في قرار العقل نزلت ياعلم دار راكحه.

23.النار قايله للعقل أن صار ياس لولا ف ناخـذك .

24.الناس يحسبوك ربيع وأنت عذاب يانار الغلا .

25.الصبر شين وزين كان عليه يا العين تقدري.

26.اللي بهم الصيف ربيع خشوا الجون ياعين باعدوا.

27.اللي صايرة بالعقل سراقة بها ما تدري.

28.ابكي عليه ليل نهار عزيز كان يا عين واجعك .

29.إينوس خاطري مهيوس من ياس ناس كانو له ونس.

30. اللي دلولك اسنين عليهم ابكي ياعين نين تنعمي .

31. بلا قشوشه للنار تشيط نوحلو في ردمها.

32. بعد رديم الياس شقيت نار لولاف لهلبت.

33.بنيت قصر في لامال اكبر الياس جاني وهدمه.

34. برادة الله ايطيح سعد الياس مو ديمة قوي.

35.بلاك ما نريد انعيشن نفداك بالروح ياعلم .

36.تبقي حايسه وتموح عزيز وين عيني تنظره.

37.تقاز الغلا محتار القي الياس على باب الرجا

38. تقديعك علي لوهام بلا نصيب ياعين تجهلي.

39.تنهاهن يديرن عزم يجيهن الليل ويذرفن.

40.تهايولها واسمرت العين وين ما لاج نومها.

41.ترجاك والرجاء في الله العين ياعلم ما ميسه.

42. تبقي حايسه وتموح عزيز وين عيني تنظره.

43.تشيط في خفا وتبان سبيل عادة النار ياعلم.

44.تاكل بلا دخان جواني دقيله نارهم.

45. ترجي العين تاسع ياس ترقيع في غلا بايد لها.

46.تذوح في عقاب الدار تلقي عزيز هيال بالها.

47. تصليب جابها ع الكبد خبير ياعلم نارا لغلا.

48.تقول شاطات اليوم غيات ياعلم باد جيلهن.

49.تلذيع القديم اقهرك ان درتي جديد يا عين شاوري.

50.ثلاث هن دوا المريض ان جن يموت وان غابن بري.

51.جبد سريب جابك فيه بكا العقل ما حوته سكت.

52.جضيض خاطري م ألنار بكي جميع مولاي ما خلق.

53.جابك لهن يا عين خبير المواهيم عوقك.

54.جروح يا عزيز غلاك م الغيبه برايا ع العدم.

55.حتى الصبح عندي ليل على عزيز عيني باكية .

56.حتي والمواوير يـاس غلا عزيزنا ما نتركه.

57.حرثن فيه نين جبرن شلال دمعتي يوم ياسهم .

58.حتي وانت فيك الياس خلق الله توقاتك فرج .

59.حطيت عالقديم رديم مع جديد يا نار اولعي .

60.حال غايتي في الصوب وان صار الخطا مانحضره.

61.خليت ياعزيز العقل جنازة بلاروح واقفة.

62.خلاني صفا ليام نشاكي اللي مانشغله.

63.خلاني غلا مرهون نشاكي الدانون ياعلم.

64.خلاني غلا مرهون نموج في هواء ماله سند.

65.خلاك حايرة في الراي غلا عزيز يا عين دوخك .

66.خطر ودار لك مشغال عزيز قبل يا عين ناسية.

67.خاطر عليك عزيز اليوم وامس يا عين باكيه.

68.خطاهم اللي داروه قبلوا جميل هانوا با علي.

69.خلفت ياعزيز معاي فواهق بنيران يطلقن.

70.خطاك ياعزيز معاي مشكاه عيب واسكوته مرض .

71.خطاي من خطاك معاي سبق خطاك كافيت بالخطا.

72.خطرها خطاك العيب اللي معاي جا ما لا سبب.

73.خذيته وصار أمعاك رفيق زين ماهو أمطالقك.

74.خطيوبك مكان الجرح حطوك يا ضميدة عالخطا .

75.خوفنا بعد توبات جرونا مراهين ما فضوا.

76.دموعي علي لولاف شلال كيف ماره فالجبل.

77.ديما قبال العين سوا بعاد والا يقربوا.

78.دموعي علي لولاف أسقطن في صفاء دارن حفر.

79.دموعك عليه كبار غلا عزيز يا عين ذيبلك.

80.دهواري بلاهم خير لاهم ولا عرب غيرهم.

81.ديما اقبال العين عزيز لا تواري لا قسم.

82.دموعك عليه حلال عزيز كيف ياعين والدك .

83.دموعك عليه كبار غلا عزيز ياعين ذيبلك .

84.دوا مات غلا مرهون م النوم وين نوعي تصيدني .

85.دموعي علي لولاف ستين ألف وادي جلبن .

86.دعاي ياعزيز عليك أدعا حاج مولاي قابله .

87.ذنوب يا عزيز عليك سمار وانت في نومك هـني.

88.راقد وجاك النوم كذاب مو غلا نا جارحك.

89.رجيت والرجا ما جاب ننساهم الله غلب علي.

90.رماهن صفا ليام علي عويل مو قيسا لهن.

91.رجيتك وطال رجاك وانسيتك وما نيتي نسا.

92.رزاك عرف ما فيك صبا العقل ورماك طوطشه.

93.روامي أرمام العقل خطر عزيز حوما جابهن.

94.زعمه يا عزيز تسال والا سحبك ديوان غيرنا.

95. زعمه كيف صارا لموح مدعي غلاي مازال جابده.

96.زرعت زرع جاب أثمار جنوه ناس ما نالوا شقا.

97.زعزاعة الياس تغير ع العين وين ما دارت نما.

98.زعمه ما يريدا لعقل يزها بيك ولا يوم ياعلم.

99.زعمه كيف صارا لموح مدعي غلاي ما زال جابده.

100.زلازل وفيض ونار غياتك براكين خلفن.

101.سقوه من نقيع الصبر ينسا عزيز مابا خاطري.

102.سياتك صقيع جمود حطيتهن علي نارك طفت.

103.سمرن نين ماح النجم حتمن ياس غاليهن غفن.

104.ستين الف جوز طبيب الجرح جار عانوه كادهن.

105.سفا رديم ع النيران العـقـل وين مافيهن وحل.

106.سحبه صوب مرهونين العقل ما عليه والي نشد.

107.سريب صوب جا للعقـل نساه يا علم طاري الهل

108.شلال من شراب عزيز دموعي علي ياس العلم.

109.شدي عزايمك ياعين يفـني العمر يابال الغلا.

110.شكاع بارقه ما بات غلا جديد لا في خاطري.

111.شكواك له امغير معار للي عليه ماجار فاهقك.

112.شكواك وانت داك كبير للي سليم بورة حا سرة.

113.شراب في المفاصل ذاب غلاك داه ما لا دواء.

114. شقانا وراهم ضاع سعد الغير جا فيهم قوي.

115.شرهان خاطري بغلاك يطولك ولا راضي ع البكاء.

116.صبا العقل يوزن فيك لقيك ردع لوطان كلهن.

117.صبار والكواين فيه شديد شديد عزم ثاريت خاطري.

118.صبرن يا عزيز سنين اللي قبل يوم يكيدهن.

119.صبا لي وزير الياس نساني غلا مو برادتي.

120.صنم شكيت له م الياس جبر بخاطري وقال يقسموا.

121.صعوده تهابي فيه غلا عزيز يا عين كايدك.

122.ضليتي ضلال كبير وراء عزيز يا عين الحياء.

123.ضليله وراء مرهون العين م ا لبكاء نين أنعمت.

124.ضليله وراء مرهون العين م البكا نين انعمت.

125.ضليله رايها مازال العين بالمراهين شاقيه.

126.ضليله وطت في حوض تطول في عزيز وتلتغب.

127.طباعة غلا مرهون تناوض علي رأس حولها.

128.طروا عزيز ع الغفلات سهيت نين ما فيدي وقع.

129.طارح فراش الياس العقل نام نومه ريحه.

130.طالب الله فزاع بيني وبينك ما ايصير وداع ليوم الآخرة.

131. طبيب لطبيب ايقول ايموت بينا راك تلمسه.

132. طبيب ياعزيز غلاك صفق ايديه مولاقي عزاء.

133. ظليمه عليه الصبر جرحه جديد مازال خاطري.

134.علي اثر جيرته مرهون تما بغيبته ما ينطري.

135.عليه أبشري ياعين عزيز كان مرهون وفضي.

136.عليها شرار النار غيات المراهين يعلم.

137.عليهم لها مدات عزاز قابلوا عيني بكت.

138.علي غلاك نين تموت العين ياعلم بات رايها.

139.علي جار طالق نار غلاك وين ماجا لخاطري .

140.عليك بالعلم ياعين اللي عجاج ميراده طرب.

141.عليك خاطري مجروح وياعزيز ناويش درتلك.

142.عيب ياعزيز النقص وهن معاك دجاية غلا.

143.عزيز وقت نوم الناس سريبه يجي دون خاطري

144.عزيز وين ما نطروه يسيلن رقيقات الغرض.

145.عزيز هو سبب لنظار عماهن وما بايقودهن .

146.غفت العين جاب العقل سريب ياعلم طار نومها.

147.غلاي وين دار اثمار مشاله الياس وقطعه.

148. غنايا ونا معتاز العقل قال مالي ومالهم.

149. غني في غني مشتاق زعمه كيف لا ماهم يجي.

150.غربه وجا يـلين عليك زعمه ويش قانوك لهم.

151. غرض العين في مرهون سفاه الا لكن مضت.

152.غلاك عضم كسره قند دقداق ما جبيره تلايمه.

153. غالي علي لنظار حتي وانت مرهون ياعلم.

154.فدا عزيز مو ميجود كبير جا علينا فاهقه.

155.في علو ملزومات حدرن وين نباهن علم.

156.في زمان قل القدر لقي العقل لتراك خير له.

157.فراق ا لعزيز صعـيب تخريج روح يانا موعره.

158.فطنوا باقلال الدين علي مساربه تادروا حرس.

159.فراق العزيز صعيب والصبر في فراقا كادني.

160.قايله مع عقال العين حالفه ما تخونهم.

161.قديم جرحهم لولاف حقا وهم غنا ياما بري.

162.قفزات خاطري م النوم اسبابه الغنايا وجرحهم.

163.قليلة نجا ياعين من يوما وطيـتي نارهم.

164.قسمت ليلها ليلين العين في مراجيي غاليا.

165.كاس ياسهم في اليد يذوق فيه ويقول يقسمو.

166. كلت زنايقه تقديع العقل ياعلم نار الغلا.

167.كبرت نار شاطت نار ولعت نار في نار قابلت.

168.كبرن نار مرهونين كميتها علي جوفي رقت.

169.كثرن كواينك يا وقت وغاب عزمنا بيش نتقوا.

170.كانت العين مزار يجوها مجاذيب يوقعوا.

171.كبيره عليه العقل تجفاه دار ويعاود لها.

172.كنيب تشغلي مولاك علي عزيز يا عين أغردي.

173.كذاب يا منام الليل تجيب في ناس طال ياسهم.

174.كنيبه مغير ايام سعد الياس مو ديما قوي.

175.كذاب من تشيط معاه ويقول نا نواري نارهم

176.كميته علي جار غلا عزيز نشكي بالمن.

177.لو كان بعذابك حاس عزيز ما جفا يا خاطري.

178. لو كان ما خلق مولاي مغير أنت وأنا والغلا.

179. لو كان الوطا تنشال نشيلو عزيز ومقعده.

180.لو كان يقسم المرهون نرجوه ما علينا في البطا.

181. لو كان يا منام الليل تبقي رسيل بيني وبينهم.

182. ليش يا عزيز ادير الصوب وأنت عابي ع الخطا.

183. ليالي مضن وايام طلبنا الله لا أتعاودهن .

184.مغير مذهب الرايات الا العقل رأيه مودعي.

185. مبدوعه نديروا صوب تصير في عقابه مخادعه.

186. مرهون تحت ناس عزاز رزاني وناره مقايله.

187.مرهون يالعين أنسيه ديري عزاوين واصبري.

188.مرهون جاصداف العقل عليه تبت توباتي نقض.

189. مرهون ماعليه رباط يخون ويما قابل نظر.

190.مرهون عند شين اللون غلا عزيز ياناري اقبي.

191.مرهون عند شين اللون احجر نباه ماعاد ينطري.

192.مرهون دارلك ياعين سراقة غلا نين ذيبلك.

193.مرزي العقل كا مي داه من خوفا يشاكيك تنكره.

194.ما طبيب داوا داي تعال يا سبب داي شوفني.

195.ما تقول فيهن زول بعد عزيز لوطان سوتهن.

196.مالك في الغريب نصيب علي هلك ياعين عاودي.

197.نستاهل انكان الحمت نار طافية نابشتها .

198.هني كان هم لولاف بعد رجاي يا عين طلتهم .

199.وحلت فى ضلال العين كبرت نار ع النار لوله.

200.يزازن بنار غلاك الانظار ياعلم واكلتها .


تقبلو اعطر التحايا

شكرا صديقتى على المرور******* تحياتى وشكرى لك

[i]وين شاهين برقه غلبتنا كلنا....امنور ولله

وديت القديم ابعقل..اتقول قتلا هاك قطمره

عطيني جهد يا وقت...انلايم جديدين عالقدم

كي اللي في غلاكم طلت..كي في الدنى لا يا قدم

يا لولاف غلاكم كنه...كي انتفقد نفقد منه[/i]

هذي مارت انسيت عزيز...:ان نضت نومي امطيبه

رقد الليل خاف ايجوه...ونسى نهار فيه ايقابلو

صيور صبرنا ماحيه..الياس مو علي طول عمرنا

لى داير روحى ناسيه ما انتحمل حاجه فيهE
انعنى ما نفقدك طارى يا قرعه روحى وانظارىE
نوحل وين ايجو على الطارى ايباتن مشتاقات انظارى
ديما خليها فى ظنك عمرى ما نستغنى عنكE
تحياتى وان شالله تعجبكم

نرجي والمرجي في الله ** ايجيني الغالي نعيش معاه

امتي نلتمو يا لولاف ** تعبنا غير رجا ورياف

راجيتهم ما جوني علي كل جهة نلتفت خلوني*** اعزاز طولوا

نرجي في الغالي متباعد كيف اللي عالجمرة قاعد
الجمرة من نار المرهون تولع سطاش كانون

حتي لو قالن ماقالن ---عالولاف احنن مازالن---

كبير والكبير الله---غلاك ياعزيز في خاطري

السلام عليكم

مشاركة باكثر من 60 غناوة علم


مشغول عالقدم ياعقل @ امغير قول ما انقولها الحد
يادمع واجد غير @ لوكان في من يستاهلك
حتى اوهو عطيب اجهدي @ مازلت عالغلا ماننقدع
مني سرقت حيل العمر @ بالدنو ياغني سايستني
غنواك قالي مو عذر @قديم جا متعامي علي
عود عوج يالقديم @ عنقالة الغلا ماتحزمك
انجيبك ابشيل انظري@واتريد تنتسى يا لولاي
ازعما كي انجول عليه @ نلقاه لولاي هو لولي
عزيز جاي في ممشاك @ مكبر كواينك يا امكونة
اوما فرزت غير عزيز @ كثرن اوجوه ساولتي علي
القايل القي ما ايقول @ ابروحي تراخيت عالغلا
اومامن غلا عنتيه @ والعمر يالنقابه هلب
مرات عالوهام انحوس @ اومرة انقول مالي اومالها
خطيتا الها واندمت @ للعين دار فالصوب راكحة
خبطت ياعزاز الموح @ والدمع غير كامي واجدن
اوما رادهن شي كبر @ لصوب كي بدري ايشارفن
لنظار في اسواق الصوب @ بدري دايشن ماضننن
امحوس شين في لوهام @ دارت العين مي امراجية
لعزاز مالقيت عذار @ نمشيبهن الهم نين ننستر
بلسمت ياغني عالناس @ داروك وانت ظالم منظلم
اتحيد في اغبون العقل @ بكيت الدار راها امجربة
حكيت فالفواه اعلقت @ اوكي سكتت مرمدتني الوسوسة
داوايها عليها موح @ عديمة الغلا يانويرتي
اعيوني امعا لولاف @ تلاقن بكينا امناضرا
عزيز لو دناه ايسير @ ماعاد العين تبكي ابغيضها
ادموعي عزيز طروه @ واترابي رقيق اساقطن
كان غير ما ادموعي سيل @ غلا الدار عشرة زايدة
حسوفة اتهد العمر @ حذوني غنايا اونا غني
تمالي الياس شريك @ يقسم امعاي فالاي انجيبها
لدار في هاذيك الدار @ كالاي اوجوه ماهن الها
لوكان ماهشمني عمر @ غيات ولاقدم مالن علي
ياقديم ناوياك @ متراوكين ويش ايحزها
جديد ما اندير جديد @ لوكان غير نبرى مالاقدم
عليك درت خوجة عزم @ هفيت ياقديم اربيتا
دناك ياعزيز ايحوم @ كالاي غلاك فيدي امصوقرة
بكيت ماعلي اشفقو @ اوكي سكتت عدوها علي
اولا العمر يبقى عمر @ اولا ابدمع خلوك الاقدم
انجي انطيح بين ايديك @ نين ناخذ سموحي مالغني
خاطي قديم نا والعين @ مالقينا مشاكي ينحكن
بلي جيتا لصوب @ خلااها علي مي لولة
النسو وين يالولاف @ وجناح لمواهيم لمنا
امغير شيلني لدار @ واطلق اتقول بيني اوبينها
النار لولة ياعين @ مازال في اطرافي لذعها
بالعين نزلهم لولاف @ هدو العقل هد اهدودهم
يالعين ماودوك @ للحومة خذوك اونازحة
مالاي امضايقات العلم @ بمغيض يا اعزاز انريدكم
غلا قديم نطري فيه @ انريد ثلث ماليل ناخذة
القيت الصوب وقتا فات @ العقل كي علي روحك عاد
غلبان من اغياب عزيز @ لوكلن بالرجا ما انهون
تبيعة غلا القديم @ مابت امعا العين تنقطع
تناصح القسم اوجاب @ لنا جديد نسا لولي
ايديه عاقبات وراه @ جاكم العقل والراي عندكم
اولا مكيد نين ايست @ دنواهم اولا ساهل علي
عزيز وين طال عزيز @ اخزر ابعين عانا امرارها

وهضوما عالخطا

عزاز خاطين اللوم ***علي والخطا سابقين به

لااللى اخظيت لين اتهون *** ولا اللى اقسمت ياصاحب الغلا

مع غلاه صار خطاه .*** انظر العين تبكي من ايهنها

غلا عزيز من الياسات ***. فرحة العين به ماطولت

اعزاز والوفوا على البعد*** يا العين هذى ديرى احسابها

خطا قديم تكمي فيه *** نحلف عليه مازال واجعك

يقرو عليه ليل نهار*** حساد نين جابوه للخطأ

اتقول ما اخطي غير انت *** كنهم امعاك يا صاحب الغلا.

ليش يا عزيز ادير الصوب *** وأنت عابي ع الخطا.

خطاي من خطاك امعاي ***** سبق خكاك كافيت بالخطا

خطا ما اخطينا فيك *** وخطانا من سريب الخطا

يوم خطا لولاف انعاني *** ذاهب جابوني جيرني

عزيز حلم جاب خطاه***بكيت فيه واوعيت للبكا

مستوها نهار خطاه *** الناس نين قالوا ابعزمها

نستاهت نهار خطاه *** ضرت العقل يا ريته بكا

يوم خطاهم ياما درنا *** غير بعون الله صبرنا

اللي مامتنا يوم خطاك*** نعيشو يالخاين بلاك

العقل واجعه ماضيه*** يبكي عليه مازال قاهر

خان غلاي وقسمي لطه** ***خنجر بين اضلوعي حطه

ياجياب نبا فرقاهم** **ياريتك عديت معاهم


يا جياب نبا الغوالي** : **ياريتك ما قلت الوالي


هداهدود الي خبرها *** **جاب نبا العزيز قهرها

نا والعين شقانا زايد *** *ترقيع البايد بل البايد

الحوش الي قالو ما انجيه** **ما اندير اعويله الافيه


الخاطر طول الليل ايجض ****وهلنا يحسابوه مرض

الخاطر من قلة دبار*******يكبر في نار على نار

صباره عيني ما اسمحها----حتى كان عزيز جرحها

نهونى عقالي مابيت-----بروحي عا النار اداعيت

عينى سالت يوم خطاهم---- وانعميت ساعة فرقاهم

عزيز بعد ما دار خطاه----توازت بدري نا واياه

عندى عين اشكا ما تشكي ----لكن وين اترايف تبكي

من خونه لولاف او جاي----انخلط في نومى با ابكاي

ياعيني عا الدار حلفتي---لكن جروك وخالفتي

عندي في لوهام دسايس----كيف انجيهن نقعد حايس

وين انقول خلاص ارتحنا *** يخطر زول اللى جارحنا

زولك خطر ناس اقدم **** زها ما لنا غير بهم

كان على صوبى لايمتى *** ماعندى حاجة غير انت

كان خطر ماني قايل لك---ابكى نين اتفشي غلك

فوق ارموش العين مكانك -----بيدك خفيته ميزانك

الي ما قاس النار ايقول----امغير اصبر شده وتزول

سيل الياس خذاناسرقه----لا غيم لا شكع برقه