غناوي علم ع الخطا

تذكير بمساهمة فاتح الموضوع :

1- اعزاز خاطين اللوم ......... علي والجطا سابقين به
2- لااللى اخظيت لين اتهون ........ ولا اللى اقسمت ياصاحب الغلا
3- مع غلاه صار خطاه ............. انظر العين تبكي من ايهنها
4- غلا عزيز من الياسات ........... فرحة العين به ماطولت
5- اعزاز والوفوا على البعد ........ يا العين هذى ديرى احسابها

... ايهم كتب :
... ازعمه ايش حال عزيز *** مادام ياخطا جيت بينا ...

انقولك:
... عزيز خير منى بيش *** ينكر غلاى وانا اندوره ...
... انسيتك ياالعزيز خلاص *** اتخطم كيفك كيف الناس ...

... خطاك ياالعزيز احملت *** امسامح انريد ايش السبب ...
... امسامح على مادرت *** لكن امعاك مانى لولى ...

تحياتى

لاجل خواطر ناس *** ان جانه العيب انسامحوا

الانظار حالمات دناه***ويسير الخطا في جرتا

مشكور ايهم - دموع الورد- عشق علي المرور والمشاركات الرائعه

شمت الناس في وفيه """ عزيز ع الخطاء ويش زاره

تقبل مروري يا خوي وصحيت

...خطا عزيز كيد كبير *** معاه خاطري ناض وقعد
..تقبل مروري

... اللى قبل هو مشكاك *** للناس كيف تشكى بسيته ...

ولا اعلمن يوم خطاك *** ياريتهن انظاري موتن

تحياتي ومنور عالمستوى الرائع ..

الولهان ..

لو كان الغلا كي قبل *** علي عزيز ياما من عدد

الموت كاينه واتكون *** خطاك هو اللي واعر علي

مستوى رائع بصراحة اخي فتى الصحراء...

... داوى الخطا ببكاك *** الكمد راه ياعين يقهرك ...

تحياتى فتى الصحراء
دمـــــــــــــــــــ الوردــــــــــــــوع

مستوها نهار خطاه *** الناس نين قالوا ابعزمها

مشكور اخي الولهان علي المرور القوي ومشكوره اختي دموع الورد علي المتابعه

خطرها خطاك العيب *** اللي معاي جا ما لا سبب

خطاك ياعزيز معاي *** كبير غير كاميه خاطري

صح لسانك وسلمت ... الولهان

مشيت علي عمري ابلوم...وانخطا في الاوهام لاجلكن.

مازال واجعك يا عين **** خطاهم اللي ماله سبب.

خطاهم امغير اقسام...لا هنت لا هانو علي.

يوم خطاهم ماني فاكر..ما جضيت الا لمباكر

لو حسبت ساس غلاك *** مبني ع الخطا ما شقيت به

تحياتي .. الولهان ..

لا عزيز داير خير ... ولا خطاه لا قيله جهد
ليش يا عزيز ادير ... الصوب وانت عابي ع الخطا

تحياتي الجارح

ايقولن خطاهم جبر **** مازالن حنونات عالغلاء

امير الغربة

الدنيا يالعزيز نصيب ............ الا توجيع الخاطر عيب
دونك يا مولاي انصفني ........ خان عزيز وهو حالفلي

اللي ما متنا يوم خطاك .. نعيشو يا القديم بلاك

فـــــــــــافـــــــي

اللي هلبه يوم خطاك طويل عمر ثاريت خاطري

الجارح

لـو كـان الغلا قـتـال .. نهار الخـطا راك قاضيه

فــــــــــــــافــــي

يوم خطاهم خفت انغفي """" نصبح لمباكر متوفي

العين عالخطا تنهاك *** حتي وانت شاوي كبدها

تحياتي ليك أخي فتى الصحراء...

» غناوي ع الياس
» غناوي علم
» غناوي علم ...
» اي فاهق وسع علي خاطرك بس
» غناوي علم