غناوي علم علي الأوهام

تذكير بمساهمة فاتح الموضوع :

1- يا دار عيت فلان ........... اللى عزاز مازالو على
2- لاابهدب لاابصيص ........ العين من المواهيم عاودت
3- العين شور دار قديم .......... خذيت ذنبها وين شلتها
4- اياماً فيك اعربك ............. مااسمح عليك يادار برمتى
5- جريتي عليه عماك ......... خطى دار ياما قلتلك
6- اتريده عما الانظار ............ من البخث شور داره عاودت

مصوقر خلا لوهام ...امغير جابني ماضي الهن

خلوهن اعزاز عجاج ** فجاوي امواهيمهم علي

اوهام لولى هاضاك *** رقن عزايمى وين جيتن

خلالها عزيز اوهام ** العين ما بكت نين جورن

الكاينة اوهام قديم *** ماشيلهن وعارفهن خلا

وايش انريد في لوهام ** اللي عزيز فاتني وفاتهن

مانى بعيد مالوهام *** عرفت وين ماحاس خاطرى

ويش درت فى لوهام ... يالي بكيت عامات واجده

ابعاد وجا فيهن ياس **** الله الله اوهامك ياغني

خطر دلال المواهيم ** بكاك يا كبيرة عالبكا

انريد دوج فيه انروق ... مليت من مواهيم خالية

وحتى عزيز مو قاعد ** ويا اوهام ديما تشغلن

يالوهام خذيت عليكن *** راسى ماشاب الا بيكن

خلالك عزيز اوهام ** عليك ان بانن عيطي

ملايه على الوهام ... اصداف جن وانا جيتهن

جريت ما مسكني وطن ==رديت مالمواهيم منفجع

أنجيتي علي لوهام *** مايدوم حال قولي وأهلبي

صاحب صوب اللي في بالي ... عدا و اوهاما خلالي

نمهد يا عيني بعقالي نين انطق اوهام الغالي

عزيز خذا غفوت لنظار .... امخليلي لوهام ستار

انجيهن كى الغريب ***** اوهام كنت نا هو سيدهن

نحسابهن الا عامرات ... وندمت وين لوهام جيتهن ..

هندبتن احذا لوهام ... كبن ادموع والن خاطري

جضيض الخاطر في الاوهام .. عياطه فزز ناس حطام ..

اوهام العزاز اعزاز *** حتى وهن خوالى نزورهن

» غناوي علم
» غناوي علم ...
» اي فاهق وسع علي خاطرك بس
» غناوي علم
» غناوي ع القسم